Gaya-gaya kasi, sumunod sa BFF na nag-ober da bakod…

SIKAT NA SINGER, INAPI ANG INA NU'NG BUHAY PA, NAKARMA, WA' NA CAREER, LILIPAD NA PA-TATE

ni Erlinda Rapadas - @Teka Nga! | March 14, 2021

Blind item:

Depressed na depressed ngayon ang isang singer dahil nawalan na siya ng career simula nang mag-lockdown.

Kung dati-rati ay kumikita siya nang malaki sa kanyang mga shows at TV guestings, biglang nagbago ang lahat nang magkaroon ng pandemya sanhi ng COVID-19. At nataon pa na nagkasakit at naospital ang kanyang mister.

Naranasan din ng singer na siya ang gumawa ng lahat ng gawaing-bahay dahil nawalan siya ng mga kasambahay.

Dahil sa hindi nakayanang hirap at kakapusang pinansiyal, nagdesisyon ang singer at ang kanyang mister na bumalik na lang sa Amerika upang doon maghanap ng trabaho. Naibenta nila ang isa nilang property upang may magamit silang pamasahe, pang-upa ng bahay at panggastos habang hindi pa sila nakakahanap ng trabaho.

May ilang kaibigan din ang nagbigay ng tulong lalo na noong nasa ospital ang mister ng singer.

Lungkot na lungkot ngayon ang singer at hindi niya inakala na daranas sila ng matinding hirap at pagsubok.

May mga naging reaction naman ang mga kakilala at dating kaibigan ng nanay ng singer. Noon daw kasing nabubuhay pa ang kanyang inang komedyana, hindi naging maganda ang trato rito ng singer. Wala raw itong respeto sa kanyang inang nagpalaki at nag-alaga sa kanya, lalo na nang sumikat na rin siya. Kaya raw ngayon ay binabalikan na siya ng karma.

Bukod dito, wala rin siyang utang na loob sa network na unang nagtiwala at nagbigay sa kanya ng magagandang shows at exposure. Nang lumipat kasi ng network ang kanyang BFF na sikat na singer ay sumunod din siya at nilayasan ang network na unang nagbigay sa kanya ng break.

Feeling niya kasi ay makaka-level na rin siya ng mga sikat na singers sa nilipatang network. Pero, nagkaproblema ang network at tuluyang naipasara. Kaya, nganga na rin ang career niya ngayon.

Kaaawaan ba siya ng mga kaibigan ng kanyang ina na inapi niya noon? Siguro, ngayon mari- realize ng singer na totoong walang forever. May katapusan ang lahat ng bagay. Hindi na maibabalik pa ang dating ningning ng kanyang pangalan.

Anyare? Sana raw, araw-gabi na siyang ganyan…

SUPER-KURIPOT NA AKTOR, BIGLANG NAGPAKAIN SA MGA CO-STARS, NAMIGAY PA NG T-SHIRT NA MAY TITLE NG SHOW NIYA

ni Erlinda Rapadas - @Teka Nga! | March 13, 2021

Blind item:

May himala raw na nagaganap ngayon sa buhay ng isang sikat na male celebrity na mula't sapul ay nakilalang kuripot at napakahigpit sa pera.

Kung bansagan nga siya ng kanyang mga co-artists ay “inuyat” dahil pati sarili ay tinitipid. Segurista rin ang male celebrity dahil hindi siya basta gumagastos kung hindi rin lang importante.

Kahit nasa set ng teyping o shooting, hindi maaasahan na mag-aambag siya kapag nagpapabili ng pagkain sa labas ang kanyang mga co-stars.

Hindi rin siya ang tipo na pala-bigay ng regalo sa mga kaibigan dahil sanay siya sa libre at bigay lang.

Marami nang naipundar na properties ang male celebrity dahil sa sobra niyang kakuriputan. Sanay na sanay na sa kanyang ugali ang kanyang mga kaibigan at kasamahan sa trabaho.

Pero, isang araw ay nagimbal ang lahat dahil isang malaking pagbabago ang nangyari sa male celebrity. Mistulang may himala dahil ang sobrang kuring na aktor ay nagdadala na sa set ng pagkain at isine-share niya ito sa lahat.

Panay din ang luto niya sa locked-in taping ng bago niyang serye at ipinakakain sa kanyang mga co-stars.

At nagpagawa pa ang male celebrity ng mga t-shirts na nakalagay ang title ng kanyang serye at ipinamigay sa cast.

Kaya ang tanong ng marami, ano kaya ang dahilan kung bakit biglang-bigla ay naging galante ang dating kuripot na aktor?

At wish naman ng iba, sana, tuluy-tuloy na ang pagbabagong ito ng aktor para tuluyan nang mabura ang image niyang inuyat.

BAGUHANG AKTOR, NAG-ENJOY SA CO-STAR SA SERYE, 2 YRS. NA GF NA AKTRES, IPINAGPALIT

ni Reggee Bonoan - @Sheet Matters | March 11, 2021

BLIND ITEM:

Kasamang aktres sa isang teleserye ang dahilan kung bakit naghiwalay na ang baguhang aktor at girlfriend niyang aktres din na hindi masyadong aktibo ngayon.

Ayon sa tsika sa amin ay naging malapit sa isa’t isa ang baguhang aktor at kasamahang aktres sa serye dahil sa locked-in tapings na aminado naman ang lahat na nakakaburyong dahil hindi mo nakikita ang mga mahal mo sa buhay, lalo na kung pamilyadong tao ka.

Si baguhang aktor at ang girlfriend niyang aktres ay laging nagkakaroon ng pagtatalo dahil kapag tapos na ang tapings ay mas gusto pa ng una na makipagkuwentuhan sa kasamahang aktres gayung tawag nang tawag ang kasintahan nito.

Laging sinasabi ng baguhang aktor ay hindi pa sila tapos at kung anu-anong dahilan nito. At kapag nagkausap naman daw sila ng girlfriend niya ay parang laging nagmamadali na hindi naman ganu'n dati, ayon sa taong malapit sa aktres.

Nabanggit na may duda na noon pa ang girlfriend ng baguhang aktor, pero dinededma niya hanggang sa napatunayan niya, na hindi naman binanggit ng taong kausap namin kung paano.

Anyway, kung tama ang bilang namin ay halos 2 years din ang relasyon ng baguhang aktor sa kasintahan niyang aktres.