5 buwang sanggol at lola, dedo sa pamamaril

ni Loraine Fuasan (OJT) | April 4, 2023

UKRAINE — Isang 5-buwang gulang na sanggol at ang kanyang lola ang nasawi matapos pagbabarilin ang ina ng beybi sa bayan ng Avdiivka na lungsod ng Bakhmut sa Donetsk Oblast sa silangang Ukraine noong nakaraang linggo.

Ayon sa pinuno ng Donetsk regional administration na si Pavlo Kyrylenko, nang mangyari ang insidente sa bagong bahay ng pamilya, pinapalipat umano ang mga ito sa frontline zone ng mga Ukrainian police, subalit tumanggi ang mga ito kaya pinaputukan sila ng baril. Ngunit sa kasamaang-palad, ang sanggol at lola nito ang tinamaan ng bala ng baril at nagtamo ng sugat ang mga magulang nito.

Samantala, iniulat naman ni Kyrylenko, na ang paglikas ay tila hindi pa rin maintindihan ng mga tao, at sinasabing hindi naman nila kailangan lumipat. Gayunman, ito lang ang tanging bagay na makapagliligtas ng buhay ng mga tao ngayon.

8 Leopard at 2 battle tanks ng Norway nasa Ukraine na

ni Jenny Rose Albason (OJT) | March 23, 2023

Walong Leopard at 2 tanks ang dumating sa Ukraine.

Ayon sa Norweigan Armed Forces na patuloy pa rin ang ginagawang pagsasanay sa mga sundalo na mag-o-operate sa nasabing tanke.

Gawa umano sa Germany ang nasabing tangkeng pandigma, sumunod lamang sila sa hakbang ng ilang mga bansa na magbigay ng mga tangkeng pandigma sa Ukraine upang tuluyang maitaboy ang Russia.

Kung matatandaan ay noong Pebrero inanunsiyo ng Norway na bumili sila ng 54 German Leopard 2 tanks bilang bahagi ng pagpapalakas ng kanilang defense capabilities.

Pres. Putin, ipinaaaresto ng ICC

ni Jenny Rose Albason (OJT) | March 19, 2023

Naghain ng arrest warrant ang International Criminal Court (ICC) laban kay Russian President Vladimir Putin at kanyang Children Rights Commissioner na si Maria Lvova-Belova.

Kaugnay ito ng sapilitan nilang pagpapalikas mula Ukraine patungong Russia.

Ayon kay ICC President Piotr Hofmanski, responsable ang dalawa sa war crime, kung saan pinapalikas nito ang mga kabataan.

Iginiit ni Lvova-Belova na aampunin umano ang mga bata ng mag-asawang nasa Russia.

Samantala, responsable umano si Putin sa nasabing war crimes.

Ang nasabing anunsiyo na ito ng ICC ay ilang araw mula nang ilabas ang mga balita na plano ng korte na magbukas ng dalawang war crimes cases na may kaugnayan sa pag-atake ng Russia sa Ukraine.