Smart bracelets, pang-monitor sa estudyante kontra coronavirus

BEIJING – Dahil sa maraming eskuwelahan ang nagbukas na ng klase, ang mga estudyante na pumasok ngayong araw na ito, ay may suot na bagong sporting accessory – isang temperature-monitoring bracelets.

Ipinasusuot sa bawat estudyante ang smart bracelets upang malaman agad ang temperatura ng kanilang katawan. Ang bracelet ay mayroong sensor na kayang imonitor ang tamang body temperature at kung sakaling may abnormal temperature na ma-detect sa isang bata, magpapadala ito ng alert o signal, ayon sa report ng government-run media na Beijing Daily.

Namomonitor ang readings sa bawat devices, ng mga guro mula sa kanilang smartphones, na dapat ay connected via Bluetooth sa isang mobile app. Maaaring i-share ang data sa mga magulang at municipal at district authorities, ayon pa sa report.

Gayundin, nakukuha ng device na ito ang temperature ng estudyante na hindi naman nai-interrupt ang kanyang klase bagkus, natutulungan pa ang bawat isa sa kanila na makapagpokus sa pag-aaral sa klasrum at makapaghanda sa mga darating na exams, ayon din sa Beijing education bureau.

“The bracelet is similar to a normal fitness tracker… We recommend that students wear them 24 hours a day,” sabi ng isang guro sa Beijing Daily.

Isinagawa ang scheme na ito para sa mga final-year high school at middle school students sa limang distrito ng Beijing, ayon pa sa report.

Hirit ni Cong. Duterte, iba pa sa Kamara... Mga paglabag ng ABS-CBN sa prangkisa, imbestigahan

Inihain sa Kamara ang resolusyon na layong maimbestigahan ng House Committee on Legislative Franchises ang mga posibleng paglabag umano ng ABS-CBN sa prangkisang iginawad ng Kongreso.

Sa House Resolution 853 nina Davao City Rep. Paolo Duterte, Rep. Abraham Tolentino at Rep. Eric Yap, nais ng mga ito na maungkat ang sinasabing pay-per-view o ang paniningil sa publiko ng ABS-CBN para sa Kapamilya Box Office channel sa pamamagitan ng ABS-CBN TV Plus sa kabila ng

ibinigay ng gobyerno na libreng pag-ere.

“Whereas, ABS-CBN Corp., is operating a pay-per-view channel through free-to-air signals in violation of its legislative franchise. By charging the public with this pay-per-view Kapamilya Box Office (KBO) channel through ABS-CBN TV Plus, it has been gaining huge profits at the expense of the public while using the air frequencies provided by the government for free,” saad ng

resolusyon.

Tinukoy din sa resolusyon na itinuloy ng ABS-CBN ang operasyon ng pay-per-view channel gamit ang free-to-air signals sa kabila ng utos ng National Telecommunications Commission (NTC) na itigil ito habang wala pang ipinalalabas na mga panuntunan.

Paglabag din umano sa Foreign Investments Act of 1991 ang pagbibigay ng ABS-CBN ng Philippine Depository Receipts sa mga dayuhan.

“Whereas, the resulting foreign equity in ABS-CBN Corp., also violates Republic Act 7042 (Foreign Investments Act of 1991) as amended by RA 8179, Executive Order 184 (Promulgating the Tenth Regular Foreign Investment Negative List) and Presidential Decree 1018 (Limiting the Ownership and Management of Mass Media to Citizens of the Philippines and for Other Purposes)," ayon pa sa resolusyon.

Kaso ng infected sa Germany, tumaas nang magluwag sa lockdown

Germany — Higit na tumaas ang reproduction rate ng coronavirus sa naturang bansa na tinatayang nasa crucial value na 1, na umabot na sa 1.3, ayon sa disease and control center na Robert Koch Institute (RKI).

Bago pa sumapit ang Sabado, ang reproduction rate ng Germany ay mababa sa 1, ayon sa report ng institute.

Subalit, dahil tumaas ang reproduction rate, nangangahulugan lamang ng higit na pagdami ng mga taong infected ng virus (on average) sa buong Germany.

Nangyari ang ganito, matapos na makipagmiting ni Chancellor Angela Merkel sa mga lider ng 16 states sa Germany at mag-anunsiyo ng pagluluwag sa national restrictions noong Miyerkules, ng pagbubukas ng lahat ng shops, gradual reopening ng mga eskuwelahan, gayundin, ang pagpapatuloy ng Bundesliga soccer league, kahit pa walang mga manonood.

Ayon sa RKI, "there is still a degree of uncertainty", dahil sa kaganapang ito, pero ang pagtaas ng reproduction rate "makes it necessary to observe the development very closely over the coming days."

Samantala, naireport na ang Germany ay mayroong mahigit sa 171,000 kaso ng coronavirus, kasama dito ang higit sa 7,500 namatay, ayon sa Johns Hopkins University. (Lolet Abania

Binigyan-diin ng alkalde na kailangang magamit ang partial o buong ayuda sa loob ng 30 araw mula sa pagkakatanggap para manatiling valid.