Pagsusulong ng Green Revolution, now na!

ni Imee Marcos - @Imeesolusyon | December 16, 2020

Usapang kalikasan tayo, mga beshy. Nakapagtataka ang mga opisyal sa DENR kung bakit tila give-up na sila sa pagpoprotekta sa mga watershed. ‘Kalokah!

Kamakailan, sa isang pagdinig ng Senado hinggil sa nagdaang mga pagbaha, maging mga kapwa natin senador ay napataas ang kilay. Biruin n’yo ba namang aminin ng DENR na hindi rin daw kayang pigilan ng mga puno at halaman na nakapalibot sa mga watershed ang pagbaha?

Hindi akes makapaniwala na mismong taga-DENR ang tila hopeless na maisalba ang ating mga nasisirang watershed? ‘Wag naman, Secretary Roy Cimatu, plis lang!

IMEEsolusyon natin d’yan, Secretary, eh, medyo gising-gisingin ang mga tauhan natin at nakatalagang opisyal ng DENR sa bawat rehiyon at direktang makipag-ugnayan sa mga LGUs.

Ito’y para naman makahingi rin sila ng tulong sa LGUs at mga residente na magpahalaga sa mga tanim at sa ating Inang Kalikasan. ‘Yung tipong ibabalik natin ang partisipasyon ng bawat mamamayan sa pagsusulong ng Green Revolution. Buhayin natin ‘yan para na rin sa proteksiyon ng mga dam na siyang pinagkukunan natin ng tubig.

Magtanim na ulit tayo, at pinakamahalaga sa lahat, simulan na natin agad. Hindi bukas o sa mga susunod na araw kundi ngayon!

‘Di nga ba at nauuso ang mga Plantito at Plantita nitong panahon ng lockdown at quarantine? Green revolution pa more!

IMEEsolusyon din d’yan, if ever naman na kaya ng budget, eh, mamigay na ng mga seedlings tulad ng ginagawa ng ating tanggapan. Namamahagi tayo ng mga pananim na malunggay sa iba’ ibang barangay sa Metro Manila at ilang probinsiya. ‘Yung ganyang tipo, ‘di ba?

Basta, Secretary Cimatu, ‘wag kang susuko. Keri natin ‘yan! Huwag natin paabutin ang panahon na ang mga ibon ay wala nang punong madadapuan. Kawawa ang mga susunod nating henerasyon.

Panawagan din sa bawat lokalidad, plis, makisali tayo sa pagtatanim ng mga puno. Marami nang bundok ang nakakalbo, palitan natin ng mga bagong pananim. Green revolution na! Now na!

Ahensiyang mag-aasikaso sa lahat ng problema ng mga OFWs, itayo na!

ni Imee Marcos - @Imeesolusyon | December 11, 2020

Noong wala pang COVID-19, maraming OFWs ang umuuwi sa ating bansa tuwing Disyembre para magbakasyon at makapiling ang kanilang pamilya sa Kapaskuhan.

Pero bago pa ang Disyembre nitong taon, libu-libo na ang inilikas at pinauwing mga overseas workers natin dahil nasibak sa trabaho dulot ng pandemya. Kaya taranta to d’ max ang gobyerno.

And take note, natengga pa sila ng matagal sa Metro Manila, dahil sa 14-day quarantine. Limitado ang galaw kaya hindi rin agad makakuha ng ayuda na ipinangako para sa kanila.

‘Pag OFWs ang pinag-uusapan, maraming issues ang nakataya. Nand’yan ang distressed, displaced, abused at kung anu-ano pa! Pero ang tanong, sa dami ng mga ahensiya ng gobyerno na tumitingin sa kapakanan nila, naasikaso ba sila ng husto at tama?

Dahil d’yan, IMEEsolusyon tayong panukala na magtayo ng National Overseas Employment Authority o NOEA na siyang mangangasiwa at tututok sa lahat ng mga pangangailangan at problema ng mga OFWs.

Sa ilalim ng NOEA, hindi na daragdagan ang sangkatutak na Usec at Asec. Iko-consolidate rito ang mga overseas workers assistance fund. Magtatakda rin ng hiwalay na shelter para sa mga babae at lalaking OFWs, pati mga anak nila, kapag may emergency repatriation.

Ito rin ang mag-aasikaso sa permanent, temporary at irregular migrants. Bongga, ‘di ba? Itinuturing natin silang mga bagong bayani, kaya nararapat lang na organisado, systematic at efficient ang pag-aasikaso sa kanila.

Remember, nagpapasok sila ng malaking remittance sa kaban ng bayan. It’s very urgent na ayusin ang mga problema nila, at dapat holistic ang approach. Agree?

Jobless na Pinoy, habang tumatagal mas dumarami pa, ‘kalokah!

ni Imee Marcos - @Imeesolusyon | December 9, 2020

Ilang araw na lang, Pasko na pero milyong Pinoy pa rin ang walang trabaho. Ayon sa huling survey ng Philippine Statistics Authority (PSA), mahigit tatlong milyon ang unemployed nating mga kababayan. ‘Kalokah!

Meron mang job fair ang Department of Labor and Employment o DOLE na may alok na mahigit dalawampung libong trabaho sa ‘Pinas at sa abroad, wala pang isang porsiyento ito sa 3.8 million (o 8.7%) jobless Filipinos na nasa labor force.

At kahit may nababalita ng mga bakuna kontra sa COVID-19, paano naman ang mga trabaho at ekonomiya natin?

Natali na tayo sa mga pansamantala o band-aid solution tulad ng tinatawag na TUPAD, CAMP at cash for work programs, pero hindi pa rin ito sapat.

At kahit ang latest jobless rate ay mas mababa kaysa sa naitala noong Abril, hindi pa rin ito ang normal dahil ang unemployment rate ng kaparehong panahon noong 2019 ay 4.6% lamang.

Ang natatanging IMEEsolusyon dito ay kailangang bumalangkas na ang pamahalaan ng “national policy” para sa “job recovery”. Dapat kasabay ito ng pagkakaroon ng bakuna. ‘Ika nga, walang iwanan, dapat sabay-sabay. Agree?

At habang wala pang bakuna, nananawagan tayo sa ating pamahalaan at mga ahensiya ng gobyerno na isabay na nga ang nasabing “national policy” para sa long term plan. Kung paano magkakatrabaho ang maraming Pinoy, dapat maging sistema ito.

Sana, bago matapos ang taon, maisagawa na ito para siguradong ‘pasok sa banga’ at pagdating ng 2021, umuusad na tayo. Kaya sa mga kasamahan ko sa gobyerno, plis lang, ‘wag nang magpatumpik-tumpik pa. Gora na!