Mga atleta, laban lang, go for gold!

ni Bong Go @Bisyo Magserbisyo | June 26, 2024

Nag-uumapaw ang saya ng inyong Senator Kuya Bong Go habang hawak ang ating pambansang bandila sa harap ng magigiting nating mga atleta na sasabak sa 2024 Paris Olympics, kung saan noong nakaraang Biyernes, June 21, ay nakasama ko sila sa tanggapan ng Philippine Sports Commission o PSC sa Maynila.Bilang chair ng Senate Committee on Sports, isinulong natin kasama ang PSC, ang pagbibigay ng financial support na tig-P500,000 sa bawat Pilipinong Olympian.

Naantig ako sa sinabi ni Nesthy Petecio, on behalf ng ating Olympians, na ang importante sa kanila ay ang karangalan na dinadala nila para sa bansa na higit sa anumang pinansyal na suporta o insentibo na kanilang natatanggap. Sabi ko nga, ‘yun ay hindi nabibili ng anumang halaga.

Ang karangalang ito ay habambuhay na nilang dala-dala na alay nila sa mga Pilipino.Samantala, personal din nating sasaksihan katuwang ang PSC ngayong June 26 ang opisyal na pagbibigay ng financial support sa bawat miyembro at coaching staff ng Alas Pilipinas, ang Philippine women’s volleyball national team, na nanalo ng bronze sa katatapos lang na Asian Volleyball Challenge Cup.

Suportahan natin sila sa kanilang mga laban lalo na sa FIVB Challenger Cup sa susunod na linggo na gaganapin din sa bansa.Kasama ko ang bawat Pilipino na ipinagmamalaki ang ating mga atleta. Ngayon pa lang, mga kampeon na sila sa ating paningin dahil bitbit nila ang buong Pilipinas sa kanilang mga laban. Kaya bilang sports enthusiast at kapwa atleta rin, buo ang aking suporta sa mga ito dahil malaking karangalan ang palagi nilang hatid sa ating bansa. Laban, Pilipinas! Go for gold!

Bukod sa mga Olympians ay sinuportahan din natin ang ating mga atletang sumabak sa iba’t ibang international competitions gaya ng Asian Games sa China at SEA Games sa Cambodia noong nakaraan. Hangad ko rin na ang lahat ng manlalaro sa grassroots level ay mabigyan ng pagkakataong maiangat ang kanilang antas sa sports gayundin ang kanilang kalagayan sa buhay.

Naniniwala ako na sa pamamagitan ng sports ay mailalayo natin sa ilegal na droga ang ating mga kabataan. Get into sports, stay away from drugs to keep us healthy and fit. Kapag tayo ay physically fit, tayo ay healthy at hahaba ang ating buhay.

Napakalaking tulong ng sports, hindi lang sa ating pisikal na kalusugan kundi maging sa ating mental health.Kaya patuloy nating pinalalawak ang grassroots sports development sa buong bansa upang makatuklas ng iba pang talento na maaaring hasain at isabak sa international competitions sa hinaharap.

Nariyan ang Republic Act No. 11470, na tayo ang isa sa may-akda at nag-co-sponsor para maitatag ang National Academy of Sports (NAS) sa New Clark City, Tarlac. Layunin nito na magkaloob ng specialized education and training parasa aspiring student athletes.

Pinangunahan din natin ang pagsusulong ng Senate Bill No. 2514, o ang The Philippine National Games (PNG) Act bilang principal sponsor at isa sa may-akda, na pasado na sa ikatlong pagbasa sa Senado. Layunin nito na ma-institutionalize ang pagdaraos ng national sports competition na paglalaanan ng karampatang pondo para makalahok maging ang mga nasa kanayunan.

Bukod sa mga atleta, hindi rin tayo tumitigil sa paghahatid ng serbisyo sa iba pa nating kababayan, lalo na ang mga higit na nangangailangan.

Personal tayong naghatid ng tulong noong June 22 sa 1,000 residente ng Pasay City na nawalan ng hanapbuhay katuwang si Mayor Emi Calixto Rubiano. Bukod sa ating tulong, isinulong natin na mabigyan sila ng pansamantalang trabaho mula sa gobyerno.

Nagbigay din tayo ng tulong sa 34 couples na pinagtaling puso sa ginanap 66th Pa-Wedding ni Tambunting sa Bicutan, na inisyatiba ni Cong. Gus Tambunting.

Nagpaabot din tayo ng pagbati, pakikiisa at pagsuporta sa mga miyembro ng LGBTQ+ noong June 23 sa pagdiriwang ng Pride Month. Mula noong panahon ni Tatay Digong hanggang ngayon, bahagi ng ating adbokasiya na mapangalagaan ang karapatan at kapakanan ng LGBTQ+ community.

Dumalo naman tayo noong June 24 sa masayang pagdaraos ng Bagat Dagat Festival sa Cataingan, Masbate sa paanyaya ni Governor Antonio Kho. Nag-inspeksyon tayo sa itinatayong Super Health Center sa lugar. Pinangunahan natin ang pagkakaloob ng tulong sa higit isang libong nawalan ng hanapbuhay, na mabibigyan din ng DOLE ng pansamantalang trabaho.

Kahapon, June 25, ay naimbitahan tayo bilang panauhing tagapagsalita sa ginanap na Don Mariano Marcos Memorial State University-Mid La Union Campus 43rd Commencement Exercises sa San Fernando City, La Union. Nagbigay tayo ng inspirasyon at suporta para sa 730 graduates. Binisita rin natin ang Ilocos Training and Regional Medical Center at nagpakain ng lugaw sa mga staff at pasyente. May Malasakit Center dito na layuning makapagbigay ng tulong pampagamot sa mga mahihirap na pasyente ayon sa Malasakit Centers Law na ating pangunahing iniakda at inisponsor noon para maisabatas.

Sinaksihan din natin ang ribbon cutting ceremony ng bagong Super Health Center sa San Fernando City kasama si Mayor Dong Gualberto na layuning ilapit ang pangunahing serbisyong medikal sa mga kababayan lalo na sa kabundukan kung saan itinayo ito. Pagkatapos ay pinangunahan din natin ang pagkakaloob ng tulong sa 2,000 mahihirap na residente sa San Juan katuwang sina Gov. Rafy Ortega at former Gov. Pacoy Ortega. Bukod sa suporta mula sa aking tanggapan, nabigyan din sila ng tulong pinansyal na ating isinulong kasama ang lokal na pamahalaan.

Tuluy-tuloy din ang aking Malasakit Team sa pag-alalay sa mga kababayang mahihirap kabilang ang 1,061 sa Palayan City, Nueva Ecija katuwang si Cong. GP Padiernos; 1,000 sa San Roque kaagapay si Mayor Mean Abalon; 1,000 sa Mapanas kasama si Mayor Ron Tejano, at 4,200 sa Palapag katuwang sina Mayor Fawa Batula at Gov. Edwin Ong sa Northern Samar.

Hindi rin natin kinaligtaang tulungan agad ang mga naging biktima ng sunog gaya ng 97 residente ng District 1, Manila City; at 20 sa Toril, Davao City. Nabigyan din ng tulong ang 50 pamilya ng mga pulis at sundalo na nakaengkuwentro ng NPA sa Alfonso, Nueva Vizcaya sa pakikipagtulungan kay Vice Gov. Eufemia Dacayo; at 24 pasyente sa ginanap na Medical Mission na ating sinuportahan kasama ang Philippine Association of Thoracic and Cardiovascular Surgery Inc. sa Davao del Sur Provincial Hospital, Digos City.

Minsan lang tayong daraan sa mundong ito kaya anumang tulong na puwede nating ihatid sa kapwa, at karangalan na maaari nating maibigay sa bansa, ay gawin na po natin ngayon. Bilang inyong senador, patuloy akong magseserbisyo sa abot ng aking makakaya dahil bisyo ko ang magserbisyo at naniniwala ako na ang serbisyo sa tao ay serbisyo sa Diyos.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

Gawin ang tama, gampanan ang tungkulon sa bayan at unahin ang interes ng mga Pilipino

ni Bong Go @Bisyo Magserbisyo | June 23, 2024

Ang pinakamalaking karangalan sa buhay ng inyong Senator Kuya Bong Go ay ang pagkakataong makapagserbisyo sa kapwa Pilipino. 

Ito ang paulit-ulit kong mensahe lalo na kung may mga nagpapasalamat dahil sa patuloy nating paglalapit ng serbisyo ng gobyerno sa mga may kailangan nito. Hindi ninyo kailangang magpasalamat sa akin. Sa totoo lang, ako ang dapat na magpasalamat dahil binigyan ninyo ako ng pagkakataon na magserbisyo.

Gaya ng parati kong sinasabi na itinuro rin sa akin ni dating Pangulong Rodrigo Duterte, “There is always a time for everything.” Naniniwala ako na ito ang panahon para mas lalong unahin ang kapakanan ng ating mga kababayan lalo na at napakaraming pagsubok ang kinakaharap ng ating bansa.

Noong isang araw, nagkasama kami muli ng ating itinuturing na Tatay Digong, at muli niyang ipinaalala sa akin ang number one advice niya mula pa noong nagsimula ako bilang assistant niya sa Davao City: “Magtrabaho ka lang at kapag inuna mo ang kapakanan ng iyong kapwa lalo na ang mga mahihirap ay hinding-hindi ka magkakamali.”

Ito ang aking isinasapuso sa aking araw-araw na paglilingkod sa kapwa. Gawin lang ang tama, gampanan ang tungkulin sa bayan, at unahin ang interes ng mga Pilipino.

Kaya patuloy akong magmamalasakit at magseserbisyo sa ating kapwa. Higit sa lahat, patuloy kong ipaglalaban ang karapatan ng bawat Pilipino. Kaya naman hindi tayo tumitigil sa ating ipinangakong paghahatid ng serbisyo sa mga kababayan nasaan man sila sa mundo sa abot ng ating makakaya. 

Noong June 19, personal nating pinangunahan ang pagkakaloob ng tulong sa 3,166 mahihirap na residente sa Governor Generoso, Davao Oriental. Nakatanggap din ang mga ito ng tulong pinansyal sa ating pakikipagtulungan katuwang ang local at national government. Naging keynote speaker din tayo sa araw na iyon sa ginanap na Philippine Association of Local Government Accountants 16th Mindanao Geographical Conference sa Mati City.

Sinaksihan naman ng aking opisina ang inagurasyon ng dalawang itinayong Super Health Center sa Kidapawan City, North Cotabato upang ilapit ang pangunahing serbisyo medikal sa mga komunidad doon. 

Noong Biyernes, June 21, ay naging panauhin tayo sa ginanap na Liga ng mga Barangay-Leyte Chapter Provincial Congress sa paanyaya ni Gov. Jericho Petilla at ni Liga President Ma. Martina Gimenez, na idinaos sa Pasay City. Dito natin pinahalagahan ang papel ng ating mga opisyal ng barangay sa paghahatid ng serbisyo sa mga tao. 

Nakasama naman natin sa araw ding iyon ang mga atletang Pilipino na lalahok sa 2024 Paris Olympics sa isang pagtitipon na ginanap sa opisina ng Philippine Sports Commission (PSC) sa Maynila para lalo pang iangat ang kanilang kumpiyansa at magbigay ng dagdag na motibasyon. Naibigay na rin ang pangakong financial support mula sa PSC na isinulong natin bilang Senate Sports Committee Chair — P500,000 kada Olympian ang ating ipinamahagi sa kanila. 

Tulad ng sabi ni Nesty Petecio on behalf ng ating Olympians, ang importante sa kanila ay ang karangalan na dinadala nila para sa bansa na higit sa anumang pinansyal na suporta o insentibo na kanilang natatanggap. ‘Yun ay hindi nabibili ng anumang halaga. Ang karangalan na ito ay habang buhay na nilang dala-dala na alay nila sa bawat Pilipino. 

Kaya bilang sports enthusiast at kapwa atleta rin, buo palagi ang ating suporta sa ating mga atleta at ngayon pa lang, malaking karangalan na ang hatid nila sa ating bansa. Laban, Pilipinas! Go for gold!

Nakarating naman ang aking Malasakit Team sa iba’t ibang komunidad at umalalay sa mga kababayan nating nangangailangan ng tulong tulad sa 15 residente ng Taguig City na naging biktima ng sunog. Natulungan din natin ang mga mahihirap na residente kabilang ang 125 sa Tubod, Lanao del Norte katuwang si Vice Governor Allan Lim; 2,000 sa Gabaldon and Llanera, Nueva Ecija kasama si Cong. GP Padiernos; at 437 sa Roxas, Oriental Mindoro kaagapay si Mayor Leo Cusi. 

Sumuporta rin tayo sa mga nawalan ng hanapbuhay at napagkalooban ng tulong ang 73 sa Pasay City katuwang si Councilor Tonya Cuneta; at 54 sa Iba, Zambales kasama si Board Member Rundy Ebdane. Ang mga ito ay nabigyan din ng pansamantalang trabaho sa ating pakikipag-ugnayan sa DOLE.

Minsan lang tayong daraan sa mundong ito. Kung anong kabutihan o tulong na puwede nating gawin sa ating kapwa, gawin na natin ngayon dahil hindi na tayo babalik sa mundong ito. Bilang inyong Mr. Malasakit na ang tanging bisyo ay magserbisyo, patuloy akong magtatrabaho para sa ikabubuti ng mga kapwa ko Pilipino dahil naniniwala ako na ang serbisyo sa tao ay serbisyo sa Diyos. 

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

Healthcare system, palakasin at ilapit ang serbisyong medikal sa komunidad

ni Bong Go @Bisyo Magserbisyo | June 16, 2024

Noong panahon ng pandemya, nabulaga ang buong mundo sa lawak at tindi ng impact ng COVID-19. 

Tulad sa ibang bansa, nabigla ang ating buong health sector nang magkaubusan ng medical supplies, magkasakit ang mismong healthcare workers, at magkulang ang mga pasilidad. Siksikan noon sa mga ospital, naghati-hati sa iisang kama ang mga pasyente, habang ang iba ay sa mga pasilyo at parking lot na nilalapatan ng lunas.

Sabi nga, “Experience is the best teacher.” Kaya bilang chair ng Committee on Health, isinusulong ng inyong Senator Kuya Bong Go na maging mas handa tayo sa anumang krisis pangkalusugan na maaaring dumating. Hindi natin alam kung ang COVID-19 ba ang huling pandemya na darating sa ating buhay kaya mas mabuting ready tayo. The more we should invest in health!

Kaya napakaimportante na mag-invest tayo sa pagpapatayo at improvement ng mga health facilities upang mapalakas pa ang ating healthcare system. Ginagawa ko sa ating kapasidad na madagdagan at mapabuti pa ang mga medical facilities sa iba’t ibang komunidad.  

Noong June 16 ay binisita natin ang itinayong Ibajay District Hospital Emergency Complex sa Ibajay, Aklan, isang proyektong ating sinuportahan bilang vice chair ng Senate Committee on Finance. Dahil malapit ang ospital na ito sa mga tourist destination gaya ng Boracay Island at Kalibo, bukod sa mga residente ay mabibigyan din ng sapat na serbisyong medikal ang ating mga bisita. Pinuntahan din natin noong araw na iyon ang itinatayong Super Health Center sa Ibajay.

Noong June 17 ay sinaksihan naman natin ang inagurasyon at pormal na pagbubukas ng itinayo na Super Health Center sa Agoncillo, Batangas.

Ang Super Health Centers ay nagkakaloob ng primary health services gaya ng konsultasyon, diagnostics, pangangalaga sa mga buntis at bagong silang na sanggol, pagbabakuna at iba pang serbisyong medikal.

Malaki ang papel nito para matiyak na ang mga residente ay may access sa mga pangunahing serbisyong pangkalusugan nang hindi na kailangang bumiyahe pa papunta sa malalayong ospital kaya mas mabilis silang malalapatan ng lunas. Sa kasalukuyan ay mayroon nang 700 SHCs sa buong bansa na napondohan sa ating pagsisikap katuwang ang DOH, mga lokal na opisyal at mga kapwa ko mambabatas.

Sinuportahan din natin ang plano ng Naga City General Hospital sa Camarines Sur na maglunsad ng dialysis center. Sa pamamagitan natin ay napondohan ang mga kinakailangang medical equipment para sa mga nangangailangan ng regular na dialysis treatment.

Patuloy din ang ating pagsuporta sa implementasyon ng Malasakit Centers Act na aking pangunahing ini-sponsor at iniakda upang maging madali ang pagkuha ng medical assistance mula sa gobyerno. Sa kasalukuyan, mayroon nang 165 Malasakit Centers sa buong bansa. Naisulong din natin ang pagsasabatas ng Regional Specialty Centers Act na aking pangunahing ini-sponsor at isa sa may akda upang ilapit ang specialized health services sa bawat rehiyon sa bansa.

Hindi rin tayo tumitigil sa paghahatid ng serbisyo sa ating mga kababayan. Habang nasa Aklan tayo noong June 16 ay pinangunahan natin ang pagkakaloob ng tulong sa 2,000 residente ng Ibajay katuwang sina Governor Joen Miraflores at Mayor Jose Miguel Miraflores. Naging panauhin tayo sa opening ceremony ng Liga ng mga Barangay-Guimaras Chapter Provincial Congress na ginanap sa Boracay Island sa paanyaya ni LNB President Marcelo Malones Jr. Bago matapos ang araw, dumalo rin ako sa Floral Artists of Davao’s Padre de Familia exhibit sa San Juan City.

Sa Batangas noong June 17, binisita natin ang itinayong evacuation center sa Agoncillo kasama sina Cong. Maitet Collantes, Vice Gov. Mark Leviste, at Mayor Cindy Reyes bukod sa Super Health Center doon. May dagdag na tulong tayo sa 500 residenteng nawalan ng hanapbuhay sa Agoncillo na mabibigyan din ng DOLE ng pansamantalang trabaho.

Dumiretso naman tayo sa bayan ng Laurel kasama sina Mayor Lyndon Bruce, Vice Mayor Aries, mga konsehal, barangay captain at SK members para sa isang boodle fight lunch bilang pagdiriwang ng Tilapia Festival sa lugar. Pagkatapos ay nagkaloob tayo ng tulong sa 550 benepisyaryo na nabigyan din ng pansamantalang trabaho ng DOLE.

Nasa Davao Oriental naman tayo kahapon, June 18, at nag-inspeksyon sa itinatayong Super Health Center sa Tarragona. Kasabay ng pagpupunyagi ng 58th Araw ng Tarragona, pinangunahan natin ang pagkakaloob ng tulong para sa humigit-kumulang 1,500 mahihirap na residente sa lugar, bukod pa ang 500 na mangingisda na nabigyan din ng DOLE ng tulong. Matapos ito ay dumiretso tayo sa Banaybanay na nagdidiwang din ng kanilang araw ng pagkakatatag, at namahagi ng tulong sa mahigit 2 libong mahihirap na residente, at tulong pinansyal sa halos 2,500 benepisyaryo sa pamamagitan ng lokal na pamahalaan. Nakisaya rin tayo sa 58th Araw ng San Isidro sa paanyaya ni Mayor Arnel Sitoy. 

Sinaksihan naman ng aking opisina kasama si Mayor Marisa Red-Martinez ang groundbreaking ng itatayong Super Health Center sa Santa Cruz, Marinduque, at dumalo rin sa Liga ng mga Barangay-Leyte Chapter Provincial Congress.

Naghatid din ang aking Malasakit Team ng tulong para sa mahihirap na residente sa iba’t ibang lugar katulad ng 1,000 sa Gabaldon, Nueva Ecija katuwang si Cong. GP Padiernos; 453 sa Roxas, Oriental Mindoro kasama si Mayor Leo Cusi; at 200 sa San Vicente, Northern Samar kaagapay si Mayor Egay Catarongan. Namahagi rin tayo ng dagdag na tulong sa 225 TESDA Scholars mula sa Tacloban City.

Ngayong panahon ng tag-ulan na uso ang iba’t ibang sakit, magtulungan tayo para maingatan ang ating kalusugan dahil ang katumbas niyan ay buhay ng bawat Pilipino. Mahal na mahal ko ang aking kapwa Pilipino higit pa sa aking sarili, kaya naman patuloy ang aking pagsuporta sa pagsusulong ng mga proyekto at programa na magbibigay ng mas maginhawa at de-kalidad na serbisyong pangkalusugan sa ating mga kababayan.

Ito ang aking bisyo, ang magserbisyo! At naniniwala ako na ang serbisyo sa tao ay serbisyo sa Diyos.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.