18-anyos pataas, may P5-K ayuda sa Makati

Inilaan ng Makati City government para sa expanded Makati Economic Relief Program ang pondong P2.7 bilyon.

Ito ay magbibigay ng kaluwagan sa Makatizen sa panahon ng krisis na dala ng COVID-19

Sinabi ni Makati City Mayor Abby Binay, mahirap man o mayaman, nakatanggap man ng SAP o hindi, kahit saan mang sektor kabilang na mabibigyan ng ayuda.

Sa ilalim ng Programang Maka-Tulong P5K for 500K na nilagdaan ng alkalde noong Abril 21, magbibigay ang lokal na pamahalaan ng tig P5k sa bawat mamamayan ng Makati.

Lahat ng 18-anyos pataas ay makatatanggap ng tulong, kailangan lamang ay mayroong Makatizen card, Yellow card o botante ng lungsod.

Para makuha ang tulong, ang gagamitin ay ang makatizen app.

Nilinaw ni Mayor Abby na walang sinakripisyong programa ng lungsod para sa P2.7B expanded Makati Economic Relief Program, dahil mayroong mga programa na hindi na mai-implement dahil sa COVID-19.

Sinabi pa ng alkalde ang relief program na ito ang unang magiging contactless at transparent sa pamimigay ng tulong.

Binigyan-diin ng alkalde na kailangang magamit ang partial o buong ayuda sa loob ng 30 araw mula sa pagkakatanggap para manatiling valid.

ABS-CBN not for sale

Hindi umano ipinagbibili ang broadcast network na ABS-CBN at patuloy pa rin nitong ipaglalaban na mabigyan ng prangkisa para makapag-ere ng libreng TV at radio channels.

“ABS-CBN is not for sale,” pahayag ni Kane Errol Choa, ang ABS-CBN corporate communications director.

Ang pahayag ng network ay kasunod ng komento ni Davao-based businessman Dennis Uy na ang kanyang kumpanya na Udenna Corporation ay walang intensyong bilhin ang ABS-CBN. "Being in the business of broadcasting is not part of our corporate direction,” pahayag ni Uy. Noong nakaraang taon ay matatandaang sinabihan ni Pangulong Rodrigo Duterte ang ABS-CBN Corporation na ibenta na lamang nito ang kumpanya.

Senado pinababawi sa NTC ang pagpapasara sa ABS-CBN

Pinababawi ng Senado sa National Telecommunications Commission (NTC) ang inilabas na cease and desist order laban sa ABS-CBN Corporation.

Ito ay makaraang ipasa ang Senate Resolution No. 395 kung saan nakasaad na "there is precedent for entities whose franchises have expired to be allowed to continue to operate, pending the grant of franchise renewal by Congress."

"The Catholic Bishops Conference of the Philippines Broadcast franchise expired on August 4, 2017 and was only renewed on April 22, 2019... Globe Innove's franchise expired on April 10, 2017 and was only renewed on December 14, 2018. PT&T's franchise expired in November 2015 and was only renewed on July 21, 2016."

Mahigit sa kalahati naman ng mga senador ang lumagda sa naturang resolusyon.

Kabilang sina Senate President Pro-Tempore Ralph Recto, Senate Majority Leader Juan Miguel

Zubiri, Senate Minority Leader Franklin Drilon, Senators Risa Hontiveros, Sonny Angara, Nancy Binay, Sherwin Gatchalian, Leila De Lima, Lito Lapid, Manny Pacquiao, Francis Pangilinan at Joel Villanueva.

Habang siyam na senador naman ang hindi bumoto sina Senate President Vicente Sotto III, Senators Panfilo Lacson, Francis Tolentino, Cynthia Villar, Imee Marcos, Ronald "Bato" Dela Rosa, Bong Go, Bong Revilla at Pia Cayetano.

Giit ng siyam na senador na una nilang inaprubahan ng Senado ang Senate Resolution No. 344 na dapat ituloy ang operasyon ng ABS-CBN kahit na nakabinbin ang franchise renewal nito sa Kongreso.

Kaugnay nito, binawi ni Cayetano ang kanyang lagda sa Senate Resolution No. 395 dahil ang usapin ngayon ay nasa Korte Suprema nang maghain ng petisyon ang ABS-CBN.