ni Ambet Nabus @Let's See | May 10, 2023
Blind item:
Tila nauuso yata sa mga Kapamilya shows na kung sitahin o pagsabihan ang kanilang mga staff o production people ay parang wala nang bukas.
Kamakailan lang sa programang It's Showtime, wagas na wagas daw ang ginawang pagsita sa ilang staff ng show dahil sa pagkakabuking na umuulit ang ilang contestants sa segment nila na Isip Bata at nanalo pa ang mga ito ng big cash prize.
Pero, itong recent na pangyayari sa isa pang noontime musical show ay involved naman ang isang iconic female diva na may mga observers na nag-complain sa tila sinasadya umanong 'camera shots' na ipinapakita ang mga marka sa noo niya pati sa leeg, lalo na kapag siya ay bumibirit.
Sa isang prod number daw kasi ay talagang na-highlight ng ilaw at camera works ang hindi na maitatagong marks of aging ng nasabing diva singer.
At dahil isa na nga siyang icon singer at isa pa sa mga big leads ng show, super concern daw ang mga observers na ito sa ganu'ng aspeto.
Ang ending nga, ipinatawag at nag-meeting ang mga prod peeps na involved para pagsabihan na sundin ang mine-maintain na look at aura ni singing diva-host.
Ay, bakit sila lang ang ipinatawag para pagalitan? 'Di ba dapat, kasama rin ang direktor, pati na rin ang mga kasamahan nito sa director's booth, dahil kung tutuusin ay galing naman sa kanila ang directions for cameras and lighting.
Oh, baka naman kasi tama rin ang suggestion ng marami na kailangan na uli ni diva singer na magpa-botox para mawala na ang mga 'signs of aging' sa face niya?!
Ganern na nga!