Mabubuting tao lang daw ang gustong kasama ng anak, Elmo… Markus, binalaan ng padir ni Janella

Ador Saluta / Adore Me!

Nitong nakaraang Miyerkules (Oct. 9), sa guesting ni Markus Paterson sa Tonight with Boy Abunda, napag-usapan ang tungkol sa umano’y relasyon nila ng Kapamilya actress na si Janella Salvador, isa sa mga bida ng seryeng The Killer Bride.

Bagama’t wala pang pag-amin o kumpirmasyon mula kina Markus at Janella na sila’y mag-on na, inaamin ng Fil-British actor na nakakaramdam siya ng pagseselos sa tuwing napapanood niyang magkaek­sena sa The Killer Bride sina Janella at Joshua Garcia.

Katwiran ni Markus, natural lang na maka­ram­dam siya ng pagseselos kay Joshua dahil espesyal sa kanya si Janella.

“Nu’ng una, yes, of course, that’s a natural thing (na makaramdam ng pagseselos),” sabi niya kay Tito Boy.

Inamin din ni Markus na alam daw ni Janella na pinagselosan niya si Joshua.

“She knows, like, when I saw [the scene], alam mo ‘yung unang feeling na konting selos na butterflies, na parang…

“But when you think about it, when I thought about it, it’s work.

“And they’re really good at what they do, and they can create a chemistry just like that, ‘coz they’re friends already. And Josh is a great guy!”

Aminado rin si Markus na… “Sobra silang da­­lawa, mahusay na artista. The chemistry is great.”

Biniro pa siya ng TV host na si Boy Abunda na nakaramdam ng kilig sa tambalan nina Joshua at Janella sa teleserye.

Natatawang buwelta ni Markus , “Kahit ako, now, but not before,” dahil nagselos nga raw siya.

Nagkuwento rin si Markus tungkol sa pagdalo niya sa birthday party ng ama ni Ja­nella, ang singer na si Juan Mi­guel Salvador, noong September 29, 2019.

Sabi ng binata, hindi ‘yun ang unang pagkikita nila ng ama ni Janella. Okay daw ang relasyon niya sa ama nito.

“Good. We get along because of music, and he’s so kind,” sagot ni Markus na su­mali dati sa Boyband Ph.

Inusisa rin si Markus kung may ibinilin ba sa kanya si Juan Miguel pagdating sa anak nito.

“Well, he only ever talked to me about Janella once. The only time he talked to me about Ja­nella was, he said, ‘Janella needs good people in her life right now, I hope you know that.’

“I said, ‘Of course, I’ll do my best.’”

Ang ipinangako raw ni Markus ay “To make sure the people around her are good.”

Kahit may indikasyong taos-puso ang panliligaw nito kay Janella at sa pamilya ng aktres, umiiwas naman ang binata na ibunyag ang totoong estado ng relasyon nila ni Janella.

“What we have is between us and we wanna keep it that way, obviously, because she said she didn’t want to have a relationship with the rest of the world and she experienced that.

“I wanna respect her for what she wishes to, so I’m not gonna say anything or to confirm or deny it,” saad ng binata.

Binanggit naman ni Tito Boy na bilang public figure, sa ayaw at sa gusto ng mga artista ay may­roon silang “relationship with the world.”

Sagot ni Markus, “We’re not hiding, we don’t hide from anyone. Right now, it’s just not the right time for anything.

“She’s very successful with the show and that should keep going.”

Sabi pa ng binata, “There’s always a right time for everything and I’m a strong believer of that.”

Nang tanungin naman ni Tito Boy kung anong pangalan ng babaeng nakasulat sa kanyang puso, sagot ni Markus: “Janella.”

So, ‘yun na!