Hotel sa Pasay City, nasunog

ni Lolet Abania | July 3, 2022

Sumiklab ang sunog sa isang hotel sa Pasay City ngayong Linggo ng umaga, ayon Bureau of Fire Protection (BFP).

Batay sa isang report mula sa BFP-National Capital Region Public Information Office, nagsimula ang sunog sa kusina ng Sofitel Philippine Plaza Manila. Alas-11:37 ng umaga, itinaas sa unang alarma ang sunog.

Gayunman, idineklara ng BFP na under control ang sunog ng alas-12:01 ng tanghali habang fire out ng alas-12:09 ng tanghali.

Sa ngayon, wala nang iba pang ibinigay na detalye ang mga awtoridad. Patuloy namang inaalam ng BFP ang naging sanhi at pinagmulan ng sunog.Hotel sa Pasay City, nasunog Sumiklab ang sunog sa isang hotel sa Pasay City ngayong Linggo ng umaga, ayon Bureau of Fire Protection (BFP).

Batay sa isang report mula sa BFP-National Capital Region Public Information Office, nagsimula ang sunog sa kusina ng Sofitel Philippine Plaza Manila. Alas-11:37 ng umaga, itinaas sa unang alarma ang sunog.

Gayunman, idineklara ng BFP na under control ang sunog ng alas-12:01 ng tanghali habang fire out ng alas-12:09 ng tanghali. Sa ngayon, wala nang iba pang ibinigay na detalye ang mga awtoridad. Patuloy namang inaalam ng BFP ang naging sanhi at pinagmulan ng sunog.

19-anyos na lalaki, patay sa sunog sa Davao City

ni Lolet Abania | June 28, 2022

Patay ang 19-anyos na lalaki matapos ang naganap na sunog sa isang residential area sa Davao City nitong Lunes. Kinilala ang nasawing biktima na si Arhaman Usman, batay sa ulat ng GMA Regional News ngayong Martes.

Ayon sa Bureau of Fire Protection (BFP), natagpuan ang katawan ng biktima sa ginawang inspeksyon ng mga bumbero matapos na maapula na ang apoy sa lugar.

Base sa imbestigasyon ng mga awtoridad, nabatid na nakalabas na si Usman sa kanilang bahay subalit bumalik ito para iligtas ang isang kapatid.

Gayunman, na-trap si Usman mula sa nasusunog nilang bahay. Tumagal ng limang oras ang sunog bago tuluyang naapula ang apoy. Ayon pa sa BFP, mahigit sa 300 residente ang nawalan ng tirahan dahil sunog.

Habang nanunuluyan sa ngayon ang mga ito sa gymnasium ng barangay. Gayundin, tinatayang nasa 1,000 kabahayan ang apektado ng sunog.

Tinitingnan naman ng mga awtoridad ang isa sa posibleng dahilan ng sunog ay isang nakasinding mosquito coil na kanilang napabayaan.

Hotel sa Quezon City, nasunog

ni Lolet Abania | June 27, 2022

Sumiklab ang sunog sa isang hotel sa kahabaan ng Mother Ignacia Avenue sa Quezon City ngayong Lunes ng hapon, ayon sa Bureau of Fire Protection (BFP).

Batay sa report mula sa BFP-National Capital Region Public Information Office, nagsimula ang sunog sa 17th floor ng La Breza Tower sa Barangay South Triangle, Quezon City.

Ayon sa BFP, alas-2:24 ng hapon ay itaas sa unang alarma ang sunog at umabot sa ikalawang alarma ng alas-2:35 ng hapon. Idineklara ng BFP na under control ang sunog ng alas-3:12 hapon, habang fire out naman ng alas-3:28 ng hapon.

Wala nang iba pang detalyeng ibinigay ang mga awtoridad sa insidente, subalit inaalam na rin nila ang pinagmulan o naging sanhi ng sunog at halaga ng mga ari-ariang natupok.