SIKAT NA AKTOR, PROBLEMADO SA MGA KAPAMILYANG DAHIL DAMAY KAPAG NATALO

ni Erlinda Rapadas - @Teka Nga! | November 20, 2021

Blind item:

Tahimik na dapat ngayon ang buhay ng isang sikat na aktor. Kahit nag-pandemic ay hindi naman gaanong naapektuhan ang kanyang kabuhayan dahil nakapag-ipon siya at may naipundar para sa kanyang pamilya.

Hindi naman sila nagigipit nang husto kahit lie-low ang mga raket sa showbiz dahil sa COVID pandemic. Masaya rin ang love life ng sikat na aktor dahil matatag ang relasyon nila ng nobyang aktres.

Ang tanging malaking pasanin lang ngayon sa balikat ng aktor ay ang pagpasok sa pulitika ng ilan sa kanyang mga kamag-anak. Malaking challenge para sa aktor kung ano ang kanyang gagawin upang maipanalo ang mga kamag-anak na tatakbo sa 2022 elections.

Ang laki-laki ng expectation sa kanya ng lahat dahil sikat nga siyang artista. Dapat daw ay mailusot niya ang kanyang mga kamag-anak kaya dapat ay tumulong siya sa pangangampanya.

Pero, sey ng mga netizens, hindi garantiya na kapag in-endorse ng sikat na artista ay sure win na ang isang kandidato. Papaano na kung hindi palarin na manalo ang mga kamag-anak niyang kandidato? Tiyak na ibabagsak ang sisi sa sikat na aktor. Baka pagtawanan pa siya at lait-laitin.

Hindi naman kasi niya maawat at hindi mapigilan ang mga kamag-anak na nagnanais sumabak sa pulitika, kaya ngayon ay problemado ang sikat na aktor. Pero, may choice ba siya?

PABIDANG HOST NAKAAWAY ANG PALABANG JOURNALIST, 'DI KINAMPIHAN NG MGA BOSS, NAG-RESIGN

ni Erlinda Rapadas - @Teka Nga! | November 6, 2021

Blind item:

Labis kaming nanghihinayang sa isang female personality na smart at multi-talented.

Dati siyang singer-actress-host at isa ring broadcast journalist. Ilang taon siyang naka-tandem sa radio program ng sikat na male broadcaster.

Palibhasa'y matalino at maboka, hindi siya basta nagpapatalo sa kanyang mga kasamahan sa radio. Lagi siyang bida-bida kahit saan siya pumunta.

Pero, nakatagpo siya ng katapat. May female newscaster na malakas din ang personalidad na kanyang nakabangga. At ang masakit, hindi siya ang kinampihan ng big boss ng radio station.

Dahil mataas ang pride ng female personality, nag-resign na lang siya sa radio program kung saan kasama siya. Hindi inakala ng mga dati niyang kasamahan sa radyo na may makakatapat din ang matalinong singer-actress-host na sobrang bilib sa sarili.

Sinayang niya ang mga taon na ginugol niya sa radio station. Hindi kasi siya umubra sa nakatapat niyang broadcast journalist.

AKTRES, TODO-DENY NA HIWALAY NA SA MISTER, LAGI NAMANG OUT SA BONDING NG PAMILYA NG AKTOR

ni Erlinda Rapadas - @Teka Nga! | November 3, 2021

Blind item:

Marami sa kanyang mga nakasabayang artista ang labis na naiinggit ngayon sa magandang kapalaran ng isang aktres na kahit hindi gaanong kagandahan ay nakabingwit ng mayamang papa at pinakasalan pa siya.

Bukod dito ay binigyan pa siya ng sarili niyang negosyo at ipinagpatayo ng sariling bahay.

Tunay na napakahusay dumiskarte ng actress dahil sobrang in love sa kanya ang napangasawang rich businessman.

Maging sa mga una niyang nakarelasyon ay laging panalo ang aktres. Nakakabiyahe siya abroad na kasama ang kanyang pamilya, na ang sponsor ay ang kanyang nobyo.

Nakaipon din siya ng mga branded bags and shoes na regalo ng kanyang mga naging BF.

Mahusay magpaikot ang aktres dahil bentang-benta sa kanyang mga naging karelasyon ang mga drama niya sa buhay. Mistulang may taglay siyang gayuma na hindi matanggihan.

Ngayon ay natupad na rin ang kanyang dream wedding na milyones ang ginastos ng kanyang rich papa. Tuluy-tuloy pa rin ang kanyang showbiz career dahil pinayagan pa rin siyang mag-artista ng kanyang mister kahit sila ay kasal na.

Pansin nga ng mga netizens, mukhang hindi naman true love ng actress ang rich businessman na pinakasalan dahil mas gusto nitong magteyping at malayo sa mister. Ganoon ka-spoiled sa kanyang mister ang actress, nasusunod lahat ng gusto niya.