Pantay na oportunidad para sa mga atletang Pinoy na may kapansanan

ni Bong Go @Bisyo Magserbisyo | August 16, 2023

Sa umpisa ng aming trabaho sa Senado ngayong linggong ito, Lunes, August 14, bilang chair ng Senate Committee on Sports, ay pinangunahan natin ang public hearing ng Senate Bill No. 423, o Philippine National Games (PNG) Act na tayo ang may akda. Kung makapasa at maging ganap na batas, layunin nitong mapalawak ang grassroots sports development at mapaganda ang oportunidad para sa mga atletang Pilipino.

Sa pamamagitan ng PNG, lilikha tayo ng pambansang platform para sa ating mga atleta, lalo na ang mga kabataan mula sa probinsya, kung saan maipakikita nila ang kanilang husay. Bahagi ng inisyatiba ang pagkakaroon ng magkakaugnay at komprehensibong national sports plan upang ang matutuklasan na mahusay na mga kabataang atleta ay maisailalim sa mas advance na pagsasanay upang higit silang mahasa.

Layunin din nito na mahikayat ang mga lokal na opisyal na palaganapin ang sports sa mga barangay, munisipalidad, lungsod at probinsya. Aalalayan din ang iba’t ibang National Sports Associations sa pag-oorganisa ng kanilang sports programs sa grassroots level.

Magandang maisabatas ito para magkaroon ng pangmatagalang kumpetisyon na magiging plataporma ng aspiring national athletes at masiguro natin na mabibigyan ito ng gobyerno ng prayoridad. Sa pag-i-institutionalize ng PNG, itinataguyod natin ang pagpapalakas ng ating grassroots sports programs, pagpapaunlad ng ating physical education, at ang paghubog sa mga kabataan na maaaring magbigay ng karangalan sa ating bansa.

Napag-usapan rin ang aking nai-file na panukalang SBN 2116 na naglalayon na amyendahan ang Section 8 ng Republic Act No. 10699, o ang “National Athletes and Coaches Benefits and Incentives Act.” Kung maaaprubahan, matataasan ang insentibo ng ating para athletes na mag-uuwi ng medalya mula sa kuwalipikadong international competitions. Sa ngayon ay mas maliit ang kanilang natatanggap kumpara sa ibang elite national athletes.

Tandaan natin na nagpagod din sila, nag-training at parehong ginto, silver, o bronze na karangalan ang naiuwi nila gaya ng ibang medalists na walang kapansanan gaya nila. Hindi naman yata tama na porke’t disabled sila ay iba ang kanilang matatanggap na insentibo.

Ang incentives ay hindi lang rewards kundi pagkilala na rin sa kanilang pagsisikap at dedikasyon. Kaya para sa akin, suportahan dapat natin ang lahat ng mga atleta sa pantay na paraan at mabigyan ng parehas din na oportunidad.

Sabi nga ni Angel Mae Otom, isa sa ating nagwaging swimmer sa katatapos na 12th ASEAN Para Games sa Cambodia, sakaling maisabatas ang SBN 2116 ay makatutulong ito sa kanilang hanay, lalo na sa mga beterano na at matagal nang nagbibigay ng karangalan sa ating bansa, gayundin sa mga susunod pang henerasyon na mag-uuwi ng mas maraming karangalan para sa Pilipinas.

Binigyang-diin ko rin sa nasabing pagdinig na dahil sa pagsisikap natin noon, naisabatas ang Republic Act No. 11470 na tayo ang author at co-sponsor. Sa pamamagitan ng RA 11470, naitatag ang National Academy of Sports (NAS) System sa New Clark City Sports Complex sa Capas, Tarlac. Katuparan ito ng ating pangarap na magkaroon ng dedicated academy para sa mga kabataang Pilipino na may angking husay sa sports. Ito ay may secondary education program na may integrated special curriculum sa sports. Puwede silang mag-training, at the same time, puwede silang mag-aral. Walang masasakripisyo.

Naging instrumental din tayo para madagdagan ang pondo ng Philippine Sports Commission na ating ipinaglaban sa deliberasyon ng 2023 national budget. Sa katunayan, ang budget sana ng PSC ay nasa humigit-kumulang P200 million lamang.

Tayo ang nag-defend at nagsulong ng dagdag sa pondo nila kaya nabigyan ito ng P1 billion, kasama na ang budget para sa iba pang grassroots sports programs gaya ng Batang Pinoy, dagdag pondo sa pagdaraos ng FIBA 2023, at suporta sa mga lalahok sa international competitions.

Lahat ng ating inisyatiba para mag-invest sa sports ay nakalinya sa ating pag-engganyo sa kabataan to get into sports, stay away from drugs. Disiplina rin ang kailangan sa pagbuo ng mas magandang kinabukasan ng mga kabataan.

Dahil bisyo ko ang magserbisyo, patuloy tayo sa pag-alalay sa mga kababayan nating nahaharap sa iba’t ibang krisis. Kahapon, August 15, namahagi tayo ng tulong sa 1,500 mahihirap na residente ng Tanay, Rizal katuwang ang tanggapan nina Mayor Lito Tanjuatco at Vice Mayor Rex Tanjuatco. Nakasama rin natin doon si Gov. Nini Ynares at iba pang lokal na opisyal.

Dinaluhan naman natin noong August 12 ang Fire Senior Leadership Course Class “Tagapangasiwa” 2023-15 Graduation Ceremony sa Davao City sa paanyaya ni FCSUPT Belinda Ochave, director ng National Fire Training.

Hindi rin tumitigil ang aking tanggapan sa paghahatid ng tulong sa mga naapektuhan ng bagyo at baha dulot ng Typhoon Egay. Sa Benguet ay nakapagkaloob tayo ng 2,500 food packs.

Nakapamahagi rin tayo ng 2,200 sa Bulacan, bukod pa ang 500 sa Bocaue, at 450 sa Calumpit.

Narating din natin ang Macabebe, Pampanga at nakapamigay ng 500 food packs; at 250 naman sa Dinalupihan, Bataan.

Maagap din tayong umalalay sa mga nabiktima ng magkakahiwalay ng insidente ng sunog.

Nasuportahan natin ang pagbangon ng 26 na nasunugan sa Cebu City at Lapu-Lapu City; 21 sa Bgy. Pojo, Bugasong, Antique; 13 sa Pikit, North Cotabato; at isa sa Sultan Kudarat.

Tinulungan natin ang 500 miyembro ng iba’t ibang sektor sa Janiuay, Iloilo; 400 sa Tarlac City; 300 sa Lucena City, Quezon; 150 sa Datu Odin Sinsuat, Maguindanao del Norte; 125 na barangay health workers sa Ronda, Cebu; at 40 sa Kidapawan City. Namahagi rin tayo ng token sa 21 tech-voc graduates ng Training Center for Skills and Development, Inc. sa Manila City.

Muli akong nagpapasalamat sa ibinibigay ninyong pagkakataon sa akin na kayo ay mapaglingkuran. Asahan ninyo na ipagpapatuloy ko ang aking bisyo na magserbisyo sa bawat Pilipino, at lagi akong magmamasalakit sa kapwa ko. Huwag kayong mahihiyang lumapit sa akin, kalabitin n’yo lang ako, o ‘di kaya ay tawagin n’yo lang akong Bong Go kapag nagkita tayo, at handa akong tumulong sa inyo sa abot ng aking makakaya at kapasidad.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

Super health center, katuwang sa kalusugan ng mga Pinoy

ni Bong Go @Bisyo Magserbisyo | August 12, 2023 Mang pagpapatayo ng Super Health Center sa iba’t ibang komunidad sa ating bansa ay bahagi ng ating inisyatiba bilang chair ng Senate Committee on Health na magkaroon ng mas mabilis at maaasahang access na serbisyong medikal ang ating mga kababayan, lalo na sa mga lugar na malayo sa mga ospital.

Kabilang sa mga serbisyong hatid ng SHC ang database management, outpatient care, isolation, diagnostic (laboratory: X-Ray, ultrasound), pharmacy, at ambulatory surgical unit. Ang iba pang serbisyong hatid nito ay eye, ear, nose and throat (EENT); oncology centers; physical therapy at rehabilitation centers; at telemedicine kung saan maaaring magpakonsulta at magamot ang pasyente sa pamamagitan ng pagtawag sa telepono.

Isang medium-type polyclinic, sa SHC ay maaari nang manganak ang mga buntis at hindi na kailangang magbiyahe pa sa regional hospital.

Ang isang malaking bagay dito ay ang early detection kung may sakit ang isang pasyente. Dahil nasa kanilang komunidad ang SHC, madali na para sa kanya ang magpakonsulta. At kung malalaman agad ang sakit ng isang pasyente, mabibigyan siya ng primary care, malalapatan ng lunas, at lalaki ang tsansa na maka-recover siya sa kanyang sakit.

Bukod sa mabilis na pagtugon sa pangangailangang medikal ng mga tao, makatutulong din ang SHC para mabawasan ang mga nagpapakonsulta sa ibang ospital at health facilities. Magkakaroon din ito ng mahalagang papel sa emergency preparedness and response sa panahon ng krisis.

Kaya naman napakalaki ng ating pasasalamat sa mga kapwa ko mambabatas at sa Department of Health, sa tulong na rin ng mga lokal na pamahalaan, na sinuportahan ang ating inisyatibang ito na mailapit ang serbisyo medikal ng gobyerno sa mga tao.

Noong isang taon ay napondohan ang pagpapatayo ng 307 SHCs, at 322 naman ngayong 2023. Ang DOH ang siyang pangunahing ahensyang tagapagpatupad ng programa at tumutukoy ng strategic areas kung saan may pangangailangan sa SHC para roon itayo.

Gaya ng madalas kong sabihin, napakahalaga na mag-invest tayo sa ating healthcare system kaya naman bukod sa SHC ay patuloy rin nating binabantayan ang implementasyon ng Malasakit Centers Act na tayo ang principal author at sponsor. Isa itong one-stop shop, at nasa loob na ng ospital ang apat na ahensya ng gobyerno – PhilHealth, PCSO, DOH, DSWD, kaya hindi na mahihirapan sa pagpila ang mga kamag-anak ng pasyente para mag-avail ng medical assistance.

Sa datos ng DOH, mahigit pitong milyong benepisyaryo na ang natulungan ng Malasakit Center, at patuloy pa itong nadaragdagan araw-araw.

At dahil bisyo ko ang magserbisyo, tuluy-tuloy ang ating paglapit sa ating mga kababayang nahaharap sa mga krisis para maalalayan natin sa abot ng ating makakaya at kapasidad.

Kahapon, August 11, ay nasa Catbalogan City, Samar tayo para pangunahan ang oath taking ng kanilang Barangay Health Workers Federation. Katuwang ang tanggapan ni Governor Sharee Ann Tan at ng BHW Partylist Rep. Natasha Co, nagbigay tayo ng tulong sa 2,000 BHWs ng probinsya. Binisita rin natin ang Malasakit Center na nasa Samar Provincial Hospital kung saan nagbigay tayo ng tulong sa 256 na pasyente at 573 na medical frontliners. Bukod dito, may assistance rin mula sa DSWD para sa mga kwalipikadong pasyente.

Dinaluhan naman natin ang inagurasyon ng Multipurpose Hall (Tandaya Hall) sa Capitol Compound na isa tayo sa mga naging instrumento para maipatayo. Naging guest of honor at tagapagsalita rin tayo sa ginanap na Tandaya Festival: Adlaw Han Barangay, kung saan nasa 9,000 barangay officials ang imbitado. Binisita naman natin ang mga itinatayong mga proyekto roon na naging instrumento tayo para mapondohan kasama ang lokal na mga opisyal tulad ng multipurpose building na magiging bagong city hall ng Catbalogan, bagong sports complex at Lagundi-San Andres Access Road.

Nasa Pangasinan tayo noong August 10 at nag-inspeksyon sa itinayong Super Health Center sa Alaminos. Pinangunahan din natin ang pamamahagi ng tulong sa 1,000 mahihirap na residente sa lugar kasama sina Congressman Art Celeste at Mayor Arth Bryan Celeste. Kasama si dating Pangulong Duterte, sinaksihan naman natin ang paggagawad ng retirement honors kay P/LtGen Vicente Danao Jr. sa Camp Crame, Quezon City. Kinagabihan ay nakiramay kami ni Tatay Digong sa naiwang pamilya ni dating DILG Undersecretary Martin Diño.

Naging guest speaker naman tayo noong August 9 sa 14th Commencement ceremony ng Dalubhasaang Politekniko ng Lungsod ng Baliwag sa Bulacan. Kasama ang lokal na pamahalaan sa pamumuno ni Mayor Ferdie Estrella, nagbigay tayo ng inspirasyon sa mga nagtapos at hiniling na gamitin ang kanilang kaalaman sa pagtulong sa ating mga kababayan. Nagkaloob din tay

Tuluy-tuloy rin ang aking opisina sa paghahatid ng tulong sa mga nasalanta ng Typhoon Egay. Sa Cagayan, namahagi tayo ng tig-500 na food packs sa Ballesteros, Aparri, Santa Teresita, Gonzaga, Allacapan at Calayan. Sa Apayao at Kalinga ay nahatiran din ng food packs ang tig-500 residente; 1,000 sa Abra; at 300 pa sa Baguio City.

Sa Ilocos Sur ay nakapamahagi tayo ng 3,450 food packs para sa mga kababayan nating nasalanta ng bagyo mula sa Vigan City, Caoayan, Candon City, Sto. Domingo, at Narvacan. Nakapagbigay ang DSWD ng tulong sa mga kwalipikadong benepisyaryo roon.

Sa Batangas naman, natulungan namin ang 500 sa San Pascual, at 366 sa Sta. Teresita. Nasuportahan rin natin ang 300 miyembro ng iba’t ibang sektor sa Barotac Viejo, Iloilo; 700 sa Concepcion, Tarlac; 160 sa Buruanga, Aklan; 200 sa Cagayan de Oro City; 100 sa Sta. Josefa sa Agusan del Sur; at ang 200 pa sa Medina, habang 500 sa Libertad sa Misamis Oriental.

Gusto kong samantalahin ito para magpasalamat sa patuloy na tiwalang ipinagkakaloob ninyo sa isang simpleng probinsyanong binigyan ninyo ng pagkakataon na makapagsilbi sa inyo. Sa isinagawa ng OCTA Research na “Tugon ng Masa” survey mula July 22-26 kung sinu-sino ang posibleng senatorial candidates sa 2025 mid-term election ay pumangalawa tayo.

Ngunit sa panahong ito, masyado pang maaga para pag-usapan ang pulitika. Unahin muna natin ang serbisyo sa tao. Patuloy akong magseserbisyo sa inyo mula pa noon hanggang ngayon dahil bisyo ko na ang magserbisyo, at naniniwala ako na ang serbisyo sa tao ay serbisyo sa Diyos.

Sa abot ng aking makakaya, patuloy akong magsusulong ng mga panukalang batas at susuporta sa mga programa ng gobyerno, lalo na ang nakakatulong sa mga mahihirap nating kababayan, mga hopeless at helpless, at mga walang malalapitan kundi ang ating pamahalaan.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

Respeto at sinseridad ang kailangan!

ni Bong Go @Bisyo Magserbisyo | August 9, 2023 Mariin nating kinukondena ang naging aksyon ng Chinese Coast Guard na binugahan ng water cannon ang barko ng ating Philippine Coast Guard na magdadala sana ng supplies sa ating mga sundalo sa Ayungin Shoal. Nangyari ang insidente noong Sabado, August 5, at naibalita ito maging ng international media.

Ang pakiusap natin sa China, stop bullying us! Hindi pork’t maliit tayong bansa ay gaganunin na lang tayo. Respeto ang kailangan dito. Sa loob ng anim na taon ay sobra-sobra ang respeto na ibinigay ni dating Pangulong Rodrigo Duterte sa kanila at naging mabuti ang ating gobyerno noong nakaraang administrasyon sa China.

Maganda naman sana ang ating relasyon sa China kaya hindi natin inaasahan na magkakaroon ng ganitong pambu-bully sa karagatan na sakop ng ating exclusive economic zone.

Sa katunayan, noong may personal na lakad si dating Pangulong Duterte sa China kamakailan lamang ay naimbitahan pa siya bilang isang kaibigan ni President Xi Jinping sa isang pagpupulong.

Nandoon si Tatay Digong dahil sa imbitasyon ng isang eskwelahan na ipinangalan ang isang gusali sa kanyang inang si Soledad Duterte. Ibinahagi rin ng dating pangulo sa kasalukuyang Pangulong Bongbong Marcos, Jr. ang napag-usapan nila ng presidente ng China. Pareho ang hangarin ng ating dating Pangulong Duterte at ni Pangulong Marcos — ang maipaglaban ang interes ng Pilipinas at maproteksyunan ang kapakanan ng mga Pilipino.

Sa aking naging manipestasyon noong Lunes, August 7, sinusugan ko ang privilege speech ni Senate President Juan Miguel Zubiri tungkol sa insidente at binigyang-diin ko na ang buong bansa ay dapat na maging matatag at malakas sa harap ng mga ganitong sitwasyon. Hinikayat ko ang bawat Pilipino na pangalagaan ang ating sovereign rights sa West Philippine Sea. Ang atin ay atin.

Kung ano ang para sa Pilipino ay para sa Pilipino. What is ours is ours!

Kailangang manatili tayong consistent sa ating foreign policy na “friend to all, enemy to none”.

Gayunpaman, kailangan nating manindigan sa pagprotekta sa ating karapatan bilang isang malayang bansa.

Umapela rin ako sa kasalukuyang administrasyon na tiyakin ang kaligtasan ng bawat Pilipino.

Malaki ang tiwala ko sa Pangulo na ipaglalaban niya ang ating karapatan sa WPS sa tulong na rin ng ating international partners. Maraming beses na itong nai-bring-up noon ni dating Pangulong Duterte. Panalo tayo sa arbitral ruling pagdating sa teritoryong atin naman dapat talaga. Pero ang tanong, who will enforce? And who can enforce the ruling?

Bilang vice chair ng Senate Committee on National Defense, tiwala ako sa dedikasyon ng ating Armed Forces of the Philippines at Coast Guard na pangalagaan ang ating interes sa WPS.

Suportado ko mula noon hanggang ngayon ang modernization efforts ng ating military.

Isinumite ko rin ang Senate Bill 2112, na kung makapapasa at magiging ganap na batas, ang layunin ay ang modernisasyon ng Philippine Coast Guard.

Gaya ng sabi ko noon, kahit maliit lang tayo na bansa, huwag tayong apihin dahil kilala ang mga Pilipino na matatapang, lumalaban, at ipinaglalaban ang ating karapatan.

Samantala, dahil bisyo ko ang magserbisyo, sa kabila ng ating pagiging abala sa mga gawain sa Senado ay patuloy ang aking tanggapan sa pag-alalay sa mga komunidad at kababayan nating nahaharap sa iba’t ibang krisis.

Kahapon, August 8, katuwang ang tanggapan ng lokal na pamahalaan ng Cavite City ay namahagi tayo ng tulong sa 158 mahihirap na residente. Pinagaan natin ang dalahin ng 20 nasunugan sa San Fernando City, Pampanga.

Sa Parañaque City, nagbigay tayo ng dagdag na suporta sa 58 benepisyaryo ng emergency housing assistance ng National Housing Authority. Ang programang EHAP ay isinulong ko noon at patuloy na sinusuportahan ngayon para may maibili ng housing materials ang mga nasunugan gaya ng yero, pako, semento at iba pa.

Nitong Lunes, bumisita tayo sa Pasay City at dumalo sa kanilang flag raising ceremony kasama sina Mayor Emi Calixto-Rubiano, Cong. Antonino Calixto at Vice Mayor Ding Del Rosario, at iba pang opisyal. Ipinagdiwang rin namin doon ang kaarawan ni Mayor Emi at ng kanilang Urban Development and Housing Office Head Ian Vendivel. Matapos nito, personal tayong namahagi ng tulong sa 2,000 TODA members ng lungsod.

Bilang Chair ng Senate Committee on Sports, dumalo tayo sa imbitasyon ni Pangulong Marcos sa ginanap na “Konsyerto sa Palasyo” bilang pagbibigay-pugay sa ating mga atletang Pilipino sa Malacañang noong August 6.

Nasa Cotabato City naman tayo noong August 5, at sinaksihan ang blessing and ribbon cutting ceremonies ng two-storey na Malasakit Center Building kasama sina Congresswoman Bai Dimple Mastura, Maguindanao del Norte Governor Abdulraof Macacua, Cotabato City Mayor Mohammad Ali "Bruce" dela Cruz Matabalao, Matanog Mayor Zohria Bansil-Guro, at Sultan Kudarat Vice Mayor Shameem Mastura. Nasa 647 mga pasyente at 2,535 medical frontliners ang ating natulungan doon. May hiwalay ring pinansyal na tulong ang DSWD sa mga kwalipikadong benepisyaryo.

Sinaksihan din natin ang inagurasyon ng itinayong Super Health Center sa Libungan, Cotabato.

Tayo naman ang nagbukas at nagbigay ng mensahe sa ginanap na inter-barangay championship game bilang bahagi ng pagdiriwang ng 62nd founding anniversary at 8th Katambolit Festival sa imbitasyon ni Mayor Angel Rose Cuan. Personal din nating pinangunahan ang pamamahagi ng ayuda sa 1,000 mahihirap na residente ng Libungan.

Dumiretso tayo sa Midsayap, at sinaksihan ang groundbreaking ng itatayong Super Health Center doon, at pagkatapos ay nagkaloob ng tulong sa 1,000 mahihirap na residente sa lugar katuwang ang tanggapan ni Mayor Rolando Sacdalan. Nakasama rin natin sina Congresswoman Samantha Santos, Vice Governor Efren Piñol, at iba pang opisyal. Nagpapasalamat tayo sa suporta ng lokal na pamahalaan ng North Cotabato sa pamumuno ni Gov. Lala Taliño-Mendoza.

Nakarating naman ang aking opisina para mamahagi ng food packs sa iba pang sinalanta ng Typhoon Egay. Nakapagbigay tayo ng tulong sa 4,000 benepisyaryo sa Pampanga, bukod pa ang 500 sa Minalin, at 500 sa Arayat. Nakapamahagi rin sa 500 sa Bauang, La Union, at 700 para sa mga taga-Calumpit, Bulacan.

Naghatid din tayo ng food packs para sa 2,500 biktima ng bagyo sa Santa Praxedes, Claveria, Sanchez Mira, Pamplona at Abulog, mga bayan sa Cagayan. Sa Ilocos Norte, namahagi tayo ng 1,500 food packs sa mga bayan ng Pasuquin, Laoag City at Marcos, habang nagbigay ng karagdagang tulong ang DSWD sa kanila.

Hangad ko pa rin ang mapayapang solusyon sa isyu sa West Philippine Sea. Ayaw natin ng gulo. Pero mahalagang manindigan tayo para sa pambansang interes at pagtataguyod ng mapayapang resolusyon sa mga alitan sa teritoryo, at igiit kung ano ang sa atin. Wala tayong dapat isuko ni katiting na bahagi ng ating bansa!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.