AzVer nagpaubaya na… BRENT AT MIKA, BIG WINNER NG PBBCCE

ni Ambet Nabus @Let's See | July 7, 2025

Photo: PBB Collab Big Winner - BreKa

Kumalat nga ang balitang hindi na nag-exert ng sobrang effort ang mga families nina River Joseph at AZ Martinez ng AzVer sa katatapos na Pinoy Big Brother (PBB) Celebrity Collab Edition.

Talaga raw na ang makapasok lang sa ‘Big 4’ ang ambisyon ng mga pamilya nila dahil dito na nga raw sa outside world, kasama ang mga bago nilang mga supporters at fans, gagawa ng way na ma-sustain ang kasikatan nila.

“Kering-keri nilang makipagsabayan sa paggastos pero mas pinili nilang mag-lay low dahil may mga collab projects sila para sa dalawa,” sey ng mga AzVer fans.

Tinanghal ngang big winner ang BreKa nina Brent Manalo at Mika Salamanca na nakakagulat din ang dami ng mga supporters. Kahit ang duo ay gulat na gulat din sa naging resulta gaya ng RaWi nina Ralph de Leon at Will Ashley nang ang duos na lang nila ang naiwan.

Third big placer naman ang CharEs nina Charlie Fleming at Esnyr, na kinagiliwan ang pagiging proud Bisaya.

Congratulations and good luck dahil ‘ika nga, nandito naman talaga sa labas ang totoong laban.

---

MARAMI naman ang nagsasabi na tila may pagka-overprotective umano si Vincent Co kay Bea Alonzo.

Dahil napapadalas nga ang sighting sa dalawa sa mga public events, hindi maitatanggi na ang lahat ay nagpapalagay na more than friends na nga sila.

“Holding hands, akbay, pag-alalay, mga pagbulong at ilang touchy scenes with sweet smiles, kung ‘yun ang ating gagawing basehan to conclude na sila na, then ‘yun na nga,” komento ng mga observers.

‘Yun nga lang daw, kapag tila sobra nang nakukuyog o dumarami na ang gustong maki-Marites, may extra effort at kilos nang ginagawa si Vincent gaya ng pagbibigay ng mas mahigpit na hatak at tapik kay Bea at pag-alalay sa aktres na mararamdaman mo ‘yung konting pressure.

Gusto nating ipagpalagay at isipin na proteksiyon nga ‘yun para kay Bea dahil sino ba naman ang magnanais na masaktan o lapirutin na lang ang magandang si Bea ng mga Marites at mga uzi?

For us, Vincent is simply doing his job as a caring and loving boyfriend, ‘noh!

Huwag nang lagyan ng kulay at nega na malisya.

---

NGAYONG Lunes magkakaroon ng inauguration address bilang nagbabalik governor sa Batangas ang mahal nating si Gov. Vilma Santos-Recto.

Inaasahan siyempre na marinig ng mga Batangueño ang mga programa at adbokasiya na kanyang ginawa noon at muling ipagpapatuloy with newer and better plans.

At kahit nakabalik na nga ang anak na si Luis Manzano sa kanyang TV show, may inilaang mga araw ang aktor para maging assistant ng ina sa ilang mga gawain sa Kapitolyo.

Talaga raw personal na nagprisinta si Luis na tumulong sa kanyang ina lalo’t magka-align naman ang mga programa nila na inilatag during the campaign.

Hindi man pinalad na maging vice-gov. ang aktor-host, magsisilbi pa rin siya sa lalawigan sa mga kaparaanang naaayon sa batas at nakalinya sa mga programang may Talino at Puso.

Pamumunuan pa rin ni Luis ang mga programa sa edukasyon, kalusugan at kabataan na under ng HEARTS program ni Gov. Vi.

“At wala s’yang suweldo, ha? Talagang volunteer lalo’t may mga cause-oriented groups na voluntarily ay sasamahan s’ya,” kuwento ni Gov. Vi.

Samantala, matagumpay ngang nakabalik ang Rainbow Rumble (RR) sa TV ni Luis at sa unang mga episodes nito ay mabilis itong nag-viral sa socmed (social media) at nagtala ng bonggang rating.

Among the shows nga na ini-offer kay Luis Manzano, pinili niya ang RR.

Huli sa camera… MAINE, OBYUS NA NAGMAMALDITA HABANG NAGSU-SUGOD BAHAY SINA MILES, JOSE AT WALLY

ni Ambet Nabus @Let's See | July 6, 2025

Photo: Maine Mendoza - TVJ Official IG

Uy, marami naman ang nakapansin last Saturday sa Eat…Bulaga! (EB!) na dedma lang at halos hindi nagsasalita si Maine Mendoza sa portion ng Sugod Bahay kung saan naman nandu’n si Miles Ocampo.

“Sana, hindi na lang siya (Maine) nagpakita sa segment o sumama kina Bossing Vic, Allan K, Paolo at Tito Sen. Babad na babad kasi ang split shots sa TV screen between the studio group at ‘yung nasa Sugod Bahay. 

“‘Pag kasi nakukuhanan ng kamera ang mga expression ni Maine, halata mong parang nagmamaldita habang nag-e-enjoy makipagkulitan sina Wally, Jose at Miles sa mga tao sa kabilang side ng TV screen,” komento ng mga nakapanood.

May hirit pa silang ang daldal-daldal daw at wala lang kay Miles ang mga ganap at eksena sa remote telecast, kumpara raw sa parang tuod at nakatayo lang na si Maine sa studio.

Mukha naman daw ‘taped’ ang naturang Sugod Bahay segment last Saturday dahil ang bilis-bilis daw nakabalik sa studio ng tropa nina Jose at Miles gayung sa Rodriguez, Rizal daw ito ginawa.

“Sa portion kasi ng Pinoy Henyo ay biglang umapir sina Miles at Jose,” sey ng netizen.

“Nasa same portion din sina Maine at Paolo, pero halatang may distansiya at no communication/reaction sina Maine at Miles, FYI (for your info) lang,” hirit pa ng netizen.

‘Yun na!

---

Ayon sa abogado ni Gretchen Barretto, wala pa raw sa plano ng kampo nila ang magsampa ng kaso laban sa whistleblower na si alias Totoy.

Sinabi ni Atty. Alma Mallonga na mas magpopokus sila sa pakikipag-coordinate at cooperate sa Department of Justice (DOJ) sa mga ginagawa nitong imbestigasyon sa kaso nga ng mga ‘lost sabungeros’.

Batay pa sa official statement na inilabas ni Atty. Mallonga, simpleng investor lang si Gretchen sa negosyo na kasama si Atong Ang, isa na rito ang e-sabong (online cockfight). Wala raw itong partisipasyon sa operation ng e-sabong at hindi kailanman nag-operate ng anumang sabungan, hence wala itong knowledge sa isyu ng mga nawawalang sabungeros.

Ang pagbanggit ni alias Totoy na member umano ang aktres ng tinatawag na “Alpha” group ng Pitmaster at isa sa mga mastermind ng mga ‘lost sabungeros’ ay isa umanong suspicion at bahagi ng illogical reasoning.

Sa ngayon nga ay ‘yun ang masasabing ‘panig at sagot’ ni Gretchen sa isyu lalo’t itinuturing na nga sila ni Papa Atong na mga suspect sa kaso.

---

GAIN nga rin daw ni Julia Barretto ang isyu ngayon between Miles at Maine.

Mas dumadami at lumalaki nga raw ang exposure nito sa Eat… Bulaga! (EB!) at halatang binibigyan ito ng magagandang moments.

“Halos sa maraming segment, nandu’n s’ya (Julia),” obserba pa ng mga nanonood.

Anyway, mukha naman talagang nag-e-enjoy si Julia at na-rediscover nito ang passion sa hosting.

Pero nakaka-excite rin ang mga balitang natuloy na rin pala ang meeting ni Julia with Enrique Gil, ang masasabi nating original leading man niya sa TV series.

Mayroon daw niluluto na proyekto para sa dalawa.

---

Tom, knows mo ‘yun? SIGAW NI CARLA: EX KO NG 7 YRS., NARCISSISTIC AT INABUSO ANG ASO KO!

MULI na namang pinag-uusapan si Carla Abellana dahil sa bagong post nito.

Paano kasi, malinaw ang pagbulgar nito sa kanyang “ex” na umano’y narcissistic at nang-abuso raw sa kanyang alagang aso.

“I had 3 dogs back then (now I have 6), one of which was the most abused by my narcissistic ex. It took 7 years and half for me to wake up and I still regret not getting out earlier,” bahagi pa ng post ni Carla.

Sari-sari uli ang komento at hati ang reaksiyon ng mga netizens. May mga nagsasabing mukhang may ‘kakaiba’ raw sa mental health ng aktres dahil sobrang tagal umano ang 7 years para i-tolerate ang sinasabi niyang ‘pang-aabuso’ sa pet niya ng kanyang ‘ex’.

Para naman sa mga pet lovers, sobra nilang na-admire ang pagmamahal ni Carla sa mga alaga dahil ginawa pa niyang 6 ang dati’y 3 lang na dogs niya.

Pero nagkakaisa ang lahat sa pagkomento na tila sobra nga raw nagmahal ang aktres sa kanyang “ex” para paabutin pa ng 7 years ang relasyon gayung ‘narcissistic’ pala ito at hanggang ngayon ay iniisip pa niya ang mga pangit nitong nagawa.

‘Kaloka lang!

Sa MFF noon, sa lost sabungeros ngayon… GRETCHEN, NOT ONCE BUT TWICE NANG SANGKOT SA ISKANDALO

ni Ambet Nabus @Let's See | July 5, 2025

Photo: Gretchen Barretto - IG

Ayon nga kay DOJ Secretary Boying Remulla, considered ‘suspects’ na sina Gretchen Barretto at Papa Atong Ang sa naging rebelasyon ni alyas Totoy o Dondon sa isyu ng mga ‘lost sabungeros’.

Sa recent update matapos na marinig naman ang side ng high-profile na negosyante at madalas ding laman ng showbiz news dahil sa mga kaibigan nito rito, rumesbak ito ng mga sari-saring kaso laban sa nagpiprisintang state witness.

Sa naturang presscon last July 3, sinagot ni Ang ang mga usapin habang nagprisinta naman ng mga kontra isyu kay alyas Totoy ang magaling at palaban ding abogado na si Atty. Lorna Kapunan. 

Ilan na nga rito ang mga kaso ni alyas Totoy na alleged rape, pagpatay, pagnanakaw and so on na kahit sa kilalang bangko na Metrobank ay may kinakaharap pala itong kaso, making him, according to Atty. Kapunan, ‘the most guilty’ sa standard and under the rule ng pagiging isang state witness.

Hindi rin nakalusot ang GMA-7 sa naging komento ni Papa Atong na ginawa nga siyang kontrabida without even reaching out to him sa kontrobersiyal ding Lost Sabungeros documentary film na kanilang ginawa.

Sari-sari siyempre ang reaksiyon at pulso ng publiko sa napakakontrobersiyal na usapin lalo’t umaabot nga raw sa mahigit 100 katao ang naging biktima rito.

“Sana nga, at the end of the day, ‘yung totoong hustisya at katotohanan ang manaig at maparusahan ang mga tunay na salarin,” ang nagkakaisang buhos ng emosyon ng lahat.

---

Speaking of Gretchen, wala pa nga rin itong anumang pahayag na inilalabas o sinasabi pero ayon sa ilang common friends na aming napagtanungan, may mga kaso ring ihahain ang aktres laban kay alyas Totoy.

“Very damaging. Gretchen has to respond using the proper venue,” sagot ng aming kausap na nag-confirm din na nangangamba rin si Gretchen sa kanyang buhay.

Hirit naman ng ilang may galit sa aktres, “She seems to enjoy that kind of life. ‘Yung laging hinahabol ng iskandalo. The fact na nakikipagnegosyo siya sa mga maituturing na ‘underworld characters’ should make her liable sa mga gayang iskandalo.”

Kaugnay nito ang muling pagbuhay sa naging papel niya noon sa 1994 Manila Film Festival (MFF) fiasco.

Dahil nagluluksa nga rin ang industriya sa pagyao ni Manay Lolit Solis last July 3, kasabay ng naturang presscon ni Papa Atong Ang, muling lumutang sa socmed (social media) at mga group chats ang minsa’y naging iskandalo nila noon.

Iniuugnay kasi sa pagkakasangkot ngayon ni Greta sa lost sabungeros ang minsa’y pagiging ‘whistle blower’ ng aktres para lumabas ang katotohanan sa naturang fiasco.

Nagpapasintabi po kami sa pagbanggit kay Manay Lolit na very dear din sa amin at ninang din ng aming anak, pero sa nangyayari ngayon kay Greta, talagang may lalabas at lalabas na kagayang isyu, to prove or disprove her innocence or her real or actual participation sa recent and damaging ‘ika nga na scandal na ito.

---

AND yes, speaking of Manay Lolit, isa nga rin ito sa mga earliest ‘nanay-nanayan’ namin sa industry since our start in the biz in 1986, with then our original mentor-friend Ate Luds or Inday Badiday.

Si Ate Luds nga ang nag-introduce sa amin kay Manay Lolit na proud adviser namin noon habang nag-aaral pa kami sa UP Diliman. 

Being a UP Diliman student herself na nag-LOA (leave of absence at hindi na bumalik in the late ‘70s), lagi siyang mabait sa amin at supportive sa mga showbiz engagements namin. Lagi rin niya kaming pinapayuhang magtapos ng pag-aaral at gawin lang ‘hobby’ ang showbiz raket, etc..

Never naming nakatampuhan ‘yan kahit pa noong kasagsagan ng mga bouncing checks legal cases namin (tumayo lang po akong witness para sa ilang famous celebrities na nagkaso) at siya ang rason kung bakit naging paborito ako ng yumao na ring si Tito Alfie Lorenzo (ang pinakabardagul sa akin in the 

‘90s).

We continue to be Manay Lolit’s dear friend at ginawa ko pa nga siyang ninang ng anak ko dahil malaki rin ang naging papel niya sa pagkakaroon ko ng anak. At kahit hindi ako dumidikit sa mga usaping pralala or anumang PR showbiz-related events na involved siya, lagi siyang may oras para sumagot sa aming mga inquiries lalo na sa mga personal na isyu.

Ako rin ang nagdala sa kanya sa Albay, Bicol kasama noon sina Pareng Ricky Lo, Manay Ethel Ramos at Isah Red para sa isang bonggang event na sobra niyang na-appreciate. Ngayon, magkakasama na sila sa heaven.

At nitong mga nakaraang taon na nagda-dialysis na siya, madalas na sa phone lang kami nagkakausap at nagpaplano kasama na nga dapat ang ‘meeting with the current First Lady Lisa Marcos’ sa tulong ng ilang common friends sa Malacañang.

O, hayan, baka naman may mang-intriga pa, ha? 

Taos-puso ang aming pagdarasal, pakikiramay at pagbibigay ng aming huling respeto sa isang tunay na palaban na nanay sa showbiz, isang tunay na tao na behind her malulutong na tsismis at halakhak ay mapagkakatiwalaan sa mga personal na laban and yes, alam ang ibig sabihin ng ‘in and out of showbiz’.

Bon voyage, Manay Lolit. Thank you for the great friendship, the respect and love. Baunin mo po ang masasaya nating samahan.

Hindi ka namin makakalimutan! Rest in Peace po.

---

MARAMI rin ang nagulat sa tila pagiging ‘patola’ na rin daw ni Anne Curtis sa mga bashers.

Although never nating nakilala si Anne na mahilig pumatol sa mga nega items, this time around ay tila nagpasampol na rin ito.

Nang may nang-bash kasi kay Anne hinggil sa panalo nito sa isang award-giving body bilang Best Female TV Host of the Year, tinaasan ito ng kilay ng marami dahil suwerte na nga raw na mapanood si Anne bilang female host sa It’s Showtime (IS) ng once a month.

“Naku, absentee host ‘yan, paanong nanalo ‘yan ng award?” komento ng mga bashers.

“It’s about quality over quantity,” simpleng tugon naman ni Anne sabay imbitang muli siyang mapapanood sa IS kinabukasan. Hahaha!

Sa amin, simple lang ang sagot. Dahil nga sa may ipino-promote na bagong pinagbibidahan na drama series si Anne, mas need niyang pag-usapan sa ngayon.

Talking about the 2020 Korean series na It’s Okay Not To Be Okay (IONTBO), pressured siyempre si Anne dahil siya ang bida rito kasama sina Joshua Garcia at Carlo Aquino at sina Rio Locsin, Agot Isidro, Enchong Dee at Xyriel Manabat among others.