Ex-PGMA, itinalagang adviser sa Clark projects

ni Lolet Abania | November 26, 2020

Itinalaga ni Pangulong Rodrigo Duterte si dating Presidente Gloria Macapagal-Arroyo bilang adviser sa Clark flagship programs at iba pang proyekto dito, ayon sa Malacañang ngayong Huwebes.

Kinumpirma ito ni Executive Secretary Salvador Medialdea kung saan ang appointment ni Arroyo ay magkakaroon ng compensation umano na P1 kada taon.

Positibo naman ang tugon ng Bases Conversion and Development Authority (BCDA) sa pagkakatalaga kay Arroyo.

"Her wisdom and gravitas will be invaluable in making the vision of Clark as the next premier metropolis of Asia a reality," ayon sa inilabas na statement ng (BCDA). Naging pangulo si Arroyo mula January 2001 hanggang June 2010.

Nagsilbi siya ng tatlong magkakasunod na termino bilang congresswoman sa second district ng Pampanga at naging Speaker mula 2018 hanggang 2019.

P1-B tulong ng gobyerno sa College Education ng mga anak ng OFWs

ni Twincle Esquierdo | September 1, 2020

Isang bilyong piso ang ilalaan ng gobyerno bilang tulong para tustusan ang pag-aaral sa kolehiyo ng mga anak ng Overseas Filipino Workers (OFWs) na lumikas dahil sa pandemya.

Ayon kay Pangulong Rodrigo Duterte, ang bawat OFW na kuwalipikado ay mabibigyan ng college level beneficiary at maaaring mag-enroll kung saan man nito gusto para sa school year 2020 hanggang 2021.

Saad ng pangulo, “The aid for education is a one-time grant of P30,000. The project will be allotted with the amount of P1 billion which will benefit about 33,000 students,”

Sa record ng Department of Foreign Affairs (DFA), halos 124,000 OFWs ang umuwi sa bansa bunsod ng COVID-19 pandemic na maaaring makatanggap ng naturang pinansiyal na tulong.