Kabataan: Get into sports, stay away from drugs to keep healthy and fit!

ni Bong Go @Bisyo Magserbisyo | April 24, 2024

Naging masigla, masaya at makabuluhan ang mga isinagawang sportsfest noong nakaraang mga linggo na isinagawa sa iba’t ibang unibersidad at rehiyon sa bansa. 

Bilang chair ng Senate Committee on Sports, pinupuri natin at pinasasalamatan ang mga nasa likod ng sportsfest na idinaos sa Bulacan State University noong April 2-4, na sinundan ng Carmen Campus ng Cebu Technological University noong April 14-17, at sa University of Makati noong April 20-21. Ang pagpapalaganap ng grassroots sports development sa ating mga kabataan ay isa rin sa ating mga pangunahing adbokasiya. 

Sa pamumuno ni Senator Sonny Angara, kasama si Senator Pia Cayetano at ang inyong lingkod, idinaos ang mga palarong ito sa hangaring ilapit sa mga kabataan ang sports at mailayo sila sa masasamang bisyo. Gaya ng aking laging payo, ‘get into sports, stay away from drugs to keep us healthy and fit.’ 

Ang sports ay hindi lamang isang paraan para manatiling maayos ang pangangatawan, ngunit ito ay mahalaga rin sa paghubog ng karakter at disiplina ng mga kabataan tungo sa pagiging produktibong mamamayan. Sa pamamagitan ng sports, natututunan natin ang kahalagahan ng teamwork, camaraderie, sportsmanship, at katatagan sa pagharap sa mga hamon ng buhay. Kaya hinihikayat natin ang bawat isa na aktibong lumahok, suportahan ang ating mga kabataang atleta, at ipakita ang tunay na diwa ng palakasan — ang pagkakaisa, integridad, at kasiyahan. 

Tayo ang may-akda at nag-co-sponsor sa Senado ng Republic Act No. 11470, na nagtatag sa National Academy of Sports (NAS) sa New Clark City, Capas, Tarlac. Ang NAS ay isang government-run educational institution na nag-o-offer ng secondary education program na naka-integrate ang special sports curriculum na binuo katuwang ang Department of Education at ang Philippine Sports Commission. Ang naging layunin natin dito ay magkaloob sa ating student-athletes ng maayos na environment kung saan mapagsasabay nila ang kanilang edukasyon at sports. Walang masasakripisyo dahil habang nag-aaral sila ay nakapagsasanay rin sila. Pangarap natin ito noon para sa ating mga kabataang atleta, at naisakatuparan na ngayon.

Isinusulong din natin ang Senate Bill No. 2514, o ang panukalang Philippine National

Games Act na tayo ang isa sa may-akda at principal sponsor. Layunin nito na palawakin at ma-institutionalize ang national games kabilang ang mga inisyatiba para sa grassroot sports development upang mas mabigyan ng oportunidad ang mga atleta sa iba’t ibang lugar sa bansa. 

Matagumpay rin nating naisulong ang karagdagang pondo para sa PSC upang masuportahan ang paghahanda, pagsasanay at paglahok ng mga atletang Pilipino sa mga darating na international sports competitions, at epektibong maipatupad ang mga programa para lalo pang mahasa ang kakayahan ng ating mga batang atleta sa grassroots level.

Bagaman at napakainit ng panahon ngayon, tuloy tayo sa paghahatid ng serbisyo at sa iba pa nating gawain sa loob at labas ng Senado. 

Guest of honor tayo noong April 20 sa orientation course ng Barangay Newly Elected Officials (BNEO) Governor Generoso, Davao Oriental sa paanyaya nina Mayor Juanito Inojales at Vice Mayor Katrina Orencia na ginanap sa Davao City. Pagkatapos ay nakasama rin tayo sa isang pagtitipon ng mga midwives sa Regional Conference ng Philippine Society of Private Midwife Clinic Owners at ng Integrated Midwives Association of the Philippines. Panauhing pandangal tayo sa ginanap na University of Mindanao Samahang Mag-aaral ng Pulitika Timon Festival 2024 sa paanyaya nina SMP President Rod Hijara at Richard Algabre. Anumang sektor ang ating nirerepresenta, iisa ang hangarin natin na mailapit sa tao ang serbisyo ng gobyerno. 

Kahapon, April 23, dumalo tayo sa ginanap na Commission on Higher Education (CHED) 2nd Annual National Tertiary Sports Leaders Congress sa Quezon City sa paanyaya ni CHED Chairperson Prospero de Vera. Dito natin inilahad ang mga plano’t programa pagdating sa sports na makakabenepisyo ang mga kabataang atleta. 

Masaya ko ring ibinabalita na sa araw na ito ay nagkaroon na ng turnover ng Super Health Center sa Banga, South Cotabato.  

Nakarating naman ang aking Malasakit Team sa iba’t ibang komunidad sa ating bansa para mamigay ng tulong sa ating mga kababayang nahaharap sa iba’t ibang krisis.

Nabigyan natin ng tulong ang mga naging biktima ng magkakahiwalay na insidente ng sunog kabilang ang 64 na residente ng Minglanilla, Cebu; 190 sa San Juan City; at 23 sa Baguio City.

Binalikan naman natin at muling binigyan ng tulong ang mga naging biktima ng sunog gaya ng 53 mula sa iba’t ibang barangay sa Cordova, at 54 mula naman sa iba’t ibang barangay sa Talisay City sa Cebu. Ang mga ito ay nakabenepisyo rin sa programa ng National Housing Authority na ating isinulong noon at patuloy na tinutulungang maimplementa para may pambili ang mga biktima ng pako, yero, semento at iba pang materyales sa pagsasaayos ng kanilang tahanan.

Natulungan din ang 200 mahihirap na residente ng Jiabong, Samar katuwang si Mayor Julie Sereno; at 102 naman sa probinsya ng Marinduque katuwang si Vice Governor Lyn Angeles, na nakatanggap naman ng tulong mula sa national government. Maging ang 100 residenteng nawalan ng hanapbuhay sa Pulupandan, Negros Occidental katuwang si Mayor Miguel Peña ay ating sinuportahan, na dagdag sa pansamantalang trabaho na nabigay sa kanila ng DOLE.

Nakapagbigay rin tayo ng tulong sa 25 scholars sa ginanap na TESDA orientation sa Malabon City; at sa 33 newlywed couples sa isinagawang Kasalang Bayan katuwang si Quezon City Councilor Mikey Belmonte.

Minsan lang tayong dadaan sa mundong ito. Kung anong kabutihan o tulong na puwede nating gawin sa ating kapwa tao, gawin na natin ngayon dahil hindi na tayo babalik sa mundong ito. Bilang inyong Mr. Malasakit, patuloy akong magseserbisyo sa inyo sa abot ng aking makakaya dahil bisyo ko na ang magserbisyo, at naniniwala ako na ang serbisyo sa tao ay serbisyo ‘yan sa Diyos.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

Hatid ang serbisyo kahit saang sulok ng bansa

ni Bong Go @Bisyo Magserbisyo | April 20, 2024

Sa ating ginagawang paglalapit ng serbisyo sa ating mga kababayan sa iba’t ibang komunidad, kahit pa gaano kalayo iyan ay pinipilit nating marating. Kung hindi man ako makarating nang personal dahil sa ating mga gawain sa Senado, laging naririyan ang ating Malasakit Team.Nagsagawa ang aking opisina ng serye ng relief effort noong April 16 hanggang April 18 sa mga komunidad sa Calayan, Cagayan. Natulungan natin ang 1,676 residente ng Brgy. Dalupiri, Brgy.  Babuyan Claro, at ng Brgy. Balatubat na naapektuhan ng pananalasa ng mga bagyo. Nakatuwang natin si Mayor Joseph Llopis.Mahirap puntahan ang Calayan na isang malayong munisipalidad sa Babuyan Islands. Limitado rin ang transportasyon dito kaya malaking challenge para sa atin ang mabilisang paghahatid dito ng tulong. Gayunpaman, tiniyak natin na ang mahahalagang suporta at ayuda ay makararating sa ating mga kababayan sa Calayan.Bukod sa mga naipagkaloob ng aking opisina, nakatanggap din ang mga benepisyaryo ng tulong mula sa National Housing Authority sa ilalim ng programang isinulong natin noon at tinutulungang maipagpatuloy ngayon para may pambili ang mga ito ng pako, yero, semento at iba pang materyales sa pagtatayong muli ng kanilang tahanan. Ipinaalala rin natin sa mga benepisyaryo bilang tayo ang chair ng Senate Committee on Health na kung kailangan nila ng tulong medikal ay lumapit lang sa Malasakit Center na nasa Cagayan Valley Medical Center sa Tuguegarao City.

Personal naman nating sinaksihan ang paglulunsad ng ika-163 Malasakit Center na nasa Ospital ng Muntinlupa sa Muntinlupa City noong April 17 kung saan namahagi tayo ng tulong sa mga pasyente at frontliners.  Pinangunahan din natin ang pagkakaloob ng tulong sa 1,000 residente ng lungsod na nawalan ng hanapbuhay, na nabigyan din ng DOLE ng pansamantalang trabaho.Sa araw ding iyon ay binisita natin ang mga kababayan nating naging biktima ng magkakahiwalay na insidente ng sunog at personal na nag-abot ng tulong sa mga ito kabilang ang 104 residente ng Pasay City, kung saan nagkaloob ang NHA ng dagdag na housing assistance para sa kanila, habang 673 naman na nasunugan sa Tondo, Manila ang nabigyan ng agarang tulong mula sa ating opisina.Ang Manaoag, Pangasinan naman ang ating binisita noong April 18 at nag-inspeksyon tayo sa itinayong Super Health Center sa Barangay Cabanbanan, kasama sina Cong. Toff De Venecia, Vice Governor Mark Lambino, Mayor Doc Ming Rosario, at iba pang mga lokal na opisyal. Pinangunahan natin ang pamamahagi ng tulong sa 500 residente na nawalan ng hanapbuhay, na nabigyan din ng DOLE ng pansamantalang trabaho. Ilang barangay health workers din ang nakatanggap ng tulong mula sa aking opisina. Hindi naman natin pinalampas ang pagkakataon na makapagsimba sa Minor Basilica of Our Lady of the Rosary of Manaoag at nanalangin na lagi tayong bigyan ng lakas para maipagpatuloy natin ang ating sinumpaang tungkulin sa ating mga kababayan at laging makapagserbisyo sa inyong lahat sa abot ng aking makakaya at kapasidad. Nagpapasalamat rin ako sa mga local official ng Manaoag sa pagdeklara sa akin bilang adopted son ng kanilang bayan.Naging panauhin din tayo sa ginanap na Liga ng mga Barangay Camarines Sur Provincial Chapter Seminar sa paanyaya ni LnB Provincial Chapter President Christopher Jacinto. Ipinaalala ko sa mga barangay official na laging uunahin at huwag pababayaan ang mga mahihirap, hopeless at helpless sa kanilang mga komunidad dahil walang ibang malalapitan ang mga ito kundi ang gobyerno.  Pinangunahan naman natin kahapon, April 19, ang feeding program sa Philippine Children Medical Center sa Quezon City. Sinaksihan din natin ang World Liver Day Celebration sa naturang ospital at ang ceremonial blessing ng mga bagong biling MRI at CT Scan, sa paanyaya ni Executive Director Sonia Gonzalez. Ang pondo para sa mga equipment at pagpapaayos ng pasilidad ay inisyatiba natin at nina Sen. Sonny Angara at Sen. Pia Cayetano na nakapaloob sa 2023 budget. Dumalo rin tayo sa ginanap na PDP Laban 42nd Anniversary and National Council Meeting sa Cebu.Nakarating naman ang aking Malasakit Team sa iba’t ibang komunidad sa buong bansa para maghatid ng tulong sa mga kababayan nating nahaharap sa iba’t ibang krisis. Tinulungan natin ang mga naging biktima ng magkakahiwalay na insidente ng sunog kabilang ang dalawa sa Koronadal City, at dalawa sa T’boli, South Cotabato; anim na residente ng Bagumbayan, at tatlo pa sa Sen. Ninoy Aquino sa Sultan Kudarat; dalawa sa Arakan, pito sa Libungan, at 17 sa Makilala sa North Cotabato; at 434 mula sa iba’t ibang barangay sa Cebu City. Gaya ng mga nabiktima ng bagyo sa Cagayan, ang mga ito ay nakatanggap ng tulong mula sa NHA sa ilalim ng programang ating isinulong.Tuluy-tuloy din ang ating pamamahagi ng agarang tulong para sa mga kababayan nating nasunugan tulad ng pito sa Parañaque City; 40 sa Toledo City, Cebu; 20 sa Malabon City; pito sa Calayan, Cagayan; at 207 sa Cebu City.Naabutan natin ng tulong ang mga mahihirap na residente ng iba’t ibang komunidad kabilang ang 1,000 sa Kidapawan City katuwang si Mayor Pao Evangelista; at 200 sa Brgy. 40-D Davao City katuwang si Kapitan Felizardo Villacampa; 1,150 sa Alaminos City, Pangasinan katuwang sina Mayor Bryan Celeste at iba pang lokal na mga opisyal; at 333 sa Enrile, Cagayan katuwang si Mayor Miguel Decena, Jr. Nakatanggap din ang mga ito ng tulong mula sa national government. Nabigyan din ng livelihood assistance ang 100 nating kababayan sa Kalawit, Zamboanga del Norte katuwang si Mayor Salvador Antojado, Jr.Nagbigay tayo ng dagdag na ayuda sa mga TESDA scholars kabilang ang 250 graduates sa Tacloban City, Leyte katuwang ang Call Center Academy; at ang 20 na dumalo sa kanilang orientation sa Pasig City katuwang si DILG Assistant Secretary Donie Puno. Namahagi rin tayo ng tulong sa 470 residente na benepisyaryo ng medical mission sa San Jose de Buenavista, Antique, katuwang si Vice Governor Ed Denosta.

Anumang pagsubok ang ating haharapin sa susunod na mga araw at nasaan man kayo sa ating bansa, patuloy akong magseserbisyo sa inyong lahat sa abot ng aking makakaya dahil bisyo ko na ang magserbisyo at naniniwala ako na ang serbisyo sa tao ay serbisyo sa Diyos.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

163 na ang Malasakit Centers sa buong bansa!

ni Bong Go @Bisyo Magserbisyo | April 17, 2024

Sa ating layunin na mapagaan ang dalahin ng ating mga kababayang Pilipino, lalung-lalo na ang mga mahihirap, hopeless, helpless at walang malalapitan maliban sa gobyerno, bilang chair ng Senate Committee on Health ay isinulong natin ang Malasakit Centers program na na-institutionalize sa ilalim ng Republic Act No. 11463, na tayo ang principal author at nag-sponsor sa Senado noong 2019.

Ang Malasakit Center ay one-stop-shop kung saan pinagsama-sama na sa iisang kuwarto sa loob ng ospital ang apat na ahensya ng gobyerno na may medical assistance programs — ang DOH, DSWD, PhilHealth at PCSO. Hindi na nila kailangang pumila nang mahaba o magpalipat-lipat pa sa iba’t ibang opisina para lang humingi ng tulong. Batay sa datos ng DOH, ang Malasakit Centers program ay nakapagbigay na ng tulong sa humigit-kumulang 10 milyong Pilipino sa buong bansa.

Alinsunod sa probisyon ng batas na makapagpatayo ng mga Malasakit Centers sa kuwalipikadong mga pampublikong ospital ay inilunsad noong April 12 ang ika-162 Malasakit Center na nasa First Misamis Oriental General Hospital sa bayan ng Medina na ating personal na sinaksihan. Pinangunahan din natin ang isang feeding program para sa mga pasyente, at nagkaloob ng tulong sa mga medical frontliners doon.

Ngayong araw, April 17, bubuksan din ang ika-163 na Malasakit Center sa Ospital ng Muntinlupa sa Muntinlupa City. Meron na tayong 91 Malasakit Center sa Luzon, 30 sa Visayas, at 42 sa Mindanao. Lapitan lang ninyo ito kung kailangan ninyo ng tulong pampagamot. Sa totoo lang, pera ng taumbayan ‘yan, dapat lang na maibalik sa kanila sa pamamagitan ng mabilis, maayos at maaasahang serbisyo lalo na pagdating sa kalusugan. Tandaan natin na ang kalusugan ay katumbas ng buhay ng bawat Pilipino.

Bilang inyong Mr. Malasakit, patuloy akong nag-iikot sa buong bansa para tumulong sa mga nangangailangan at mailapit ang serbisyo ng gobyerno sa mga tao. Bisyo ko na ang magserbisyo dahil naniniwala ako na ang serbisyo sa tao ay serbisyo sa Diyos.

Nasa Bukidnon tayo noong April 13 kasama ang ibang mga senador para makisaya sa kaarawan ni Senate President Migz Zubiri sa bagong stadium sa Malaybalay. Noong umaga, nasa Impasug-ong tayo para magbigay ng dagdag na tulong tulad ng food packs sa mga mahihirap na residente roon. Si Sen. Imee Marcos ay nandoon din upang magpamahagi ng pinansyal na tulong sa mga mahihirap.

Bilang principal author at co-sponsor ng Bureau of Fire Protection Modernization Act, adbokasiya ko ang paigtingin ang proteksyon sa sunog. Kaya bumisita rin ako sa BFP Region 10 upang magbigay ng suporta sa mga trainees at bumbero. Sinaksihan ko rin ang groundbreaking ng bagong Impasug-ong Fire Station at binisita ang Sumilao Fire Station upang tingnan din ang kanilang bagong fire truck.  

Nag-inspeksyon naman tayo sa itinayong Super Health Center — isa sa Sumilao at isa sa Malaybalay City. Nagkaloob din tayo ng dagdag suporta sa mga nawalan ng hanapbuhay; 500 sa Sumilao at 500 din sa Malaybalay City. Nabigyan din ang mga ito ng pansamantalang trabaho ng DOLE.

Noong April 15, nakiisa tayo sa ginanap na 20th Kesong Puti Festival sa Santa Cruz, Laguna sa paanyaya ni Mayor Edgar San Luis. Nakasama rin natin sina Senator Mark Villar, Governor Ramil Hernandez at Vice Governor Karen Agapay sa kapistahan. Pinangunahan natin ang pamamahagi ng tulong katuwang ang alkalde para sa 500 residente na nawalan ng hanapbuhay, na nabigyan din ng DOLE ng pansamantalang trabaho.

Dumalo rin tayo sa ginanap na Malasakit sa Kooperatiba ng Cooperative Development Authority na dinaluhan din ng mga miyembro mula sa 23 kooperatiba na nabigyan ng financial support ng CDA katuwang ng ating adbokasiyang maiangat ang kanilang mga kabuhayan at makatulong sa kanilang komunidad.

Bumiyahe naman tayo pabalik sa Quezon City para dumalo sa Philippine Red Cross 77th Founding Anniversary at sa 75th anniversary ng PRC QC Chapter sa paanyaya ni PRC Quezon City Chapter Governor Ernesto Isla. Sinaksihan natin ang inagurasyon ng kanilang bagong Chapter Building, at ang panunumpa ng 8,000 youth volunteers.

Pagkatapos ay tumulong tayo sa 231 residente na naging biktima ng magkakahiwalay na insidente ng sunog mula sa Brgy. Culiat, E. Rodriguez, Fairview at Commonwealth. Nakatanggap ang mga ito ng tulong mula sa NHA sa ilalim ng programang isinulong natin noon at patuloy na sinusuportahan ngayon para may pambili ang mga benepisyaryo ng pako, yero, semento at iba pang materyales pampaayos ng kanilang tahanan.

Kahapon, April 16, ay nasa Clark, Pampanga naman tayo at pinangunahan ang pagkakaloob ng tulong para sa mga miyembro ng 22 kooperatiba sa ginanap na Malasakit sa Kooperatiba ng CDA na ating sinusuportahan. Naging panauhin din tayo sa ginanap na Catanduanes 1st Liga Provincial Congress.

Kinumusta ko rin ang Barangay Newly Elected Officials ng Banaybanay, Davao Oriental, sa paanyaya ni Mayor Ian Larcia, kung saan namahagi rin ng kaunting tulong ang aking opisina para sa kanila.

Naghatid naman ng tulong ang aking Malasakit Team sa mga naging biktima ng sunog sa Quezon City tulad ng 192 sa Brgy. Culiat, at 197 sa Brgy. San Roque, katuwang ang opisina ni Senador Robin Padilla. Mayroong 26 biktima ng sunog sa Tacloban City, Leyte ang nabigyan ng tulong mula sa ating opisina.

Dagdag pa riyan, tinulungan din natin ang 178 na nawalan ng hanapbuhay sa Guagua, Pampanga katuwang si Mayor Anton Torres. Nabigyan din ang mga ito ng DOLE ng pansamantalang trabaho. Nagbigay rin tayo ng dagdag na suporta sa 46 TESDA trainees sa Iligan City, katuwang si Councilor Marlene Young.

Para sa ating 148 kababayang nabiktima ng bagyo sa Calayan Island, namahagi tayo ng dagdag tulong para sa kanila bukod sa housing assistance mula sa NHA na ating isinulong.

Tuluy-tuloy rin ang pagmimigay natin ng tulong sa 100 benepisyaryo sa Tagum City katuwang si ABC President Kim Angoy, at 1,282 sa Island Garden City of Samal katuwang sina Councilor Sonny Lanorias at Kagawad Nora Lanorias; at 500 sa Brgy. Tagurano, Davao City katuwang si Brgy. Captain Danilo Camarillo. Nakatanggap din sila ng hiwalay na tulong mula sa national government.

Hindi ako pulitikong nangangako, magtatrabaho lang ako upang magampanan ang aking tungkulin bilang senador at makatulong sa aking kapwa sa abot ng aking makakaya. Patuloy kong sisikapin na mailapit ang serbisyo ng gobyerno sa mga Pilipinong pinakanangangailangan nito upang makatulong pa sa ating kapwa Pilipino.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.