Tuluy-tuloy ang ating suporta sa mga atletang Pilipino!

ni Bong Go @Bisyo Magserbisyo | August 14, 2024

Nagbubunyi ang buong bansa sa pag-uwi ng ating mga bayaning atleta mula sa 2024 Paris Olympics. Pasalubong nila sa atin ang dalawang gold at dalawang bronze medals mula sa ating gymnast na si Carlos Yulo at mga boksingerong sina Nesthy Petecio at Aira Villegas. Buong giting nilang ipinakita sa buong mundo ang husay ng Pilipino.

Isinumite rin natin sa Senado ang Senate Resolution para bigyang parangal ang historic win ni Carlos; at ang pagkasungkit nina Aira at Nesthy ng bronze medals.

Sa husay ng ating mga atleta, kinilala bilang best performing Southeast Asian nation ang Pilipinas sa 2024 Olympics. Patunay ito na sa patuloy nating pakikipaglaban na maglaan ng pondo para sa sports, lumalakas ang tsansa natin na manalo sa international competitions.

Bilang chairperson ng Senate Committee on Sports na isa ring athlete at sports enthusiast, hindi  ako tumitigil sa pagsuporta sa mga manlalarong Pilipino katuwang ang Philippine Sports Commission. Noong June ay pinagkalooban natin kasama ang PSC ng financial support ang bawat Olympian ng PhP500,000 para may magamit sila sa kanilang paghahanda sa Paris Olympics. Noong August 6 ay nakatanggap din ang ating para-athletes na lalahok naman sa 2024 Paris Paralympics sa France mula August 28 hanggang September 8.

Bagong halal na senador pa lang ako noong 2019, isinulong ko nang makatanggap ng tulong mula sa private sector ang ating kauna-unahang Olympic gold medalist na si Hidilyn Diaz. Naniniwala ang inyong Senator Kuya Bong na kapag nagsama ang gobyerno at private sector para sa mga atleta, malayo ang mararating at kaya nating humakot ng medalya.

Noong 2021 naman ay sinuportahan din natin ang hiling ng PSC na karagdagang suporta para sa ating mga atletang lumahok at nag-uwi ng medalya sa 2020 Tokyo Olympics at maging sa Paralympics sa Japan.

Patuloy rin tayo sa paghikayat sa ating pamahalaan bilang chairperson ng Senate Committee on Youth na gawing prayoridad ang sports hindi lang sa elite athletes. Pinalalawak natin ang ating grassroots sports programs para mabigyan ng oportunidad ang ating mga kabataan, hindi lang sa sports kundi maging ang kalagayan nila sa buhay. Lagi rin nating paalala sa ating mga kabataan, “Get into sports, stay away from illegal drugs to keep us healthy and fit!”

Kaya naman sa ating patuloy na pagsulong sa sports lalo na sa grassroots development, sinuportahan natin ang ginanap na pagbubukas ng Samalenyo Cup Season 2 sa Brgy. Limao Gym, Samal, Davao del Norte noong August 10, kasama si Councilor Kristoperson Lanorias. Ang naturang sportsfest ay natulungan nating mabigyan ng pondo mula sa PSC.

Sinaksihan din ng aking opisina ang ginaganap na Golazo Cup sa Circulo Verde, Quezon City katuwang ang tanggapan nina DepEd Secretary Sonny Angara at Senator Pia Cayetano; gayundin ang Perlas ng Silangan Basketball League South Mindanao Qualifiers Grand Opening Ceremonies sa Davao City kasama si South Mindanao Commissioner Christian Formentos Robles; at ang Mayor’s Cup Inter Barangay 2024 sa Hermosa Bataan katuwang si Vice Mayor Patrick Rellosa.

Hindi rin natin kinakaligtaan ang paghahatid ng serbisyo at tulong sa ating mga kababayan. Noong August 12 ay binalikan natin at muling inayudahan ang 197 residente ng iba’t ibang barangay sa Quezon City na biktima ng magkakahiwalay na insidente ng sunog. Sa pamamagitan din natin ay nabigyan sila ng tulong pinansyal ng National Housing Authority mula sa programang ating isinulong para may pambili ang mga benepisyaryo ng pako, yero, semento at iba pang materyales sa pag-aayos ng kanilang mga tahanan.

Matapos ito ay dumiretso tayo sa Alfonso, Cavite at personal na pinangunahan ang pamamahagi ng tulong sa 2,000 mahihirap na residente — na sa ating inisyatiba ay nakatanggap ng tulong pinansyal mula sa lokal na pamahalaan. Nag-inspeksyon din tayo sa bagong Super Health Center at binisita natin ang kanilang evacuation center, na ang pagpapatayo ay napondohan sa pamamagitan natin. Nagpapasalamat ako sa lokal na pamahalaan sa pamumuno ni Mayor Randy Salamat, Vice Mayor Madona Mojica-Pel at mga konsehal sa pagdeklara sa akin bilang adopted son ng bayan.

Sa araw ding iyon ay sinaksihan ng aking tanggapan ang groundbreaking ng itatayong Super Health Center sa La Castellana, Negros Occidental kasama si Mayor Mhai Nicor.

Kahapon, Aug. 13, dumalo naman tayo sa ginanap na 8th Mandatory Continuing Legal Education (MCLE) Accredited National Convention of Public Attorneys National Convention sa PICC, Pasay City sa paanyaya ni PAO Chief Persida Acosta. Nagpapasalamat tayo sa iginawad sa atin na parangal bilang outstanding senator. Tayo naman, may award man o wala, ay patuloy na magseserbisyo sa abot ng ating makakaya dahil bisyo ko na ang magserbisyo sa kapwa ko Pilipino.

Tuluy-tuloy din ang aking Malasakit Team sa pag-alalay sa mga kababayan nating nangangailangan tulad ng mga nawalan ng hanapbuhay sa iba’t ibang komunidad. Sa Bohol, natulungan ang 93 sa Loboc katuwang si Mayor Raymond Jala; 55 sa Sevilla kaagapay si VM Richard Bucag; 93 sa Garcia Hernandez kasama si Mayor Jess Baja; at 213 sa Valencia kasama sina Mayor Dionisio Neil Balite, VM Aristotle Cometa at iba pang opisyal.

Sa Bohol pa rin, naalalayan ang 93 nawalan ng hanapbuhay sa Alicia katuwang si Mayor Victoriano Torres III; 91 sa San Miguel kaagapay si Mayor Ian Gil Mendez; ang 66 sa Ubay katuwang ang lokal na pamahalaan; at 56 sa Candijay kasama si VM Christopher Tutor. Natulungan din ang 118 nawalan ng trabaho sa Plaridel, Quezon katuwang si Vice Governor Anacleto Alcala III; 65 sa Bulan, Sorsogon kaagapay si Vice Mayor Chezka Robles; at 78 sa Buluan, Maguindanao del Sur kasama natin si VM Rhamla Mangudadatu Kadalim. Sa ating inisyatiba ay nabigyan din sila ng DOLE ng pansamantalang trabaho.

Natulungan din natin ang 120 naging biktima ng sunog sa mga barangay sa Villamonte, Bacolod City, Negros Occidental. Hindi rin natin kinaligtaan ang 20 maliliit na negosyante sa Tarragona, Davao Oriental, na sa pamamagitan natin ay nakatanggap din ng tulong pangkabuhayan mula sa DTI.

Sa abot ng aking makakaya, hindi ako titigil sa paghahatid ng tulong sa lahat ng sektor na nangangailangan ng ating serbisyo at malasakit. Sabi ko nga, minsan lang tayong dadaan sa mundong ito. Kaya anumang tulong ang puwede nating ibigay, o anumang karangalan ang maaari nating ialay sa bansa, ay gawin na natin ngayon.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

Health is wealth!

ni Bong Go @Bisyo Magserbisyo | August 10, 2024

Malaking karangalan sa bawat Pilipino ang makasaysayang double gold Olympic medal ng gymnast na si Carlos Yulo. Idagdag pa riyan ang bronze medals na iuuwi ng ating mga boksingerong sina Nesthy Petecio at Aira Villegas. Saludo ang buong bansa sa husay na ipinamalas at patuloy na ibinubuhos ng ating mga pambato sa 2024 Paris Olympics.

Umaasa ang inyong Senator Kuya Bong Go na maraming Pilipino pa ang mahihikayat ngayon na mabigyan ng importansya ang sektor ng sports at ang papel nito sa paghubog ng ating sambayanan. Bukod sa inspirasyong hatid ng ating mga atleta, puwedeng maging motibasyon sa marami ang kanilang magandang pangangatawan. Sabi ko nga lagi, “Get into sports, stay away from illegal drugs, to keep us healthy and fit!”

Konektado ang sports at kalusugan. Kaya laging tugma ang ating mga isinusulong na programa bilang chairperson ng mga Senate Committees on Health, on Sports, at pati on Youth.

Prayoridad ko ang kalusugan ng bawat Pilipino lalung-lalo na ang mga kababayan nating mahihirap at mga kabataan. Ginagawa natin ang ating makakaya para mailapit ang serbisyo medikal ng pamahalaan sa malalayong komunidad, dahil ang kalusugan ay katumbas ng buhay ng bawat Pilipino.

Kaya naman ikinatuwa natin ang pag-apruba sa ikalawang pagbasa ng Senado sa ilang local hospital bills na tayo ang pangunahing nag-sponsor. Ang pag-apruba sa mga naturang panukala ay nakatuon sa upgrading at pagpapatayo ng mga pasilidad na pangkalusugan para matugunan ang pangangailangan ng mga residente.

Kabilang dito ang pagpapatayo ng Victorias City General Hospital sa Negros Occidental; pagdadagdag ng bilang ng kama sa Teodoro B. Galagar District Hospital gayundin sa Cong. Simeon G. Toribio Memorial Hospital, parehong sa Bohol; ang paglilipat sa pagtatayuan ng St. Bernadette Children and Maternity Hospital sa San Jose del Monte City, Bulacan; at ang upgrading ng Bangui District Hospital sa Ilocos Norte, at ng Dr. Catalino Gallego Nava Provincial Hospital sa Guimaras.

Dahil sa leksyon ng pandemya, kailangan ang agaran at mabilisang pagpapatayo at pagpapalakas ng healthcare facilities ng gobyerno. Nabulaga tayo noon at nakita natin kung paano naging extension ng ward ang mga hospital corridor pati parking area. Sa ibang ospital, umabot sa 400 percent ang bed occupancy rate at pinagkasya ang mga pasyente sa iisang kama.

Hindi natin alam kung kailan muling may susulpot na krisis pangkalusugan kaya tungkulin ng pamahalaan na masolusyunan ang kakulangan sa health facilities, equipment at maging sa mga tauhan sa mga ospital.

Nananawagan tayo sa ehekutibo na gawing prayoridad ang pagpapalakas sa ating healthcare system. Tulad ng isyu sa sobrang P90 bilyong pondo ng PhilHealth na planong ibalik sa ating National Treasury, hindi katanggap-tanggap na may sobrang pondo samantalang napakaraming Pilipino ang naghihingalo at walang pambayad sa ospital.

Muling panawagan natin sa PhilHealth: taasan ang case rates, i-expand ang benefit packages, at irekomendang babaan ang kontribusyon ng mga miyembro. Ang pondo para sa kalusugan ay dapat na magamit sa mga programang pangkalusugan.

Samantala, panauhing tagapagsalita tayo sa ginanap na Universidad de Manila 26th Commencement Exercises noong August 7. Nagpapasalamat tayo sa oportunidad na makapagbigay ng inspirasyon sa 1,083 college graduates at faculty na ating binigyan din ng suporta tulad ng graduation food packs.

Bilang miyembro ng Commission on Appointments, sinuportahan din natin ang kumpirmasyon kay Sec. Sonny Angara na bagong kalihim ng Department of Education.

Nasa Cavite tayo noong August 8 at sinaksihan ang groundbreaking ceremony ng itatayong Cavite Municipal Hospital sa Maragondon, na ating sinuportahang mapondohan kasama ang lokal na pamahalaan. Pinangunahan din natin ang pamamahagi ng tulong para sa 2,500 mahihirap na residente sa lugar, na sa ating inisyatiba ay nakatanggap din ng tulong pinansyal katuwang si Mayor Lawrence Arca. Nagpapasalamat din ako sa pagdedeklara sa akin bilang adopted son ng Maragondon, bukod sa pagiging adopted son na ng CALABARZON region.

Kahapon, August 9, sinaksihan ng aking opisina ang turnover ceremony ng itinayong Super Health Center sa Lingig, Surigao del Sur.

Tuluy-tuloy din ang aking Malasakit Team sa pag-alalay sa ating mga kababayang nangangailangan ng tulong sa iba’t ibang bahagi ng bansa tulad ng mga naging biktima ng sunog kabilang ang 91 sa Mandaue City, at 41 sa Cordova, Cebu.

Namahagi rin tayo ng tulong para sa mga nawalan ng hanapbuhay katuwang ang DOLE para masuportahan ang 50 sa Taytay, Rizal katuwang si Vice Mayor Pia Cabral; 565 sa Besao, Mountain Province kasama sina Mayor Bacwaden, Vice Mayor Elizabeth Buyagan at kanilang mga konsehal; 53 sa Olongapo City, Zambales kaagapay si Councilor Gina Perez; 149 sa Naval, Biliran katuwang si Vice Governor Brigidio Caneja; 56 sa Dauis, Bohol kasama si Vice Mayor Miriam Sumaylo; at 43 sa San Isidro, Northern Samar kasama si Councilor Joel Sampayan.

Dagdag pa rito ang mga mahihirap na manggagawang ating tinulungan tulad ng 90 sa Tinglayan, Kalinga katuwang si Mayor Sacrament Gumilab; 136 sa Lamut, Ifugao kasama si VG Glenn Prudenciano; 75 sa Surigao City kaagapay si Mayor Paul Dumlao; 88 sa Orani, Bataan katuwang si Board Member Tony Roman; 153 sa Sorsogon City at Bulan, Sorsogon kasama si VG Jun Escudero; 78 sa Buluan, Maguindanao del Sur kaagapay si VM Rhamla Mangudadatu Kadalim; at 609 sa Tarragona, Davao Oriental katuwang si Mayor Sammy Uy.

Nagbigay din tayo ng tulong sa 333 mahihirap sa Davao City katuwang ang tanggapan nina Sen. Francis Tolentino at Councilor Che Justol. Natulungan din ang 605 mula sa Libungan at M’lang sa Cotabato kasama si Governor Lala Mendoza. Sa Tarragona, Davao Oriental ay 1,666 ang nakatanggap ng tulong mula sa aking opisina, dagdag pa ang tulong pinansyal na ating isinulong katuwang si Mayor Sammy Uy.

Inalalayan naman natin ang 78 maliliit na negosyante ng Iriga City, Camarines Norte na naging biktima ng sunog, at sa ating inisyatiba ay napagkalooban sila ng tulong bukod pa sa suportang pangkabuhayan ng DTI na ating isinulong.

Patuloy akong magseserbisyo sa abot ng aking makakaya upang mapangalagaan ang kalusugan at kapakanan ng mga kababayan lalo na ang mga maysakit, mga kabataan, at mga mahihirap. Bisyo ko na ang magserbisyo, at naniniwala ako na ang serbisyo sa tao ay serbisyo sa Diyos.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

Buo ang suporta sa atletang Pilipino!

ni Bong Go @Bisyo Magserbisyo | August 7, 2024

Napakasarap sa pakiramdam ng bawat Pilipino ang naging panalo ng ating gymnast na si Carlos Yulo na nakakuha ng dalawang gintong medalya sa 2024 Paris Olympics matapos niyang maghari sa men’s floor exercise at maging sa men’s vault event ng artistic gymnastics. 

Kaya naman nitong August 5 ay isinumite natin sa Senado ang Senate Resolution No. 1100 at 1113 para bigyang pagkilala ang makasaysayang panalo ni Carlos sa Olympics. Bilang chairperson ng parehong mga komite sa sports at sa youth ng Senado, binigyang-diin natin ang kahalagahan ng sports para sa kaunlaran ng bansa at sa kinabukasan ng ating mga kabataan gaya ng nakasaad sa ating Saligang Batas.

Dapat nating kilalanin at ipagmalaki ang nagawa, hindi lamang ni Carlos, kundi ng bawat atletang Pilipino na nagpursige na irepresenta ang bansa sa buong mundo. Sa bawat laro ay damang-dama natin ang kanilang taglay na pusong Pilipino na lumalaban hanggang dulo. 

Ang pag-usbong ng mga mahuhusay na atletang Pilipino ay testamento kung ano ang kayang makamit kapag nagsanib-puwersa ang suporta ng pribado at pampublikong sektor para sa ikabubuti ng bansa at ng bawat mamamayan. 

Bilang Vice Chair ng Senate Finance Committee, bawat taon ay ating ipinaglalaban ang dagdag na pondo para sa ating sports programs upang mabigyan ng sapat na suporta ang ating mga atleta na lumalahok sa international competitions, at mabigyan din ng oportunidad ang iba pang kabataan na lumahok sa iba’t ibang paligsahan at mahubog ang kanilang kakayanan sa larangang kanilang pinili. 

Kamakailan lamang, nakipagtulungan tayo sa Philippine Sports Commission upang mabigyan ang bawat Olympian ng dagdag na suporta na P500,000 noong Hunyo para sa kanilang paghahanda sa Paris Olympics. Kahapon, August 6, ay inilunsad natin ang turnover ng financial support sa anim naman na para-athletes na sasabak sa Paris Paralympics. Sa ating inisyatiba ay binigyan sila ng PSC ng tig-P500,000 din.

Noong 2021, sinuportahan natin ang hiling ng PSC na karagdagang insentibo para sa mga atletang lumahok at nag-uwi ng medalya sa 2020 Tokyo Olympics at maging sa Paralympics sa Japan. Noong 2019, kaka-senador ko pa lang, tinulungan natin ang champion weightlifter na si Hidilyn Diaz para makakuha ng suporta mula sa isang private company. Kapag nagsama ang gobyerno at private sector para sa kapakanan ng mga atleta, malayo ang ating mararating. 

Patuloy tayo sa ating adbokasiya na gawing prayoridad ang sports tungo sa nation-building. Ang sports ay nagtuturo ng disiplina, teamwork, camaraderie, unity at sportsmanship kaya pinalawak din natin ang ating grassroots sports programs para mabigyan ng oportunidad ang mga kabataan at maengganyo sila to get into sports, stay away from illegal drugs to keep us healthy and fit! 

Samantala, noong Lunes ay nakiisa tayo sa pagdinig ng Committee on Public Order and Dangerous Drugs na pinangunahan ni Senator Ronald dela Rosa. Tinalakay dito ang hinihinalang paggamit ng ‘excessive force’ katulad ng pagde-deploy sa Special Weapons and Tactics team ng Philippine National Police sa kanilang operasyon sa Kingdom of Jesus Christ. Binigyang-diin natin na ang motto ng PNP ay ‘to serve and protect’ kaya ipinaalala natin sa mga pulis na ang trabaho nila ay panatilihin ang peace and order at hindi para takutin ang taumbayan. Ang apela ko sa kapulisan: be professional, huwag maging selective, at gawin ang tungkulin nang naaayon sa batas upang proteksyunan ang buhay ng bawat Pilipino. 

Tuluy-tuloy tayo sa paglalapit ng serbisyo sa ating mga kababayan. Nasa Samar tayo noong Aug. 3 at personal na pinangunahan ang pamimigay ng suporta sa 1,000 community health frontliners sa San Jorge at 2,000 sa Catbalogan City katuwang ang tanggapan nina Sen. Robin Padilla at Gov. Sharee Ann Tan. Nagbigay tayo ng dagdag na tulong sa mga kooperatiba sa Eastern Visayas sa ilalim ng programang Malasakit sa Kooperatiba na ating inilunsad kasama ang Cooperative Development Authority. Dumalo rin tayo sa ginanap na Samar Educator’s Day kung saan namahagi tayo ng tulong sa humigit-kumulang 1,000 principals bilang bahagi ng kanilang Tandaya Festival para sa selebrasyon ng Araw ng Samar. Nagpapasalamat tayo sa lokal na pamahalaan sa pamumuno ni Gov. Tan, Vice Gov. Arnold Tan, Cong. Jimboy Tan, Cong. Michael Tan, Catbalogan City Mayor Dexter Uy, San Jorge Mayor Leoncio de Guia, at iba pang opisyal. 

Sinaksihan naman ng aking tanggapan ang inagurasyon ng itinayong Super Health Center sa Catanauan, Quezon noong araw ding iyon. 

Sa Cavite noong Aug. 5, pinangunahan natin ang pamamahagi ng tulong sa 2,000 PWDs, solo parents, scholars at iba pang mahihirap na residente sa Amadeo. Sa ating pakikipagtulungan kasama si Mayor Redel Dionisio ay nabigyan din sila ng tulong pinansyal ng lokal na pamahalaan. Nag-inspeksyon din tayo ng kanilang bagong fire truck at ng Municipal Hall na napondohan ang renovation sa ating tulong. Bukod sa pagiging adopted son ng CALABARZON, nagpapasalamat din ako sa pagdedeklara sa akin bilang adopted son ng Amadeo.

Hindi rin tumitigil ang aking Malasakit Team sa pagtulong sa mga kababayan nating nahaharap sa iba’t ibang krisis tulad ng mga nawalan ng hanapbuhay kabilang ang 53 sa Magalang, Pampanga katuwang si Vice Mayor Joseph Guzman; 30 sa Hinundayan, Southern Leyte kasama si Councilor Jeanette Abuyog; 220 sa El Nido kasama sina Councilor Joel Rosento at BM Nieves Rosento at 221 sa Taytay, Palawan kasama si BM Anton Alvarez; 500 sa Surallah, South Cotabato katuwang si Mayor Pedro Matinong Jr. Sa Camarines Norte, natulungan naman natin ang 65 sa Paracale kasama si VM Adet Asutilla; 65 sa Jose Panganiban kasama si VM Kuatro Padilla; 65 sa Labo kasama si VM Alvin Bardon; 65 sa San Vicente kasama si VM Vivian Villamor; 65 sa Vinzons katuwang si VM Agnes Ang; 65 sa Talisay kaagapay si VM Tina Zantua-Arevalo; at 65 sa Mercedes kasama si VM Gina Yapyuco. 

Pinuntahan din natin ang mga naging biktima ng insidente ng sunog at natulungan ang 229 sa Zamboanga City; at 35 sa Las Piñas City. Naghatid din tayo ng food packs para sa mga naging biktima ng Bagyong Carina sa San Fernando City, Pampanga. 

Katuwang si Cong. Nelson Dayanghirang, nabigyan din ng tulong ang mga mahihirap na residente sa Davao Oriental, gaya ng 1,500 mahihirap sa Lupon at 255 na nabigyan ng livelihood assistance. May apat ding pamilyang nabiktima ng sunog sa Mati City katuwang si Councilor Xander Alcantara.

Nagkaloob din tayo ng dagdag na suporta sa TESDA graduates kabilang ang 20 sa Binangonan, Rizal at 143 sa Marikina City. 

Isang beses lang tayong daraan sa mundong ito. Kaya anumang tulong ang puwede nating ibigay sa kapwa, o anumang karangalan ang maaari nating ialay sa bansa, ay gawin at ibigay na natin ngayon dahil hindi na tayo babalik sa mundong ito. Patuloy akong magseserbisyo sa abot ng aking makakaya dahil bisyo ko ang magserbisyo at naniniwala ako na ang serbisyo sa tao ay serbisyo sa Diyos.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.