3 Palestinian na lider, napatay ng Israel

ni Eli San Miguel @World News | Sep. 30, 2024

Inihayag ng Popular Front for the Liberation of Palestine (PFLP) nitong Lunes na tatlo sa kanilang mga lider ang napatay sa isang pag-atake ng Israel sa Beirut. Iniulat ng mga saksi mula sa Reuters na tumama ang pag-atake sa itaas na palapag ng isang apartment building sa Kola district ng kabisera ng Lebanon.

Walang agarang komento mula sa militar ng Israel. Patuloy na nagdudulot ng takot ang pagtaas ng mga pag-atake ng Israel laban sa Hezbollah sa Lebanon at sa Houthi militia sa Yemen, na nagbibigay rin ng posibilidad na maisangkot ang Iran at ang United States.

Itinutulak naman ng United States ang isang diplomatikong resolusyon sa Lebanon habang pinahintulutan ang mga military reinforcement sa rehiyon.

“It has to be,” ani US President Joe Biden, nang tanungin tungkol sa pagpigil at pag-iwas sa buong pwersang digmaan sa Middle East. Binanggit niya rin ang mga plano na makipag-usap kay Israeli Prime Minister Benjamin Netanyahu.

Warplanes ng China sa Taiwan, mas dumami

ni Eli San Miguel @World News | Sep. 26, 2024

Iniulat ng defense ministry ng Taiwan, ang pagdami ng mga warplanes ng China sa kanilang silangan, kanluran, at timog na baybayin. Nagpapahiwatig umano ito ng pagsisimula ng pag-atake ng China upang hadlangan ang tulong mula sa mga banyagang puwersa sa panahon ng posibleng digmaan.

Mula sa nakaraang limang taon, itinuturing ng Beijing ang Taiwan bilang bahagi ng kanilang teritoryo at nakaranas ito ng pagtaas ng military activity ng China.

Sa nakalipas na 24 na oras, 43 warplanes ng China ang na-detect, kung saan 11 ang tumawid sa median line ng Taiwan Strait.

Sa mga ito, 23 ang lumipad pa-timog sa pamamagitan ng Bashi Channel at kasama ang silangang baybayin ng Taiwan nang hindi pumapasok sa territorial airspace. Hindi naman agad nagbigay ng komento ang defense ministry ng China.

Mga kabataan, nagprotesta para aksyunan ang climate change

ni Eli San Miguel @Overseas News | Sep. 21, 2024

Naghanda ang mga aktibista para sa mga pandaigdigang protesta nitong Biyernes na humihiling ng aksyon sa climate change habang nagsisimula ang mga major events sa New York City.

Inorgisa ng youth-lead group na Fridays for Future, ang mga protesta sa mga lungsod tulad ng Berlin, Brussels, Rio de Janeiro, at New Delhi, kabilang ang isang martsa sa Brooklyn Bridge ng New York chapter, na naglalayong makakuha ng hindi bababa sa 1,000 tao.

Mayroon pang mga nakatakdang protesta ngayong Sabado at sa darating na Linggo. Nagho-host ang New York ng Climate Week NYC, kasabay ng talakayan ng U.N. General Assembly tungkol sa climate action at pondo para sa mga mas mahihirap na bansa na naapektuhan ng climate change.

Nagsimula ang mga climate protests ng kabataan noong Agosto 2018 nang si Greta Thunberg, na noo'y 15 taong gulang, ay nagdaos ng sit-in sa labas ng parlyamento ng Sweden upang humiling ng climate action at pagwawakas sa paggamit ng fossil fuel.