Ugali ni P-Du30, malaking problema ng 'Pinas — Lacson

ni Mary Gutierrez Almirañez | May 11, 2021

Maituturing na malaking problema ng bansa ang pagiging unpredictable ng ugali ni Pangulong Rodrigo Duterte, ayon sa panayam kay Senator Panfilo Lacson ngayong Martes, Mayo 11.

Aniya, "We may have a big problem here because we don’t know at what point he was joking, at what point he was serious. We don’t know any more when he is joking, when he was not."

Paliwanag pa ni Lacson, "That’s a problem because he said he was just joking during the campaign debate that he would ride a jet ski to the West Philippine Sea. After that, he said he actually ordered a secondhand jet ski. At what point was he joking? At what point was he serious? We don’t know anymore, so we have a big problem in our hands."

Sa ngayon ay hindi pa rin daw malinaw kung kailan nga ba nagbibiro si Pangulong Duterte at kung kailan ito seryoso sa mga sinasabi.

Matatandaan na ilang pahayag na rin nito ang nabigyan ng ibang kahulugan ng iba’t ibang kritiko dahil sa ugaling ito ng pangulo.

Lacson sa DOH: Covid vaccines, masasayang lang!

ni Mary Gutierrez Almirañez | May 2, 2021

Hinihikayat ni Senator Panfilo Lacson na paigtingin pa ng Department of Health (DOH) ang ‘information campaign’ hinggil sa mga bakuna kontra-COVID-19 upang mahimok magpabakuna ang publiko.

Aniya, "What our officials including Health Secretary Francisco Duque III should do is to improve the public's trust in vaccines, instead of just announcing when the vaccines will arrive.”

Matatandaang iniulat kahapon ang pagdating ng initial 15,000 doses ng Sputnik V COVID-19 vaccines. Kamakailan lang din nu’ng dumating ang mga bakunang Sinovac at AstraZeneca. Sa kabuuang bilang ay 4,040,600 doses ng mga bakuna na ang nakarating sa bansa.

Samantala, mahigit 1,809,801 indibidwal pa lamang ang mga nabakunahan kontra-COVID-19, kung saan 246,986 ang mga nakakumpleto sa dalawang doses at 1,562,815 naman para sa unang dose.

Paliwanag pa ni Lacson, "If very few Filipinos are willing to be vaccinated, the vaccines that actually arrive may go to waste."

“Kausapin natin ang mga kababayan natin, magkaroon tayo ng information campaign. Magtiwala kayo sa bakuna kasi sa ngayon, wala tayong ibang makakapitan kundi ang bakuna," panawagan pa niya.

Hirit na 'wag choosy sa COVID vaccine, sablay daw... Sen. Ping, sinopla si Roque

ni Ronalyn Seminiano Reonico | January 12, 2021

Bumuwelta si Senator Panfilo Lacson sa naging pahayag ni Presidential Spokesperson Harry Roque na hindi umano puwedeng magpakapihikan ang mga Pinoy sa COVID-19 vaccines.

Saad ni Roque, “Totoo po, meron tayong lahat na karapatan para sa mabuting kalusugan pero hindi naman po puwede na pihikan dahil napakaraming Pilipino na dapat turukan."

Aniya pa, “Wala pong pilian, wala kasing pilitan. Pero magsa-sign ka ng waiver na hindi ka nagpaturok at kapag ikaw ay prayoridad, siyempre, mawawala ang prayoridad mo, sasama ka sa the rest ng taumbayan na naghihintay ng bakuna.

“So, tama lang naman po ‘yan, walang pilitan kasi hindi naman natin makokontrol talaga kung ano ang darating at libre po ito.”

Samantala, post naman ni Lacson sa Twitter, “Cockiness has no place in a pandemic situation. Instead of building people’s confidence by starting with a higher efficacy vaccine and accomplish its intended purpose, to tell them they can’t be choosy is definitely not a smart information campaign to promote mass inoculation.”