VP Sara, certified plantita

ni Angela Fernando - Trainee @News | October 22, 2023

Ibinahagi ni Vice President Sara Duterte sa isang Facebook post ang kanyang hilig sa mga halaman at ang kagustuhang punuin ang kanyang bahay ng mga ito.

Ngayong araw, nag-ikot ang Bise Presidente sa Quezon Memorial Circle upang mamili ng mga halamang maaari niyang ilagay sa kanyang bahay.

"Kamakailan lang, nagdesisyon ako na maglagay ng maraming halaman sa loob ng bahay para mabigyan ito ng vibe na parang nasa gubat. Hindi lang pampaganda, nakakatulong din ang mga halaman sa paglinis ng hangin sa pamamagitan ng paggawa ng oxygen," aniya sa kanyang post.

Ibinahagi rin ni Duterte ang mga uri ng halamang kanyang pinamili at ang mga benefits nito at kung paano ito dapat alagaan.

Move on na sa confi funds — VP Sara

ni Angela Fernando - Trainee @News | October 18, 2023

Hinimok ni VP Sara Duterte ngayong Miyerkules, Oktubre 18, ang kanyang mga tagasuporta na imbes pag-aksayahan ng panahon ang kontrobersiyal na confidential funds, tumutok na lang sa mga pagsubok na kakaharapin ng bansa.

Sabi nito, gusto na raw niyang mag-move forward mula sa kanyang mga isyu tungkol sa confi funds dahil ito umano ay parte ng pamumulitika.

Dagdag ni VP Duterte na naiintindihan daw niya ang galit ng masa sa mga nakaraang isyu ngunit may mga problemang mas dapat bigyan ng atensyon ng mga ito.

Kailangan daw magkaisa ang bawat Pilipino para sa kapakanan ng bayan.

Saad nito, "May oras para sa lahat at hindi ito ang panahon ng paninira at pamumulitika lalo na malayo pa ang susunod na eleksyon."

Walang volunteer work — DepEd.. 30 days bakasyon sa titser, aprub

ni Madel Moratillo @News | September 6, 2023

Tiniyak ni Vice President at Education Secretary Sara Duterte na hindi bibigyan ng anumang volunteer work sa panahon ng kanilang 30-day break pagkatapos ng School Year 2023-2024.

Pagtiyak ng Bise Presidente, kasama na ito sa kanilang End of School Year (EOSY) rights sa official school calendar.

Ang EOSY ang kasalukuyang academic year na itinakda mula Hunyo 17 hanggang Agosto 25 ng 2024.

“We made sure that this year’s school calendar, teachers will have 30 straight days of rest during the break without any DepEd activity that requires volunteer work,” pahayag ni Duterte.

Lahat aniya ng aktibidad na may voluntary participation ay itinakda pagkatapos ng nasabing 30-day break.

Nakatakda aniyang maglabas ang DepEd ng memorandum kung saan pagpapaliwanagin ang mga school head at regional directors kung may mga gurong magrereklamo sa panahon ng 30-day break.