7 bansa, kampi sa 'Pinas vs China

ni Angela Fernando - Trainee @News | April 22, 2024

Tinanggap ng 'Pinas ang suporta ng mga kalihim ng mga dayuhang bansa ng Group of Seven (G7) laban sa agresyon ng China sa West Philippine Sea (WPS).

Sa isang pahayag, pinasalamatan ng Department of Foreign Affairs (DFA) ang G7 para sa kanilang pagtitiwala sa 1982 United Nations Convention on the Law of the Sea (UNCLOS) at sa 2016 Arbitral Award.

“We appreciate the G7’s support in rejecting China's baseless and expansive claims, and their call for China to cease its illegal activities, particularly its use of coast guard and maritime militia in the SCS that engage in dangerous maneuvers and the use of water cannons against Philippine vessels,” saad ng DFA.

“We duly note and appreciate the G7's reaffirmation that the 2016 Arbitral Award is a significant milestone and a useful basis for the peaceful management and resolution of differences at sea,” dagdag nito.

Samantala, ipinahayag ng G7 ang kanilang pagtutol sa mapanganib na pagkilos ng China sa WPS at binanggit na walang legal na batayan ang bansa upang angkinin ang lugar.

Kasunduan sa WPS, inabandona ng administrasyong Marcos — China

ni Angela Fernando - Trainee @News | April 19, 20244

Binigyang-diin ng China sa isang pahayag na merong “internal understanding” at bagong modelo ang kanilang bansa kasama ang 'Pinas upang mabawasan ang tensyon sa Ayungin Shoal sa West Philippine Sea (WPS), ngunit inabandona ito ng administrasyon ng Presidente Ferdinand "Bongbong" Marcos Jr. pitong buwan matapos ang nasabing kasunduan.

Ang pahayag na ito, ay inilabas ng Chinese Embassy sa Maynila nu'ng Huwebes, isang linggo matapos na kinumpirma ng Beijing at dating Pangulong Rodrigo Duterte na mayroon silang "gentleman's agreement" upang panatilihin ang "status quo" sa WPS, na ang kanyang pamahalaan ay pumayag sa mga hirit ng China na hindi kumpunihin o palakasin ang outpost ng militar sa Ayungin - ang sira-sirang barko ng Ikalawang Digmaang Pandaigdig na BRP Sierra Madre.

Ayon sa pahayag, hindi naging lihim ang nasabing kasunduan dahil kinikilala ito ng mga kaukulang ahensya ng parehong panig upang mapanatili ang kapayapaan sa nasabing lugar.

Patakaran ng 'Pinas sa WPS, dapat suriin

ni Angela Fernando - Trainee @News | March 24, 2024

Nagpahayag si Dr. Renato de Castro, security analyst at propesor sa Department of International Studies of De La Salle University, na posibleng tamang panahon na para suriin ang kasalukuyang patakaran ng bansa, lalo pa't nanggigipit muli ang mga Chinese Coast Guards (CCG) at maritime militia sa West Philippine Sea.

Saad ni De Castro, "Pinakikita natin sa mundo at sa ating mga alyado na we are trying to moderate our behavior. Ayaw natin mag provoke pero yun nga ang implikasyon ng ating polisiya– we don’t want to further intensify the situation despite the fact na lagi tayong sinisisi ng China."

Dagdag ni De Castro, dapat maghanda ang Pilipinas para sa mga plano ng pagpapalawak ng teritoryo ng China.

Hindi binabalewala ng security analyst ang pagsasakatuparan ng kalabang bansa sa kanilang mga plano.

Ayon sa kanya, hindi dapag magpakakampante ang 'Pinas.

Samantala, ipinaalam din niya sa kanyang mensahe na magkakaroon ng pagpupulong sa Lunes kasama si National Security Adviser Eduardo Ano at ang Cluster E upang talakayin kung dapat bang baguhin ng bansa ang kanilang taktika o itutuloy ang dating procedure.