Wow! Winner, ha?...

SIKAT NA MALE CELEB, BINUHAY NG EX NU'NG WALANG-WALA PA, NGAYONG RICH NA, BUMAWI, TODO-BIGAY NG DATUNG SA GIRL

ni Erlinda Rapadas - @Teka Nga! | March 9, 2021

Blind item:

Umaapaw ang suwerte ngayon ng isang sikat na male celebrity. Napakarami na niyang naipundar na properties na mula sa kinita niya sa kanyang mga shows. Ang bilis-bilis ng pasok ng pera sa buhay niya.

Nakuha niya sa tamang timing ang kanyang pagsikat sa telebisyon. Ang lakas-lakas ng kanyang show na napapanood araw-araw. Kahit na walang sikat na artista na nagpe-perform sa kanyang show ay tinututukan pa rin ito ng mga viewers.

Araw-araw kasing namimigay ng cash gift ang male celeb. Daig pa ang nakakuha ng SAP at 4Ps kapag natawagan niya.

Sa dami ng assets at ari-arian ng sikat na male celebrity, kahit lifetime na siyang magpahinga at hindi magtrabaho ay mamumuhay pa rin siyang masagana at marangya. Sobra-sobra na rin sa kanyang mga anak ang naipon niya.

Naalala tuloy ng isang taong malapit sa sikat na male celeb noong walang-wala pa siya sa buhay, walang trabaho, walang career at walang bahay. Pero, nakapangasawa siya ng babaeng mabait at mahal na mahal siya. Tinanggap at tinulungan siya nitong makabangon.

Pati sa aspetong pinansiyal ay suportado rin siya ng dating karelasyon. Ipinag-produce pa ang male celeb ng isang sitcom.

Bagama't nagkahiwalay din sila, hinding-hindi makakalimutan ng sikat na male celeb ang kanyang first wife na masaya ang buhay sa ibang bansa.

Ngayong super rich na ang sikat na male celeb, sa tuwing nagbabakasyon sa 'Pinas ang ex niya ay pinadadalhan niya ng regalong cash gift bilang pagtanaw ng utang na loob.

Minahal ni male celebrity ang babaeng tinanggap siya nang buong-buo noong siya ay kapos pa sa buhay at walang career na maipagmamalaki.

Nakakaineesss ba?...

DATING CHILD ACTOR NA PILYO, PASAWAY AT SAKIT NG ULO, NANALO LANG SA PULITIKA DAHIL SA DAMI NG FANS NG MADIR

ni Erlinda Rapadas - @Teka Nga! | March 8, 2021

Blind item:

Marami ang natutuwa sa total transformation na nangyari sa isang dating child actor na noon ay sobrang kulit, pilyo, pasaway, bratty at sakit ng ulo ng kanyang mga magulang.

Mahal na mahal kasi ng kanyang daddy na isang sikat na comedian ang dating child actor at lahat ng gusto nito ay sinusunod at pinagbibigyan.

Labis na kinaiinggitan ng iba niyang kapatid ang child actor. Lagi pa itong isinasama sa mga pelikula ng kanyang daddy kaya bata pa ay may sarili nang pera sa bangko at nakapagpundar ng ari-arian.

Nang magbinata at nag-mature na ang dating sikat na child actor ay hindi na ito gaanong pasaway at bratty lalo na nang magkaroon ng posisyon sa isang siyudad at naging public servant. Naging responsable na ito at nagkaroon ng goal sa buhay.

Malaking tulong sa political career ng dating child actor ang kanyang magandang mommy na dati ring artista. Mabait at champion ang PR ng kanyang mommy at ito ang matiyagang nag-house-to-house para ikampanya ang dating child actor.

Sa dami ng mga fans at supporters ng dating aktres, nakalusot at nanalo ang dating child actor sa posisyong gusto niya. Sa tulong at guidance ng maganda at mabait na aktres, naging maayos ang takbo ng political career ng dating pasaway na child actor at ngayon ay isa nang respetadong public servant.

Better woman ba siya sa lagay na 'yan?

SEKSING AKTRES, SYUNGA SA PAG-IBIG, TODO-REGALO AT LAGING TAYA SA DATE NILA NG BF NA 'DI NAMAN SIKAT AT MAHILIG SA LIBRE

ni Erlinda Rapadas - @Teka Nga! | March 3, 2021

Blind item:

Mabait, disente at hopeless romantic ang isang maganda at seksing aktres. Maraming guys ang nagkakagusto sa kanya dahil maganda na, malakas pa ang sex appeal.

Napaka-wholesome rin ng image niya. Karespe-respeto ang magandang aktres at hindi cheap. May breeding kasi kaya classy.

Ang tanging setback lang ng magandang aktres ay ang sobra niyang pagiging naive at ang mabilis na pagtitiwala sa kanyang karelasyon. Siya ang tipo ng babaeng madaling ma-in love at mabola. Kaya naman, madalas ay nasasaktan at tine-take for granted siya ng kanyang mga nagiging boyfriend.

Sa halip kasi na ang aktres ang magmalaki at maging spoiled sa kanyang karelasyon, siya pa ang nagagamit at sunud-sunuran sa lalaki. Todo-regalo siya sa BF at siya ang madalas na gumagastos sa kanilang date at lakad.

Tulad ng nangyari sa isa niyang BF na hindi na nga guwapo, hindi pa rin stable ang kabuhayan. Maraming kaibigan ng sexy actress ang nagtataka kung bakit nito nagustuhan ang aktor na hindi naman gaanong sikat at puro patawa lang.

Mabuti na lang at agad naumpog at natauhan ang sexy actress kaya kumalas na sa BF na actor na walang future at mahilig lang sa regalo at libreng date.

Nang makatagpo naman ang sexy actress ng guwapong hunk actor, akala ng lahat ay sa kasalan na mauuwi ang kanilang relasyon. But sad to say, not the marrying type ang hunk actor kaya naghiwalay din sila after one year.