ni Jenny Albason (OJT) | April 29, 2023
Patay ang isang Ukranian journalist matapos mapatay umano ng mga hinihinalang Russian sniper.
Kinilala ang biktima na si Bogdan Bitik na kinuhang interpreter ng isang Italian reporter na si Corrado Zunino na tinamaan naman sa balikat.
Ayon kay Zunino, dumaan sila sa tatlong checkpoint bago naganap ang insidente.
Umabot sa 15 na media workers at journalist ang nasawi sa sumiklab na kaguluhan sa pagitan ng Ukraine at Russia.
ni Mabel G. Vieron | April 22, 2023
Sa patuloy na pag-atake ng Russia sa Ukraine, napagplanuhan ng South Korea na magsuplay ng mga armas sa Ukraine.
Kaugnay nito, agad namang nagbabala ang Russia sa South Korea.
Matatandaang nagbigay ng non-lethal at humanitarian assistance ang South Korea subalit hindi pa nakapagbibigay ng anumang military aide.
Ani South Korea President Yoon Suk Yeol, bukas umano silang magbigay ng mga armas sa Ukraine.
Samantala, ayon kay Russia President Dmitry Peskov, ang pagbibigay ng military support sa Ukraine ay nangangahulugan ng indirect involvement sa away nila ng Ukraine.
Dagdag pa ni President Peskov, ‘pag ipinagpatuloy ng South Korea ang balak, magsusuplay din ito ng mga armas sa North Korea.
ni Jenny Rose Albason (OJT) | March 25, 2023
Nagbanta ang dating pangulo ng Russia na si Dmitry Medvedev na maaaring ikonsidera ng Moscow ang deklarasyon ng giyera, kung tatangkain na arestuhin si Russian President Vladimir Putin.
Maituturing umano ito na deklarasyon ng giyera laban sa Russian federation kung sakaling pupunta ang kasalukuyang head ng nuclear state sa Germany at doon aarestuhin.
Ayon kay Medvedev, maaari itong maging dahilan ng pagpapadala ng mga rockets patungo sa German federal parliament na Bundestag, sa Chancellor’s Office.
Ginawa umano ng dating Russian leader ang kanyang pahayag matapos na mag-isyu ng warrant of arrest ang International Criminal Court (ICC) laban kay Putin, kaugnay ng pagpapa-deport ng mga batang Ukrainian nationals patungong Russia.
