2 patay kay “Uwan” sa Catanduanes at Samar — OCD

by Info @News | November 10, 2025

Photo: Gatbalogan City FIre Station Samar

Nasa dalawang katao ang naiulat na nasawi sa Viga, Catanduanes at Catbalogan City, Samar dahil sa Super Typhoon Uwan, ayon sa Office of Civil Defense (OCD) ngayong Lunes, November 10, 2025.

“Sa casualty po natin, meron pong reported po sa atin pero subject again for validation pa ito,” saad ni OCD deputy administrator for administration Assistant Secretary Bernardo Rafaelito Alejandro IV.

“Dalawang fatality — one is from Viga, Catanduanes due to drowning and another one from Catbalogan City, Samar na nahulugan ito ng collapsed structure,” dagdag pa niya.

Sinabi rin ni Alejandro na dalawang indibidwal ang nai-report na nasugatan.

Aniya pa, may kabuuang 1.4 milyong katao o 426,000 pamilya ang preemptively evacuated sa Metro Manila, Cordillera Administrative Region, Ilocos Region, Cagayan Valley, Central Luzon, Calabarzon, Mimaropa, Negros Island Region, Bicol, Western Visayas, Central Visayas, at Eastern Visayas. Nasa 318,000 katao o 92,000 pamilya naman ang nananatili sa mga evacuation centers.

Hurricance Milton, nagbanta sa Florida bilang Category 5 na bagyo

ni Eli San Miguel @Overseas News | Oct. 9, 2024

Gumagalaw ang Hurricane Milton papunta sa Gulf Coast ng Florida bilang isang Category 5 na bagyo, na nagdudulot ng matinding pagsikip ng trapiko at kakulangan sa gasolina habang higit sa 1 milyong tao ang inudyukan na lumikas bago ito tumama sa Tampa Bay area.

Lumakas ang Milton noong Lunes at naging isa sa pinakamalakas na hurricane sa Atlantic at inaasahang tatama sa lupa sa huling bahagi ng Miyerkules o maagang bahagi ng Huwebes, na nagbabanta sa kanlurang baybayin ng Florida, na kasalukuyang bumabangon mula sa Hurricane Helene na tumama halos dalawang linggo na ang nakalipas.

Magiging kauna-unahang pagkakataon mula pa noong 1921 ang direktang pagtama sa bay, na ngayo'y tahanan ng higit sa 3 milyong tao. Nitong Martes, inihayag ng US National Hurricane Center na ang Milton ay naitaas muli sa Category 5 hurricane, ang pinakamataas na antas sa Saffir-Simpson scale.

160 patay sa Hurricane Helene

ni Eli San Miguel @Overseas News | Oct. 2, 2024

Nagsagawa ng operasyon ang mga cadaver dogs at search crews sa mga debris sa kanluran ng North Carolina nitong Martes para sa mga biktima ng Hurricane Helene, na pumatay ng halos 160 tao.

Gumamit ng helicopters upang makadaan sa mga nasirang tulay, at naglakad ang mga searcher sa kagubatan upang maabot ang mga nakahiwalay na bahay. Itinuturing ang bagyo bilang isa sa mga pinaka-nakamamatay sa kasaysayan ng U.S., na nag-iwan ng mga bayan na walang kuryente at cellular service.

Matindi naman ang pinsala sa Blue Ridge Mountains, kung saan hindi bababa sa 57 ang namatay malapit sa Asheville, North Carolina. Inaasahang susuriin ni Pangulong Joe Biden ang pinsala sa North at South Carolina, na may tinatayang gastusin na aabot sa bilyon.