Ukraine, nagpasabog ng US ATACMS missiles sa Russia

ni Eli San Miguel @World News | Nov. 20, 2024

Image File: Live fire tests ng Army Tactical Missile System (ATACMS) - John Hamilton / DoD / AFP

Ginamit ng Ukraine ang mga U.S. ATACMS missiles upang atakihin ang teritoryo ng Russia nitong Martes, matapos makuha ang pag-apruba mula sa pinal na administrasyon ni U.S. President Joe Biden sa ika-1,000 araw ng digmaan.

Ipinahayag ng Russia na nadepensahan ng kanilang mga pwersa ang lima sa anim na missile na tinarget ang isang pasilidad militar sa rehiyon ng Bryansk. Inanunsiyo ng Ukraine na tinamaan nito ang isang Russian arms depot na mga 110 km (70 milya) sa loob ng Russia, na nagdulot ng pangalawang pagsabog.

Hindi tinukoy ng militar ng Ukraine ang mga armas na ginamit, ngunit parehong kinumpirma ng isang source mula sa gobyerno ng Ukraine at isang opisyal ng U.S. na ginamit ang ATACMS missiles.

Isang opisyal mula sa U.S. ang nagsabi rin na nag-intercept ang Russia ng dalawa sa walong missiles, at tumarget ang atake sa isang ammunition supply point.

10 nasawi sa pag-atake ng Russia sa Sumy

ni Eli San Miguel @World News | Nov. 18, 2024

Image: Press service of the State Emergency Service of Ukraine / Sumy region / Reuters

Isang missile mula sa Russia ang tumama sa isang residential building sa Sumy, Ukraine, na ikinasawi ng 10 tao, kabilang ang dalawang bata, at ikinasugat ng 55 iba pa.

Tumama ang missile sa siyam na palapag na gusali noong Linggo ng gabi.

Isang panibagong missile strike din ang nagdulot ng pagkawala ng kuryente sa administratibong sentro ng rehiyon, ayon sa mga opisyal ng Ukraine.

"Sunday evening for the city of Sumy became hell, a tragedy that Russia brought to our land," ayon kay Volodymyr Artyukh, ang pinuno ng Sumy military administration.

Ayon sa military administration, isang panibagong missile ang tumama sa mga kritikal na imprastruktura, na nagdulot ng pagkawala ng kuryente sa siyudad.

Wala pang agarang pahayag mula sa Moscow.

Mga demokratikong senador, inihirit ang pag-iimbestiga sa tawag nina Musk at Putin

ni Angela Fernando @World News | Nov. 16, 2024

Image: Circulated-Mikhail Tereshchenko-Sputnik-Reuters

Nanawagan ang mga democratics na sina Sen. Jeanne Shaheen, miyembro ng Foreign Relations Committee, at Sen. Jack Reed, pinuno ng Senate Armed Services Committee, kay U.S. Attorney General Merrick Garland at sa inspector general ng Pentagon na imbestigahan ang ulat ng pakikipag-usap ni Elon Musk sa mga opisyal ng Russia, pati na rin kay Pangulong Vladimir Putin.

Ang imbestigasyon ay inihihirit dahil sa mga potensyal na banta sa pambansang seguridad na dulot ng mga nasabing pakikipag-usap.

Dahil sa ulat, lumobo ang mga pangamba, lalo na’t malaki ang papel ni Musk sa mga proyektong may kaugnayan sa seguridad ng United States (US) sa pamamagitan ng kanyang kumpanya na SpaceX.

Binigyang-diin ng mga senador na dapat suriin ang papel ni Musk sa mga programang SpaceX na may kaugnayan sa kaligtasan ng bansa para sa posibleng debarment o pag-aalis ng karapatan sa mga kontrata at pribilehiyo ng gobyerno.

Magugunitang umugong ang isyu sa US nu'ng Oktubre kung saan nagkaroon ng sinasabing ugnayan at tawag si Musk sa mga opisyal ng Russia.