Korupsiyon sa SK, banta sa kinabukasan ng bansa

by Info @Editorial | April 29, 2026

Muli na namang nasubok ang integridad ng Sangguniang Kabataan (SK) matapos mabalitang dalawang SK chairman ang nasangkot sa umano’y korupsiyon. 

Ayon sa ulat, nahaharap sila sa kasong direct bribery at falsification of public documents kaugnay ng kickback at pamemeke ng dokumento. 

Hindi ito simpleng usapin ng pagkakamali—ito ay malinaw na pag-abuso sa kapangyarihan. Nakababahala na sa murang edad, kung kailan dapat hinuhubog ang diwa ng paglilingkod, may mga kabataang lider na agad nahuhulog sa tukso ng katiwalian.

Ang nasabing insidente ay nagsisilbing salamin ng mas malalim na problema. Ipinapakita nito na ang korupsiyon ay hindi lamang umiiral sa matataas na posisyon, kundi maaari ring magsimula sa pinakamababang antas—kung saan dapat sana’y nagsisimula ang pagbabago. 

Kung ang SK ay nagiging “training ground” ng maling gawain, paano natin maaasahan ang mas malinis na pamahalaan sa hinaharap?

Gayunpaman, hindi dapat husgahan ang buong institusyon batay sa iilang kaso. Marami pa ring SK officials ang tapat na naglilingkod. 

Ngunit ang ganitong mga pangyayari ay nagpapakita ng pangangailangan ng mas mahigpit na sistema ng pananagutan, transparency, at tamang paggabay sa mga kabataang lider.

Ang tunay na hamon ngayon ay hindi lamang parusahan ang may sala, kundi tiyakin na hindi na ito mauulit. 

Bata pa, korup na — Jonvic... SK, buwagin

ni Mylene Alfonso @News | April 28, 2026

Photo: Jonvic Remulla - DILG Philippines

Isinusulongg ni Interior and Local Government Secretary Jonvic Remulla ang pagbuwag sa Sangguniang Kabataan (SK) dahil sa pangamba na may ilang kabataang opisyal ang natututo na nang maaga sa korupsiyon.

“Kung magkakaroon ng constitutional change, ire-recommend ko ang abolition ng SK. Nakikita natin na nagiging kultura na mula bata ang corruption,” aniya. 

Ayon pa kay Remulla, mataas ang attrition rate sa mga SK official kung saan kalahati sa mga ito ang umaalis sa kanilang posisyon sa loob pa lamang ng kanilang unang taon dahil sa pag-aasawa, trabaho, o pag-aaral, kaya napipilitan ang mga barangay na magtalaga ng mga officer-in-charge.

Maaari umanong mas epektibo kung magtalaga na lamang ng isang miyembro ng barangay council upang mangasiwa sa mga usaping pangkabataan.

Matatandaang bukas ang Palasyo sa panukalang ipagpaliban ang halalan upang makatipid ng pondo sa gitna ng krisis sa Middle East.

Nakatakda sa Nobyembre 2 ang Barangay at SK Elections.

2023 BSKE, opisyal nang nagtapos — Comelec

Fni Angela Fernando - Trainee @News | November 1, 2023

Opisyal nang natapos ang Barangay at Sangguniang Kabataan Elections (BSKE) matapos tuluyang makumpleto ng Commission on Elections (Comelec) ang pagbibilang ng mga balota sa lahat ng barangay.

Ito ang pahayag ng Comelec chairman na si George Garcia sa kanyang mensahe sa Viber.

Agad namang naiproklama ang mga nanalong kandidato at handa nang maupo liban sa ibang nagkaroon ng pantay na bilang ng boto at kailangan pang palipasin ang 5 araw.

May ilang mga kandidato naman ang sinuspinde ng Comelec.