Funeral benefit ng SSS member

by Info @Buti na lang may SSS | Oct. 27, 2024

Dear SSS,

Magandang araw! Nais kong malaman kung ano ang tinatawag na funeral benefit ng SSS? Salamat.  — Allyson, Taguig

---

Mabuting araw sa iyo Allyson!

Ang benepisyo sa pagpapalibing o funeral benefit ay isang cash o financial assistance na ibinibigay ng SSS sa sinumang nagbayad o gumastos sa pagpapalibing ng namayapang miyembro ng SSS.

Sa ilalim ng bagong panuntunan, kung ang yumaong miyembro ay nakapaghulog ng 36 buwanang kontribusyon o higit pa, maaaring makatanggap ang claimant ng P20,000 hanggang P60,000, depende sa bilang ng contributions at average monthly salary credit (AMSC) ng yumaong miyembro.

Subalit, kung siya ay nakapagbayad ng isa hanggang 35 buwanang kontribusyon lamang bago ang pagkamatay ng miyembro, makakatanggap ang claimant nito ng fixed amount na P12,000. 

Binibigyang prayoridad ang surviving legal spouse nang namayapang miyembro bilang claimant sa nasabing benepisyo kaysa sa ibang claimants. Dapat nakapangalan sa claimant ang mga dokumento sa pagpapalibing gaya ng resibo sa funeral service at iba pa. 

Sakop ng funeral benefit ang serbisyo sa pag-embalsamo, serbisyo sa paglilipat ng libing at mga permit, funeral services (gaya ng bayad sa simbahan o ang katumbas nito sa ibang relihiyon), cremation o interment services, pagbili o pagrenta ng kabaong, pagbili o pagrenta ng nitso o lot ng paglilibingan, at memorial/funeral insurance plan.

Ang mga gastos sa libing gaya ng nakasaad sa proof of payment ay babayaran sa ilalim ng funeral benefit, subalit hindi ito lalampas sa nakalkulang benepisyo na nakalaan sa nasabing miyembro.

Ang funeral benefit ay may prescriptive period na 10 taon. Ibig sabihin dapat mai-file ang funeral claim sa loob ng 10 mula sa buwan ng pagkamatay ng miyembro o pensyonado.

Ang mga claimant na miyembro rin ay maaaring mag-file ng kanilang funeral benefit applications online gamit ang kanilang My.SSS account. Ang mga hindi naman miyembro ay maaaring mag-file sa alinmang sangay ng SSS. 

***

Patuloy na tumatanggap ng aplikasyon ang SSS para sa bagong loan penalty condonation program nito. Inilunsad ang Consolidation of Past Due Short-Term Member Loans with Condonation of Penalty Program (ConsoLoan) para tulungan ang mga miyembro na mayroong past-due loans sa SSS. Sa ilalim ng programa, hindi na sisingilin ang kaukulang penalties o multa ng kanilang past-due loans. Sa halip, ang tangi na lamang nilang babayaran ay ang orihinal o principal amount at interes nito.

Sakop ng ConsoLoan ang salary loan, calamity loan, Salary Loan Early Renewal Program (SLERP), emergency loan at restructured loans gaya ng Loan Restructuring Program (LRP) noong mga nakaraang taon.

Samantala, maaari nilang bayaran ang prinsipal at interes sa pamamagitan ng one-time full payment, o kaya’y bayaran kahit 10% nito bilang down payment at ang natitirang balanse ay babayaran ng installment sa loob ng hanggang 60 buwan o limang taon, depende sa halaga ng kanilang pagkakautang.

---

Upang makapagrehistro sa My.SSS, maaari kang magtungo sa SSS website (www.sss.gov.ph) at magparehistro sa Member portal. Kailangang punan mo ang lahat ng kinakailangang impormasyon. Tandaan na ang irerehistrong e-mail address ay kailangang aktibo at nagagamit pa dahil dito ipadadala ng SSS ang link para i-activate at magamit mo ang iyong My.SSS account. 

---

Para sa tamang impormasyon at updates sa mga programa at benepisyo ng SSS, bisitahin at i-follow ang opisyal na Facebook page ng SSS sa “Philippine Social Security System - SSS” o sa X, ang dating Twitter, sa @PHLSSS. Maaari ring mag-subscribe sa YouTube channel sa “MYSSSPH”, at sumali sa SSS Viber Community, “MYSSSPH Updates”. Maaari kayong magpadala ng inyong concerns at katanungan sa usssaptayo@sss.gov.ph.

Severe Tropical Storm Kristine-affected members and pensioners can avail of SSS loan programs

by Info @Brand Zone | Oct. 24, 2024

The Social Security System (SSS) today announced that members and pensioners affected by the onslaught of Severe Tropical Storm Kristine could immediately avail themselves of salary and pension loans for their monetary needs.

“As part of our proactive response to the urgent financial needs of our members and pensioners during natural calamities, the SSS loan programs are readily available to support their recovery,” SSS Senior Vice President for Lending and Asset Management Group Pedro T. Baoy said.

To qualify for a one-month salary loan, employed, self-employed, and voluntary members must have 36 monthly contributions, six of which should be within the last 12 months before the month of the loan application. Meanwhile, members should have at least 72 posted contributions if they opt to avail themselves of a two-month salary loan.

“They must be under 65 years of age at the time of loan application and have not been granted any final benefit like total disability, retirement, or death benefits,” Baoy said.

He reiterated that individually paying members must have at least six posted contributions under their current membership type before the month of the loan application.

“Employers’ compliance is crucial in these situations since their updated contribution and loan payments are essential for their employee’s loan eligibility,” Baoy added.

Qualified members can submit their salary loan application online via My.SSS Portal. Once approved, loan proceeds will be credited to the member’s registered Unified Multi-Purpose Identification (UMID)-ATM Card or active accounts with a Philippine Electronic

Fund Transfer System and Operations Network (PESONet)-participating bank.

Members can pay the salary loan in two years through 24 equal monthly amortizations with an annual interest rate of 10 percent.

Meanwhile, retiree-pensioners can avail themselves of the SSS pension loan equivalent to three, six, nine, and 12 times their Basic Monthly Pension plus P1,000 additional benefit, but not exceeding the maximum P200,000. To qualify, the pensioner-borrower must:

• Be 85 years of age or below at the end of the month of the loan repayment term;

  
  

• Have no deductions from his/her monthly pension (such as for outstanding loan balance, benefit overpayment payable to SSS, and the like);

  
  

• Have no existing advance pension under the SSS Calamity Assistance Package;

  
  

• Be receiving his/her regular monthly pension for at least one month, and the status of pension is “active”;

  
  

• Have updated contact information (cellular/mobile number, email, and mailing address).

“If retiree-pensioners availed of the 18 months advance pension, they must be receiving their regular monthly pension for at least one month,” Baoy noted.

Pension loan applications can be submitted online via My.SSS Portal (www.sss.gov.ph) or over the counter at the nearest SSS branch. Once approved, loan proceeds will be credited to the pensioner’s UMID-ATM Card or their active accounts with a PESONet-participating bank.

The loan amortization, inclusive of a 10 percent annual interest rate computed on a diminishing principal loan balance, shall be deducted from the monthly pension ensuring a Net Take Home Pension of at least 47.25 percent of the Basic Monthly Pension (BMP) plus the P1,000 additional benefit. The repayment terms are six, 12, or 24 months, depending on the loanable amount.

Mga kinikilalang benepisyaryo ng SSS member

by Info @Buti na lang may SSS | Oct. 20, 2024

Dear SSS, 

Magandang araw po! Nakita ko ang website ng SSS at ang iba’t ibang benepisyo ng SSS. Nais kong malaman kung sino ba ang benepisyaryo ng isang miyembro ng SSS? Salamat. 

— Edgar

---

Mabuting araw sa iyo, Edgar! 

Isa ito sa madalas na itinatanong ng publiko tungkol sa kung sino ang mga karapat-dapat na benepisyaryo ng isang SSS member. Nilinaw ng Republic Act No. 11199 o ang batas na nakakasakop sa SSS kung sino ang mga benepisyaryo ng isang miyembro. Ayon sa Section 8 (k) ng SS Law, ang mga pangunahing benepisyaryo o primary beneficiaries ay ang may karapatan na tumanggap ng mga benepisyo na nauukol sa isang miyembro ng SSS. 

Ayon sa batas, pangunahing benepisyaryo ng miyembro ang legal dependent spouse. Siya ang legal na asawa na umaasa sa suporta mula sa miyembro. Itinuturing din na pangunahing benepisyaryo ng miyembro ang mga dependent children o mga anak na lehitimo, ilehitimo pati ang legitimated o legal na inampon na wala pang 21-anyos, walang asawa at walang trabaho.

Kung walang pangunahing benepisyaryo ang miyembro, ang mga magulang bilang secondary beneficiaries ang tatanggap ng benepisyo. Kung walang primary at secondary beneficiaries, ang tatanggap ng benepisyo ay ang sinumang itinala ng miyembro na kanyang benepisyaryo sa SS Form E-1 o Personal Record Form. Sila ang tinatawag na designated beneficiaries.

Kapag namatay ang isang miyembro ng SSS, dalawang benepisyo ang maaaring makuha ng kanyang mga naiwan mula sa ahensya. Una ay ang funeral benefit para sa sinumang gumastos sa pagpapalibing ng miyembro. Pangalawa ay ang death benefit para sa mga lehitimong benepisyaryo ng miyembro.

Ang pagbabayad ng death benefit ay alinsunod sa pagkakasunud-sunod ng order of preference ng mga benepisyaryo: primary beneficiaries (legal na asawa at menor-de-edad na anak); secondary beneficiaries (mga magulang); sinumang tao na itinalaga ng miyembro bilang kanyang benepisyaryo sa SS Form E-1/E4; at mga legal na tagapagmana o legal heirs ng namatay na miyembro.

Ang may karapatan na tumanggap ng death benefit ay ang legal na asawa at dependent children na wala pang 21-anyos. Binibigyan-diin ng batas na legal na asawa ang may karapatan sa benepisyo ng namatay na miyembro at hindi ang common-law spouse. Samakatuwid, napakahalaga na maipresenta ang marriage contract bilang supporting document sa death claim.

Makatatanggap ng panghabambuhay na pensyon ang legal na asawa kapag nakapaghulog ang pumanaw na miyembro ng SSS nang hindi bababa sa 36 buwan na hulog. Ang buwanang death pension ay para sa legal na asawa hangga’t hindi pa siya nag-aasawang muli. Kapag kulang sa 36 buwan ang hulog ng namatay na miyembro, lump sum death benefit lang ang matatanggap ng legal na asawa.

Pinagkakalooban ng dependents’ pension ang limang menor-de-edad na anak, simula sa pinakabata. Ang dependents’ monthly pension ay katumbas ng P250 kada bata o 10% ng death pension na tinatanggap ng dependent spouse, alinman ang mas mataas. Dapat ipresinta ang mga birth certificate ng mga bata sa pag-claim ng death benefit. Para sa mga batang may kapansanan o may kakulangan sa pag-iisip, kinakailangan na ipresinta kalakip ng birth certificate ang medical records. 

Kung walang primary at secondary beneficiaries, ang death benefit ay maaaring tanggapin ng kanyang mga legal na tagapagmana tulad ng mga anak na higit 21 taong gulang, mga kapatid, at iba pa. Kung ang namatay na miyembro ay pensyonado bago siya namatay, ang kanyang mga legal na tagapagmana ay makatatanggap lamang ng natitirang pensyon na nakapaloob sa five-year guaranteed period. 

Kung namatay na ang miyembro habang aktibo siyang naghuhulog at nakapaghulog siya ng hindi bababa sa 36 na kontribusyon ngunit wala siyang pangunahin o pangalawang benepisyaryo, ang mga legal niyang tagapagmana ang makatatanggap ng lump-sum benefit.

Pinapayuhan namin ang mga miyembro ng SSS na i-update ang kanilang record sa SSS lalo na ang kanilang mga benepisyaryo upang walang maging problema sa pag-claim ng mga benepisyo.

***

Patuloy na tumatanggap ng aplikasyon ang SSS para sa loan penalty condonation program nito.  Inilunsad ang Consolidation of Past Due Short-Term Member Loans with Condonation of Penalty Program (Conso Loan) para tulungan ang mga miyembro na mayroong past-due loans sa SSS. Sa ilalim ng programa, hindi na sisingilin ang kaukulang penalties o multa ng kanilang past-due loans. Sa halip, ang tangi na lamang nilang babayaran ay ang orihinal o principal amount at interes nito.

Maaaring bayaran ang prinsipal at interes sa pamamagitan ng one-time full payment, o kaya’y bayaran kahit 10% nito bilang down payment at ang natitirang balanse ay babayaran nang hulugan sa loob ng hanggang 60 buwan o limang taon, depende sa halaga ng kanilang pagkakautang.

Sakop ng Conso Loan ang salary loan, calamity loan, Salary Loan Early Renewal Program (SLERP), emergency loan, at restructured loans gaya ng Loan Restructuring Program (LRP) noong mga nakaraang taon.

---

Upang makapagrehistro sa My.SSS, maaari kang magtungo sa SSS website (www.sss.gov.ph) at magparehistro sa Member portal. Kailangang punan mo ang lahat ng kinakailangang impormasyon. Tandaan na ang irerehistrong e-mail address ay kailangang aktibo at nagagamit pa dahil dito ipadadala ng SSS ang link para i-activate at magamit mo ang iyong My.SSS account. 

---

Para sa tamang impormasyon at updates sa mga programa at benepisyo ng SSS, bisitahin at i-follow ang opisyal na Facebook page ng SSS sa “Philippine Social Security System - SSS” o sa X, ang dating Twitter, sa @PHLSSS. Maaari ring mag-subscribe sa YouTube channel sa “MYSSSPH”, at sumali sa SSS Viber Community, “MYSSSPH Updates”. Maaari kayong magpadala ng inyong concerns at katanungan sa usssaptayo@sss.gov.ph.