Taong positibo, yayaman dahil sa 3 planetang magpapakita sa March 19-31

Sr. Socrates Magnus II

Bigyang-daan natin ang mahalagang kaganapan sa Astrology ngayong March 19, 2020. Masayang ibinabalita sa lahat na sa March 19 hanggang 31, ang tatlong powerful planets ay magpapakitang-gilas sa kalangitan kung saan puwedeng-puwedeng makinabang ang mga tao.

Sa madaling-araw, bago sumikat ang Haring Araw sa silangan, may tatlong planeta na makikita, sila ay sina Marte, Jupiter at Saturno. Tatanglawan nila ang kalangitan na para bang sila ang mga bida sa iba pang early morning stars. Ang lalo pang magbibigay ng kagandahan sa kanila ay ang crescent moon na makakasama nila.

Ano ang kabuluhan nito sa buhay ng tao?

Ngayong summer season, ang mga tao na may positibong laman ng isipan at kalooban ay umaasenso, umuunlad at yumayaman. Ang iba naman ay simpleng makadarama ng kakaibang sigla at lakas na puwedeng magamit sa anumang layunin sa buhay.

Sa larangan ng Astrolohiya, si Marte ay katumbas ng salitang tapang at lakas ng loob. Si Jupiter naman ay katumbas ng salitang kasaganahan o masaganang buhay at si Saturno ay katumbas ng matagal na paghihintay.

Ganito ang sabi ni Haring Solomon sa kanyang aklat na Ecclesiastes, “Every affairs of man/woman has its own time,” kumbaga, may kani-kanyang panahon ang lahat ng bagay sa ibabaw ng lupa.

Kaya kapag alam ng tao ang bawat dating ng panahon, hindi siya mabibigo, masasaktan at mapabibilang sa mga luhaan at siya ay magtatagumpay, as in, ang success ay mapasasakamay niya.

Samantala, ang taong sugod nang sugod na wala sa tamang panahon ay mag-aaksaya lang ng lakas at oras at sa halip na umunlad, siya ay malulugi o babagsak.

Kaya ang isang pormula ng success na “timing is everything” ay dapat maging gabay ng sinuman. Ito mismo ang gustong ibigay na mensahe ni Haring Solomon sa mga tao.

Ang ating pinag-uusapan ay tungkol sa pagpapakitang-gilas nina Marte, Jupiter at Saturno sa sinag ng crescent moon sa madaling-araw mula sa March 19 hanggang sa March 31, 2020.

(Itutuloy)

Nakakita ng nag-away sa kabilang barko, sign na inilalayo ni Lord sa kapahamakan

Socrates Magnus

Salaminin natin ang panaginip ni Ya Ne na ipinadala sa Facebook Messenger. Dear Professor, Ano ang ibig sabihin ng nakasakay kami ng asawa at anak ko sa barko at may nag-aaway pa sa kabilang barko?

Naghihintay, Ya Ne

Sa iyo Ya Ne, Minsan, akala ng tao, siya mismo ang gumagawa ng kanyang kapalaran na para bang nakalimutan na niya na may lumikha sa kanya at ang lumikha sa kanya ay ‘yun din ang lumikha sa kanyang kapalaran.

Minsan, akala ng tao, siya mismo ang pumili sa gusto niyang gawin, pero ang hindi niya alam ay may isang nasusunod sa lahat ng bagay at ito ay ang “makapangyarihan sa lahat.”

Sa ganitong katotohanan, ayon sa iyong panaginip, ginusto ng langit na sa ibang barko ka sumakay dahil kung sa isa pang barko ay maaaring mapahamak ka dahil may nag-aaway doon.

Ang barko sa panaginip ay ang nagdadala sa tao sa dulo ng kanyang mga pangarap, kaya ang unang barko kung saan kayo nakasakay ay nagsasabing makakamit n’yo ang iyong pangarap.

Ang isa pang barko na may nag-aaway kung saan hindi kayo nakasakay ay barko ng kapahamakan. Dahil dito, mas magandang magpasalamat ka kay Lord dahil tulad ng nasabi na, Siya at wala nang iba pa ang lumikha ng iyong kapalaran.

Hanggang sa muli, Professor Seigusmundo del Mundo

Dapat gawin para suwertehin ang negosyo sa work moon

Sr. Socrates Magnus II

Ipagpatuloy natin ang pagbibigay ng mahahalagang kaalaman tungkol sa darating na super full moon sa March 10, 2020. Tulad ng nabanggit sa nakaraang isyu, ang super full moon sa March 10, 2020 na tinatawag ding work moon ay senyales na magsisimula na namang gumanda ang kita ng mga negosyo.

Dahil dito, narito ang ilang payo para makatiyak na ang iyong negosyo o pinagkakakitaan ay mapabilang sa mabebendisyunan ng “work moon”.

1. Maglinis ng place of business at kailangang maalis ang mga alikabok, dumi, kalat atbp.. Magandang gawin ang pagpapaligo sa place of business sa pamamagitan ng pagbubuhos ng tubig na may sabon sa buong paligid hanggang sa mawala ang amoy at maging mabango ang lugar.

2. Kapag tuyo o dry ang place of business, magsaboy ng asin sa paligid.

3. Magsindi ng insenso na hahawakan at maglakad sa buong paligid. Sa gabi, mag-iwan ng nakasinding insenso, ingatan ito kung may baga pa dahil baka mahulog sa bagay na puwedeng magliyab. Gumamit ng metal na bagay o kahit anong hindi nasusunog at sa gitna nito, iwanan ang insenso na may sindi.

4. Inirerekomenda rin na sabayan ito ng panalangin. May tatlong klase ang mga dasal, ang una ay ang mga dasal na itinuro ng Simbahan na puwedeng dasalin.

5. Ang ikalawang klase ng dasal ay ang personal na pagdarasal kung saan binabanggit ang mga kahilingan na galing mismo sa nagdarasal.

6. Ang ikatlong klase ng dasal ay ang magkahalong turo ng Simbahan at personal na panalangin kung saan susundin ang mga prayers ng Simbahan at sisingitan ng personal na kahilingan.

7. Anumang araw sa worm moon, inirerekomenda na maghanda ng mga pagkain kung saan ang mga empleyado, kaibigan, kakilala at suki ay aanyayahan sa munting pagsasalu-salo o puwede ring bongga na mala-fiestang kainan.

Good luck and God bless!