Bagyong Auring, lalakas uli, flights kanselado

ni Ronalyn Seminiano Reonico | February 20, 2021

Kanselado ang ilang flights ngayong Sabado, February 20, dahil sa masamang panahong dulot ng Tropical Storm Auring na may international name na Dujuan, ayon sa Philippine Airlines (PAL).

Ang mga sumusunod na flights ang inanunsiyong kanselado sa araw na ito:

• PR2934/PR2935: Manila- Butuan- Manila

• PR2525/PR2526: Manila- Cagayan de Oro- Manila

• PR2361/PR2362: Cebu- Butuan- Cebu

• PR2363/PR2364: Cebu- Davao- Cebu

Kanselado na rin ang mga sumusunod na flights para bukas, Linggo, February 21:

• PR2519/PR2520: Manila- Cagayan de Oro- Manila

• PR2521/PR2522: Manila- Cagayan de Oro- Manila

• PR2525/PR2526: Manila- Cagayan de Oro- Manila

• PR2773/PR2774: Manila- Tagbilaran (Panglao)- Manila

• PR2934/PR2935: Manila- Butuan- Manila

• PR2985/PR2986: Manila- Tacloban- Manila

• PR2983/PR2984: Manila- Tacloban- Manila

• PR2971/PR2972: Manila- Siargao- Manila

• PR2886/PR2887: Manila- Ozamiz- Manila

• PR2313/PR2314: Cebu- Cagayan de Oro- Cebu

• PR2374/PR2375: Cebu- Siargao- Cebu

Samantala, inabisuhan na ng National Disaster Risk Reduction and Management Council (NDRRMC) ang publiko na maghanda at mag-ingat dahil maaari umanong mas lumakas pa ang Tropical Storm Auring.

Pahayag ni NDRRMC Executive Director and Undersecretary Ricardo Jalad, "Maaaring mas malala pa... Maaaring mas malakas ang kanyang idudulot. Nakita natin 'yan sa mga bagyong nagdaan, mas malakas.”

Itinaas din ng PAGASA ang Tropical Cyclone Wind Signal Number 1 sa sumusunod na lugar:

• Northern Samar,

• Eastern Samar,

• Samar,

• Biliran,

• Leyte,

• Southern Leyte,

• Cebu,

• Negros Oriental,

• Bohol,

• Siquijor

• Dinagat Islands,

• Surigao del Norte,

• Surigao del Sur,

• Agusan del Norte,

• Agusan del Sur,

• Davao Oriental,

• Davao de Oro,

• Davao del Norte,

• Davao City,

• Camiguin,

• Misamis Oriental,

• Misamis Occidental,

• Lanao del Norte,

• Bukidnon, at

• Lanao del Sur

Kahapon ay una nang naiulat ng PAGASA na mula sa severe tropical storm ay humina ito bilang tropical storm. Ngunit babala ng naturang ahensiya, maaari itong lumakas muli sa severe tropical storm habang papalapit sa eastern coast ng Caraga Region at inaasahang magla-landfall ito sa nasabing lugar sa Linggo nang umaga o hapon.

Bagyong ‘Auring’ humina na, biyahe sa dagat delikado pa

ni Ronalyn Seminiano Reonico | February 19, 2021

Nananatiling nasa ilalim ng Tropical Cyclone Wind Signal (TCWS) No. 1 ang ilang lugar kahit humina na ang severe tropical storm na ‘Auring’ bilang tropical storm, ayon sa PAGASA ngayong Biyernes nang hapon.

Sa 5 PM weather bulletin, ayon sa PAGASA, ang mga sumusunod na lugar ay isinailalim sa TCWS No. 1:

• Southern Leyte at southeastern portion ng Eastern Samar (Guiuan kabilang ang Homonhon Island),

• Dinagat Islands,

• Surigao del Norte,

• Surigao del Sur,

• Agusan del Norte,

• Agusan del Sur,

• Davao Oriental,

• Davao de Oro,

• Davao del Norte,

• Davao City,

• Camiguin,

• Western portion ng Misamis Oriental (Balingasag, Balingoan, Binuangan, Claveria, Gingoog City, Jasaan, Kinoguitan, Lagonglong, Magsaysay, Medina, Salay, Sugbongcogon, Tagoloan, Talisayan, Villanueva), at

• Western portion ng Bukidnon (Cabanglasan, Impasug-ong, Lantapan, Malaybalay City, Malitbog, Manolo Fortich, Maramag, Quezon, San Fernando, Sumilao, Valencia City)

• Ayon sa PAGASA, marami pang lugar sa Northern Mindanao at Eastern Central Visayas ang inaasahang isasailalim sa TCWS No. 1 at possible rin umanong isailalim sa TCWS No. 2 ang Surigao del Sur at Davao Oriental sa mga susunod na oras.

Pasado alas-kuwatro nang hapon ngayong Biyernes, namataan ang sentro ni ‘Auring’ sa 405 kilometers east-southeast ng Hinatuan, Surigao del Sur at taglay ang hanging may lakas na 85 kilometers per hour.

Inaasahang magla-landfall si ‘Auring’ sa eastern coast ng Caraga Region sa Linggo nang umaga at posible umanong lumakas itong muli sa severe tropical storm bago mag-landfall.

Nagbabala rin ang PAGASA sa pagbaha, flash floods, at landslides.

Hindi rin umano ligtas ang pagbiyahe sa mga karagatan sa eastern seaboard ng Mindanao sa susunod na 24 oras ganundin sa seaboards ng Luzon, Visayas, at northern seaboard ng Mindanao.

Saad pa ng PAGASA, “Sea travel is risky for all types of sea vessels over these waters.

“Mariners of small sea crafts are advised to take precautionary measures when venturing out to sea. Inexperienced mariners should avoid navigating in these conditions.”

Eastern Visayas, Bicol atbp, uulanin

ni Ronalyn Seminiano Reonico | February 10, 2021

Inaasahang makararanas ang Eastern Visayas, Bicol Region, CALABARZON, Oriental Mindoro, Marinduque, Romblon, at Aurora ng katamtaman hanggang sa malakas na pag-ulan na dulot ng binabantayang low pressure area (LPA) at ang tail-end ng isang frontal system, ayon sa PAGASA.

Huling namataan ang LPA sa layong 125 km sa silangan ng Catarman, Northern Samar at nagbabala rin ang PAGASA sa posibleng pagbaha at landslides.

Samantala, inaasahan din ang pag-ulan sa Metro Manila, Cagayan Valley, Cordillera Administrative Region, at iba pang bahagi ng Central Luzon dahil sa hanging amihan.