Habang wala pang bakuna, palawakin pa ang paggamit ng Ivermectin

ni Imee Marcos - @Imeesolusyon | April 30, 2021

Wala pa ring katiyakan ang mga inaasahang bakuna sa bansa, sa hirap ng pangangailangan o dapat mabakunahan ng gobyerno araw-araw ang mahigit sa 300 libong Pinoy mula ngayong Mayo hanggang sa matapos ang taon.

Sa katotohanan, mahigit 93 libo pa lang kada araw ang pinakamaraming naturukan ng COVID vaccine, ayon na rin sa report ng IATF na inaambisyon na 78 million na mga Pinoy ang mabakunahan sa loob ng taong ito, alinsunod sa rekomendasyon ng World Health Organization.

Ang tanong natin, mga friendship, ano ang back-up plan natin? Eh, nitong linggo, napurnada ang inaasahan nating bakuna na Sputnik V mula Russia. And take note, maging mayayamang bansa tulad ng UK o Britanya at ng EU nagbabangayan sa produksiyon at pagbarko ng bakuna.

Hindi lang ‘yan, kamakailan lang ay may mga sagabal na sa vaccine shipment ng Moderna sa yayamaning mga bansa tulad ng Canada, Britanya, tapos pati nga ang paggamit ng AstraZeneca at J&J vaccine ay ang dami sagabal, meron pa kasing panibagong safety review dito. Juicekoday!

Dagdag pa riyan ‘yung India na siyang pinakamalaking vaccine manufacturer, eh, nagtapyas ng kanilang ini-export, siyempre, inuuna nila ngayon ang kanilang bansa dahil mas lumubo ang mga tinamaan ng COVID-19. Santisima, eh, paano na tayong mga kasama sa mga abangers ng bakuna?

Super-duper malilimitahan lang ang bakuna nating makukuha, ‘kalokah! Eh, nasa 201,521 pa lang ang nakakakumpleto ng bakuna, habang 1,205,697 ang naturukan ng unang dose pa lang, so, ano na? Hay naku!

Pero, ‘ika nga, kada may problema, may IMEEsolusyon tayo, at isa na, eh, ang inihihirit na naman natin sa Department of Health at Food and Drug Administration na payagan na ang mas malawak na emergency use approval ng mga repurposed drugs na tulad ng Ivermectin, na ginawa para sa ibang sakit gaya ng elephantiasis at “river blindness” pero nakitang may pakinabang pala na ibsan ang pahirap na sintomas ng COVID.

Aba, eh, malaki ang maitutulong niyan sa ating health care system, napakamura lang P35 kada piraso! Eh, ‘di ba, nga pinayagan na ‘yan sa ilang ospital ng mismong FDA? Marami nang doktor at pasyente ang nagbigay ng testimonya na nakabuti ito, ‘di ba?

Sana itodo na, ‘wag nang limitahan sa ilang ospital lang, na parang takot masagasaan ang interes ng malalaking pharma kasi nga mura lang. Kung makatutulong ito habang walang bakuna, why not, ‘di ba? Go na sa Ivermectin, now na!

Mayor Sara, gawing special envoy sa China; tensiyon sa Spratlys, hilutin!

ni Imee Marcos - @Imeesolusyon | April 26, 2021

Mula nang makisilong lang umano ang nasa mahigit 200 Chinese ship sa Julian Felipe Reef dahil sa sama ng panahon, painit na nang painit ang tensiyon sa West Philippine Sea.

Nakababahala ang ganitong sitwasyon, dahil kapayapaan sa rehiyon ang nabubulabog nito, lalo na’t marami pang nakiki-ride on o ‘sakay baby’ na tila maiinitin din ang ulo. Scary ‘yan, ha!

Plus, may nakikisawsaw pa at tila sumusulsol ang ilang kaibigan kunong bansa na ipagtatanggol daw tayo sakaling birahin tayo ng China at ituloy ang pag-aastig-astigan sa Spratlys. Juicekoday! Hindi ‘yan ayon sa kulturang Asyano na pamamaraan ng pagresolba.

Ina-aaraw-araw na ang protesta natin, noong Biyernes dalawang diplomatic protest na ang naihain laban sa China. Oks lang ang mga diplomatic protest, pero pagdating sa komprontasyon ay teka, preno muna tayo. Hindi dapat idaan sa kapusukan at galit ang isyu.

Katig ako sa ating Pangulong Duterte na maging mahinahon pa rin sa ganitong napaka-sensitibong usapin. IMEEsolusyon na nakikita natin na magpadala sana agad ang ating Pangulo ng Special Envoy to China at hirit nga sana natin, eh miyembro ng Duterte family na tulad ni Mayor Sara ang mapisil niya.

Iayon sa kulturang Asyano ang pakikipag-ayos sa kapwa Asyano. Iba talaga kapag mula sa Pamilya Duterte na tulad ni Mayor Sara ang kakausap sa China at matitiyak din ang prangkang pag-uulat sa ating mahal na Pangulo.

Ikalawa, IMEEsolusyon din dito ay dapat mag-level up na, ‘ika nga, ang gobyerno sa pagsulong ng mga kasunduan tungkol sa pangingisda, oil and gas exploration, paglaban sa krimen at pangangalaga ng karagatan sa pinag-aaawayang maritime areas.

Isama na rin d’yan ang pagkompleto na sa tinatawag na Joint South China Sea Code of Conduct ng mga miyembro ng ASEAN o Association of South East Asian Nations at China.

Nagtagumpay na tayo sa pagsulong ng “shared interests” o magkatuwang na layunin sa ating mga kapitbahay sa ASEAN noong nakapaglatag ng joint naval anti-terrorism force ang Pilipinas, Malaysia at Indonesia, kasunod ng nangyaring Marawi Siege.

Dapat isulong ng ating bansa ang mga magkatuwang na layunin kaysa pansariling interes lamang, kung nais nating manatili ang pagkakaisa at kapayapaan sa rehiyon. Kooperasyon ang ibubunga ng diplomasya, agree?

Online selling ng imported pork at meat products na posibleng may ASF, bantayan ng DA at NMIS

ni Imee Marcos - @Imeesolusyon | April 23, 2021

Mula nang magpandemya, mas lumakas ang bentahan sa online ng iba’t ibang produkto, tulad ng mga gamit, damit at pagkain.

Pero, nakaaalarma na mabiktima ang mga online shoppers ng mga puslit na produkto tulad ng smuggled na mga imported pork at meat products na, ‘di ba?

Super-delikado talaga ang posibilidad na may tama o kontaminado ng ASF o African Swine Fever kapag nakabili ng smuggled pork sa online. Baka maging super-spreader pa ng ASF ang kontaminadong baboy. Ang saklap ‘pag nagkataon!

IMEEsolusyon pa rin d’yan, partikular na ang pagpu-push natin na istriktong inspeksiyunin ng National Meat Inspection Service ang mga ibinibentang smuggled o imported pork sa online.

IMEEsolusyon din para sa proteksiyon ng mga magbababoy na hindi pa nadarapuan ng ASF na habulin ng NMIS o DA ang mga hindi awtorisadong online sellers, para masigurong hindi kontaminado ng ASF ang maibebenta sa publiko. Makipag-usap na sa Lazada, Shopee, at iba pang online selling platform. ‘Di ba!

Plis, ‘wag ninyong ipaubaya ‘yan sa local government units o LGUs, dahil trabaho n’yo talagang tutukan at inspeksiyunin ang mga ‘yan!

IMEEsolusyon naman sa ating mga kababayan na sa legit online sellers na kayo mag-shopping tulad sa Lazada at Shopee par sure ang quality control.

Pakiusap lang nating gawin na sana ito ng maaga, bago pa mauwi na naman ito sa mas malalang hawahan ng ASF sa mga alagang baboy ng ating mga local hog raisers. Hay buhay, ‘wag na sana itong maging dagdag-pahirap sa ating mga naghihikahos na kababayan! Agree?