ni Mabel Vieron | May 30, 2023
Tinatayang aabot sa 40 Russian drones ang napabagsak matapos ang kaliwa’t kanang pag-atake sa Ukraine.
Matapos na lumusob ang Russian gamit ang kanilang mga drones ay nag-iwan ito ng isang patay.
Umabot sa 20 unmanned aerial vehicle ang unang napabagsak ng Ukrainian air defense forces.
ni Mabel Vieron | May 30, 2023
Nagsanib-puwersa ang Saudi Arabia at U.S. sa panawagan upang mapalawig ang ceasefire deal sa Sudan.
Ito ay matapos ang itinakdang isang linggong ceasefire sa pagitan ng Sudanese Army at Rapid Support Forces (RSF).
Ikinabahala ng United Nations ang patuloy na pakikipaglaban ng dalawang puwersa.
Mula nang sumiklab ang labanan noong Abril 15 ay nasa 1.3 milyong katao na ang lumikas sa kani-kanyang mga kabahayan at ilang daang katao na rin ang nasawi.
ni Jenny Albason | May 29, 2023
Inaprubahan ni U.S. President Joe Biden ang $285 milyon na pagbebenta ng National Advanced Surface-to-Air Missile System sa Ukraine.
Target umano nilang ma-deliver sa Ukraine ang missile system sa buwan ng Nobyembre.
Ipinagmalaki nito na ang nasabing missile system ay kayang humarang ng anumang Russian missiles.
