Mga titser na hindi bakunado, payagan sa face-to-face classes sa may mababang COVID cases

ni Imee Marcos - @Imeesolusyon |December 08, 2021

Umarangkada na ang ilang face-to-face classes sa ilang mga piling eskuwelahan.

Excited ang marami na nagsipasok at iba lang talaga ang pag-aaral na nagkikita ng harapan ang mga guro at estudyante.

So, far, wala namang naranasang aberya sa pagsisimula nito dahil mahigpit na ipinatupad ang mga health protocols.

Tulad nga ng sinasabi ng ilang local officials, kung sa mall, napapayagan ang paggala ng mga bata, bakit hindi maipatupad ang face-to-face classes na mas istrikto ang safety protocols?

Pero meron lang ilang pumalag na tila late ang anunsiyo na hindi na muna pagtuturuin sa face-to-face ang mga gurong hindi bakunado.

Daing nila, may mga lugar naman na halos wala nang naitatalang kaso ng COVID-19, lalo na sa mga probinsuya.

Lalo pa ang mga nasa kabundukan pa nagtuturo at naghahatid ng mga module ng mga bata na ang iba ay tumatawid pa ng ilog para puntahan ang mga estudyante.

Sa ganang atin lang, kumbaga sa granular lockdown, hindi puwedeng lahatin ang isang patakaran.

IMEEsolusyon — since napakaayos namang kausap ng ating Deped Secretary Leonor Briones, pakiusap natin, ibase sana ang policy na ito depende sa lugar na may mataas o mababang kaso ng COVID-19.

'Ika nga, hindi naman puwede 'yung one-size-fits-all, 'di ba?

Plis, payagan sana ang mga gurong unvaccinated na makapagturo ng face-to-face sa mga lugar na hindi gaanong maraming kaso o halos wala nang COVID-19.

'Yung iba natin kasing guro, nakapila pa sa bakuna. Hindi naman kasi agad-agad nararating ang malalayong probinsiya ng mga bakuna.

Malaking menos sa pagod ng mga guro ang makapagturo ng face-to-face. Basta sisiguraduhin lang na nasusunod ang mahigpit na health protocols. 'Di ba?

"No Work, No Pay Policy" sa hindi bakunado, panggigipit sa mga workers, 'wag naman!

ni Imee Marcos - @Imeesolusyon |December 06, 2021

Isa ang sektor ng paggawa o empleyo sa pinakaapektado sa pandemya. Eh, 'di ba nga't nasa mahigit apat na milyon ang nawalan ng trabaho?

Nagsara ang maraming kompanya dahil sa mga lockdown dulot ng COVID-19 na sanhi ng kanilang pagkalugi, kaya naman nagkaroon ng serye ng mga sibakan sa trabaho. May iba namang na-retain, pero limitado ang araw ng kanilang pagpasok para makaiwas sa hawahan ng virus.

Ang ibang kompanya ay thrice a week pumapasok ang mga empleyado, ang iba ay twice a week, at ang pinakamasaklap, 'yung nakararanas ng pagpasok ng once a week, kahit pa nga regular sila napilitan na itong gawin ng mga employer dahil sa pandemya.

Kawawa talaga ang mga manggagawa! Juicekolord!

At heto nga, mga bandang Setyembre pa lang, eh, nag-float na ng proposal ang Inter-Agency Task Force na magpatupad ng 'No Vaccine, No Work, No Pay' policy para na rin daw sa proteksiyon ng lahat. Pero sa simula pa lang, eh, 'di ba, marami nang kumontrang labor group at mismong Department of Justice, eh, nagpaalala na labag ito sa rights ng workers.

Dahil d'yan kalauna'y bandang Nobyembrex inilabas ang IATF Resolution 148 at inamyendahan pa ng Resolution 149 na nag-oobliga sa hindi bakunadong 'workers on site' na magpresinta ng kani-kanilang RT-PCR Test, pero 'yun nga lang, sagot nila ang gastos dito.

Ayon din naman sa DOLE, kailangan munang magpasa ang Kongreso ng batas bago maobliga ang mga kompanya na magpabakuna ang 'workers on site'. Hanggang ngayon, hindi pa rin tapos ang isyung 'yan sa Kongreso at pagkontra ng mga labor group.

Katunayan, pinasususpinde ito ng ilang kongresista.

Sa ganang atin, eh, 'pro-vaccine' at para 'yan sa proteksiyon nating lahat. Pero IMEEsolusyon, gawin munang pulido sa Kongreso ang isyung 'yan at karapat-dapat lang na magkaroon ng matinding konsultasyon at pakinggan ang apektadong sektor ng paggawa! 'Di ba! Kaunting push lang, hindi kailangang gipitin ang kanilang mga karapatan.

Saka sa isyu naman ng regular na pagpapa-RT-PCR Test, IMEEsolusyon, eh, bigyang-konsiderasyon ng IATF ang mga kapus-palad nating mga manggagawa! May krisis ngayon, pakiusap naman sa ating mga employers, sagutin n'yo na muna ang gastusin d'yan. Kapag ipinakarga pa sa kanila ang gastos d'yan, saan pa sila huhugot ng pangkain para sa kanilang pamilya?

Panahon pa naman ngayon ng Pasko, sa ngalan ng ating lahi na may puso sa ating kapwa Pinoy na naghihirap, nagsusumamo tayo na harinawa'y mapagbigyan ng IATF at employers ang ating mga manggagawa! Aginaldo n'yo na 'yan sa ating mga kababayan!

ISA ang sektor ng paggawa o empleyo sa pinakaapektado sa pandemya. Eh, 'di ba nga't nasa mahigit apat na milyon ang nawalan ng trabaho?

Nagsara ang maraming kompanya dahil sa mga lockdown dulot ng COVID-19 na sanhi ng kanilang pagkalugi, kaya naman nagkaroon ng serye ng mga sibakan sa trabaho. May iba namang na-retain, pero limitado ang araw ng kanilang pagpasok para makaiwas sa hawahan ng virus.

Ang ibang kompanya ay thrice a week pumapasok ang mga empleyado, ang iba ay twice a week, at ang pinakamasaklap, 'yung nakararanas ng pagpasok ng once a week, kahit pa nga regular sila napilitan na itong gawin ng mga employer dahil sa pandemya.

Kawawa talaga ang mga manggagawa! Juicekolord!

At heto nga, mga bandang Setyembre pa lang, eh, nag-float na ng proposal ang Inter-Agency Task Force na magpatupad ng 'No Vaccine, No Work, No Pay' policy para na rin daw sa proteksiyon ng lahat. Pero sa simula pa lang, eh, 'di ba, marami nang kumontrang labor group at mismong Department of Justice, eh, nagpaalala na labag ito sa rights ng workers.

Dahil d'yan kalauna'y bandang Nobyembrex inilabas ang IATF Resolution 148 at inamyendahan pa ng Resolution 149 na nag-oobliga sa hindi bakunadong 'workers on site' na magpresinta ng kani-kanilang RT-PCR Test, pero 'yun nga lang, sagot nila ang gastos dito.

Ayon din naman sa DOLE, kailangan munang magpasa ang Kongreso ng batas bago maobliga ang mga kompanya na magpabakuna ang 'workers on site'. Hanggang ngayon, hindi pa rin tapos ang isyung 'yan sa Kongreso at pagkontra ng mga labor group.

Katunayan, pinasususpinde ito ng ilang kongresista.

Sa ganang atin, eh, 'pro-vaccine' at para 'yan sa proteksiyon nating lahat. Pero IMEEsolusyon, gawin munang pulido sa Kongreso ang isyung 'yan at karapat-dapat lang na magkaroon ng matinding konsultasyon at pakinggan ang apektadong sektor ng paggawa! 'Di ba! Kaunting push lang, hindi kailangang gipitin ang kanilang mga karapatan.

Saka sa isyu naman ng regular na pagpapa-RT-PCR Test, IMEEsolusyon, eh, bigyang-konsiderasyon ng IATF ang mga kapus-palad nating mga manggagawa! May krisis ngayon, pakiusap naman sa ating mga employers, sagutin n'yo na muna ang gastusin d'yan. Kapag ipinakarga pa sa kanila ang gastos d'yan, saan pa sila huhugot ng pangkain para sa kanilang pamilya?

Panahon pa naman ngayon ng Pasko, sa ngalan ng ating lahi na may puso sa ating kapwa Pinoy na naghihirap, nagsusumamo tayo na harinawa'y mapagbigyan ng IATF at employers ang ating mga manggagawa! Aginaldo n'yo na 'yan sa ating mga kababayan!

Sa panahon ng eleksiyon, ‘wag maging pikon!

ni Imee Marcos - @Imeesolusyon |December 04, 2021

Amoy eleksiyon na at magiging puspusan ang susunod na mga eksena ng bawat kandidato sa 2022 dahil iaanunsiyo na ngayong Disyembre 15 ng Comelec pinal na listahan ng mga kandidato.

Umiingay ang mundo ng pulitika sa ating bansa, at kani-kanyang diskarte na ang ating mga kababayang naghahangad na makapuwesto.

Ang iba, bumabanat sa kapwa kandidato, ang iba nama’y panay papogi sa pamamagitan ng pagbalandra ng kani-kanilang plataporma.

Kaliwa’t kanan ang pagpapasiklab, lalo na sa social media na kung minsan maasar ka, minsan ay matatawa ka dahil iba nga naman talaga ang mga Pinoy, masyadong creative at magaling ang karamihan sa pambubuska!

At kahit pa may pandemya at banta na naman ng panibagong COVID variant na Omicron, sinasagasaan na ‘yan ng kani-kanyang caravan ng ating mga kababayang naghahangad na makaupo ang kanilang paboritong kandidato, mapa-nasyunal man o mapa-lokal.

Masakit din na minsan ang ating mga kaalyado, dahil sa pulitika, nagkakatampuhan tayo. Pero at the end of the day, sa ayaw man o sa hindi, and’yan pa rin ang tatak-Pinoy na minsan man ay hindi nagkaintindihan, maayos din sa dakong huli. Nakakalokah ang pulitika, ‘di ba?

IMEEsolusyon para sa lahat ng mga kandidato at may kani-kanyang manok, kaunting lamig lang ng ulo. ‘Wag padadala sa emosyon dahil baka mauwi ito sa kung saan. Bagama’t hindi maiaalis na tayo ay masasaktan, ‘wag tayong maging pikon, kalma lang.

‘Yan ang isa sa mga natutunan ko sa aking ama.

Kahit magkakalaban sa pulitika, pagkakaisa sa paglaban sa pandemya ang dapat nating isulong. Unang-una, gutom ang ating mga kababayan at solusyon ang kailangan ng ating bayan sa tindi ng dagok ng ating krisis na dinaranas. Walang nakakaalam kung kailan matatapos ito sa buong mundo.

Sinuman ang mapili ninyong pamunuan ang ating bansa, pakaisipin at timbangin kung sino sa inyong tingin ang may solusyon sa pandemya, sa bagsak nating ekonomiya, sa kawalan ng trabaho at higit sa lahat nagsusulong ng pagkakasundo ng bawat Pilipino.

Agree?