Pagragasa ng Greece, ‘di nasawata ng ‘Pinas

Walang nakapigil sa pagragasa ng Gresya upang talunin ang Pilipinas sa 2020 Davis Cup World Group II Playoff sa Philippine Columbian Association (PCA) Tennis Courts Sabado ng hapon. Sinigurado ni Stefanos Tsitsipas ang tagumpay ng mga Griyego sa pamamagitan ng kanyang 6-2 at 6-1 na pagwalis kay Jeson Patrombon sa unang reverse singles para sa kanilang ikatlong panalo sa apat na laro.

“I played well enough to get the win and it was good overall,” wika ni Tsitsipas. ”I met a lot of positive people here and I would like to visit again but not for Tennis and explore the country.”

Bago noon, pinasarap muna nina Ruben Gonzales at Francis Casey Alcantara ang laban matapos nilang masungkit ang doubles kontra kay Markos Kalovelakis at Petros Tsitsipas at bigyan ng pag-asa ang kampanya ng mga Pinoy, 7-6 (5) at 6-4. ”It’s good to be back representing the country after three years,” wika ni Gonzales.

Lamang ang mga Griyego sa unang set, 4-3, subalit humabol ang mga Pinoy at tumagal ng higit isang oras ito. Ang panalo sa unang set ay nagdulot ng sapat na inspirasyon na makuha ang pangalawang set. Linaro pa rin ang pangalawang reverse singles kung saan pinalitan si AJ Lim ni Eric Olivarez Jr. na kasalukuyang numero 1,590 sa mundo. Nanalo pa rin si Petros kay Olivarez, 6-4 at 7-5 upang pormal na wakasan ang tie sa 4-1 na talaan.

Noong Biyernes, binigyan ng magkapatid na Tsitsipas ang Gresya na 2-0 na lamang sa unang dalawang singles. Tagumpay si Stefanos kay Lim, 6-2 at 61, habang panalo din si Petros kay Patrombon sa parehong iskor.

Dahil sa resulta, bababa ang Pilipinas sa Asia-Oceania Group III kasama ang mga bansa tulad ng Malaysia, Jordan, Kuwait, Qatar at Pacific Oceania. Tutuloy ang Gresya sa World Group II main tournament sa darating na Hulyo o Setyembre.

NBA humanda sa games nang walang fans

HABANG lumalabis ang takot ng marami sa coronavirus outbreak, may mga contingency plans ang mga liga ngayon sa buong mundo at dahil dito nagpadala ang NBA ng memo sa teams upang abisuhan sila na magsagawa ng mga plano na maglaro nang walang fans o media sa gym or arena. ​

Ayon sa ESPN at Athletic, binigyan ng memo ang teams na magsagawa ng mga plano, anuman ang sitwasyon, “it were to become necessary to play a game with only essential staff present.” At dahil iisang staff na lamang ang naroon, ayon sa reports, ang fans at media members ay hindi rin pinapayagan na magpunta sa games.

Ayon sa Athletic’s Shams Charania, nagpadala rin ang NBA ng teams na magpapaalala hinggil sa ‘existing rules ng postponements at cancelations ng games.’

Unang inabisuhan ng NBA ang players nitong nakaraang Linggo na huwag hahawak o makikipagkamay sa fans dahil sa outbreak, sa halip ay inirerekomenda na lang ang fist bumps sa halip na high-fives at iwasang hawakan ang mga bagay na iniaabot sa kanila ng fans tulad ng pens at jerseys. “The health and safety of our employees, teams, players and fans is paramount,” ayon sa statement ng NBA.

“We are coordinating with our teams and consulting with the CDC and infectious disease specialists on the coronavirus and continue to monitor the situation closely.”

Ang Chinese Basketball Association ay suspendido mula pa noong Peb. 1 dahil sa kinatatakutang coronavirus outbreak na nagsimula sa China.

Ngayong araw na ito, hindi pinapayagang makapasok ang mga fans ng NCAA Division III men’s basketball tournament games sa Johns Hopkins University sa Baltimore at maging ang hosting ng esports competitions ay kanselado, postponed at limitado na lamang sa online-only games.

Nananatiling nasa bahay ang studio ng Big Ten Network sa halip na magpunta pa sa Indianapolis upang ikober ang conference tournament na magsisimula sa Miyerkules. Ang mga announcers at analysts ay planong manatili sa Bankers Life Fieldhouse para sa games.

Iniulat ng NBC News noong Biyernes na ang bilang ng mga namatay sa U.S. mula sa coronavirus ay umabot ng 14, karamihan na apektado ay sa Washington state. Mahigit sa 225 na kaso sa buong bansa ay kumpirmado na rin.

Sa buong mundo, mahigit na sa 100,000 katao ang impektado ng coronavirus, kung saan higit sa 3,400 ang namatay, karamihan ay pawang taga-China, ang epicenter ng outbreak.

Makati ginitla ang Manila sa OT sa North finals ng MPBL

Nakapagsalpak si Joseph Sedurifa ng tatlong straight triples upang iangat ang Makati Super Crunch kontra Manila Stars, 78-73, sa overtime sa North division finals ng Chooks-to-Go/MPBL Lakan Season sa harap ng exciting fans sa San Andres Sports Complex noong Biyernes ng gabi. Lumamang sa bisa ng tres ang Super Crunch, 78-73, sa nalalabing 1:17, upang mawala ang kinang ng Stars, na unang nagwagi sa series opener (77-74) pero nasundan ng pagkatalo sa Game 2 (75-59) sa decider game kamakalawa.

Si Sedurifa, na para kay Makati coach Beaujing Acot ang nag-take charge guy sa team. Ayon kay Acot, “Sedurifa can see the court as wide as the coaches and he was right.” Hindi kinabahan si Sedurifa sa clutch time, walang inaksayang oras para sa jumpers na naging masaklap para sa Stars, na umalagwa agad ng 17-7 sa first quarter, pero nalampasan ng Super Crunch, 36-30, sa bisa ng tikas nina Jong Baloria, Cedrick Ablaza at Rudy Lingganay.

Naitakda ng Super Crunch ang best-of-three title duel kontra San Juan Knights simula ng 6:30 p.m. sa Lunes sa Filoil Flying V Arena sa San Juan. “Savior, it’s the right word for Sedurifa. He’s our savior in Makati, in Bulacan, siya talaga,” ani Acot.

Umiskor si Baloria ng 16 para sa Makati, kasunod ni Sedurifa na may 12, nine sa extra time, at may 22 si Josh Torralba.May 16 puntos ang Manila, 8 rebounds at six assists mula kay Chris Bitoon; 15 points plus 10 boards na gawa ni Mike Dyke at 15 points plus nine boards ni Aris Dionisio.

Lumabas ng court si Manila’s top gunner Carlo Lastimosa matapos ang 1 minuto at 8 seconds dahil sa foot injury.

Nagbagsak si Bitoon ng 7 points para sa 12-3 upang tuluyang umangat ang Stars sa 56-52, kasunod ng mga iskor ni Vincent Importante at tapusin ang 3rd quarter na lamang ang Makati.