PHL Swimming, nagpalabas ng susunding health protocol guidelines

Matapos na payagan ng Inter-Agency Task Force on Emerging Infectious Diseases (IATF) ang swimming na isa sa mga sports na maaari nang maisagawa ay agad na nagpalabas ng kanilang guidelines ang Philippine Swimming Inc. (PSI) sa pamamagitan ng Presidente nito na si Lailani Velasco.

Ito ay upang masiguro na makaiwas ang mga atleta at mga miyembro nito sa banta ng nakamamatay na COVID-19 lalo na nga at naibaba na sa General Community Quarantine (GCQ) ang Metro Manila, ay mas posible ang panganib na hatid ng nasabing virus.

Bukod pa rito ay naniniguro lamang ang PSI gayung wala pang gamot na maaring magamit upang makaiwas sa naturang sakit na kumakalat.

“The fact remains that a vaccine or cure is yet to be found. Thus, we enjoin all the clubs to observe the minimum health standards provided by the DOH (Department of Health) and undertake the best practices to ensure the health and safety of everyone,’’ ayon sa PSI.

Isa ang swimming sa mga may pinakamaraming bilang ng atleta at mga events na sinasalihan kaya naman kinailangan nila na magsagawa ng mga alituntunin na tutulong sa mga ito na makaiwas sa pagkakaroon ng Coronavirus.

Alam din ng PSI na responsibilidad nila sakaling may mangyaring hindi maganda sa isa sa mga atleta nito o miyembro na ngayon nga at pinayagan na silang muling lumangoy.

Kasama sa mga alituntuning ipinapatupad ngayon ng PSI ay ang ay pagdaragdag ng level ng sanitation sa mismong swimming pool at komportableng pasilidad.

Samantala, ang mga sports na pinayagan ng IATF sa ilalim ng GCQ ay ang golf, biking, running, tennis, badminton, equestrian at skateboarding basta masisiguro na ang mga atleta ay susunod sa alituntunin gaya ng pagsusuot ng face masks, maisasagawa ang physical distancing at hindi maghihiraman g mga kagamitan.

UFC 250: Nunes uukit sa kasaysayan bilang una sa dedepensa ng 2 titulo

Nakatakdang gumawa ng isang kasaysayan si two-division UFC champion Amanda Nunes sa darating na laban nito kontra kay Felicia Spencer sa Sabado sa U.S. (Linggo Hunyo 7 sa Pilipinas) bilang pagdepensa niya sa kanyang featherweight title sa 12-bout UFC 250 sa APEX facility sa Las Vegas, Nevada.

Ang 32-anyos na tubong Pojuca, Bahia, Brazil ay maaaring maging kauna-unahang babaeng UFC champion na nakapagdepensa ng titulo sa dalawang kategorya; ikatlo sa listahan kina Daniel Cormier (Heavyweight at Light-Heavyweight) at Henry Cejudo (Flyweight at Bantamweight).

Susubukan ng Canadian mixed-martial artist na si Spencer na maunsyami ang plano ni Nunes para makahanap ng isang upset sa main event, kung saan liyamado ng husto ang Brazilian fighter sa mga pustahan [Nunes -650 favorite (risk $650 para manalo ng $100], habang +475 underdog si Spencer na pwedeng kumita ng $475 sa tayang $100.

Nagawang makuha ng tinaguriang “The Lioness” ang kanyang featherweight title nang tapusin nito sa loob lamang ng .51 segundo ang dating kampeon na si Cris Cyborg noong UFC 232 sa pamamagitan ng knockout punches noong Disyembre 29, 2018 sa Inglewood, California.

Hawak ang 10-bout winning streak simula noong 2015, kabilang sa mga biktima ng Brazilian queen ay sina dating UFC women’s bantamweight champions Miesha Tate, Holly Holm at si dating Olympic medalist at 1st bantamweight champ Ronda Rousey; masusubukan ang tatag laban sa dating Invicta FC featherweight titlist nagawang manaig sa first round knockout win laban kay Zarah Fairn Dos Santos noong Pebrero 29 sa Norfolk, Virginia.

Kinakailangang mag-ingat ng husto ni Nunes sa grappling at submission skills ni Spencer na nanaig ng apat sa walong panalo nito mula sa ground game, na may isang talo lamang mula kay Cyborg dahil sa unanimous decision.

Paras, pinalagan ang tweet ni Miss U kontra sa anti-terrorism bill

Pinalagan ni UP Fighting Maroons star Kobe Paras ang tweet ni Miss Universe 2015 Pia Wurtzbach.

Walang takot nitong inihayag ang kanyang paninindigan kontra sa kontrobersyal na Anti-Terrorism Act of 2020.

"My whole life I was told to be quiet & never speak up about things going on in this world because I’m just an athlete," tweet ni Paras.

Sa social media sumagot si 6-foot-6 Paras.

"I am a human being God gave me legs to stand up for what is right God gave me a mouth to speak up for those whose voices couldn’t be heard," wika ng anak ng dating Rookie-MVP sa PBA na si Benjie.

Ayon kay Paras, kahit hindi ito nakadalo sa ginanap na protesta sa UP-Diliman nitong Huwebes kontra sa Anti-Terrorism Bill nananatili pa rin ang kanyang suporta para sa mga ito.

"I may not be there in UP right now but I am there in spirit wearing a maroon hat that says what we all want CHANGE!" ani Paras.