Ilang lugar sa Manila at QC, balik-lockdown

ni Ronalyn Seminiano Reonico | March 9, 2021

Isinailalim sa localized lockdown ang ilang lugar sa Manila at Quezon City dahil sa patuloy na paglala ng kaso ng COVID-19.

Nilagdaan ni Manila Mayor Isko Moreno ang executive order kung saan nakasaad na isasailalim sa strict lockdown ang 2 barangay at 2 establisimyento simula sa March 11, alas-12:01 AM hanggang March 14, alas-11:59 PM.

Ayon kay Moreno, ang mga sumusunod na lugar ang ila-lockdown:

• Barangay 725 na mayroong 14 active cases;

• Barangay 351 San Lazaro, Tayuman, na mayroong 12 cases;

• Barangay 699, Malate Bayview Hotel Mansion; at

• Barangay 699, Hop Inn Hotel

Mahigpit na ipagbabawal ang paglabas ng mga residente sa mga naturang barangay.

Samantala, exempted sa naturang lockdown ang mga health workers, police at military personnel; government employees; service workers (pharmacies, drug stores, at death care service establishments), barangay officials; at media practitioners na accredited ng Presidential Communications Operations Office and the Inter-Agency Task Force.

Ayon din kay Moreno, nakapagtala ang Manila Health Department ng 154 new active cases at ang total number ng mga aktibong kaso ay 988.

Samantala, sa Quezon City, ayon sa lokal na pamahalaan, 12 na lugar sa 11 barangays ang isinailalim sa special concern lockdown sa loob ng 14 araw at ang mga ito ay ang mga sumusunod:

• Ilang lugar sa Durian Street, Barangay Pasong Tamo simula noong February 25;

• L. Pascual Street, Barangay Baesa simula noong February 26;

• De Los Santos Compound, Heavenly Drive, Barangay San Agustin simula noong March 1;

• No. 46 K-9th Street, Barangay West Kamias expanded to No. 46-50, K-9th Street, Barangay West Kamias simula noong March 3 at 8;

• 49 & 51 E Rodriguez Sr. Ave., Barangay Doña Josefa simula noong March 4;

• Paul Street at Thaddeus Street, Jordan Park Homes Subdivision, Doña Carmen, Barangay Commonwealth simula noong March 4;

• No. 237 Apo Street, Barangay Maharlika simula noong March 4;

• No. 64 14th Avenue, Barangay Socorro simula noong March 6;

• No. 64-B Agno Extension, Barangay Tatalon simula noong March 7;

• No. 90 Gonzales Compound, Barangay Balon Bato simula noong March 8;

• No. 2A – 4 K-6th, Barangay West Kamias simula noong March 8; at

• Portion of Sitio 5, Jose Abad Santos, Barangay Sta. Lucia simula ngayong araw, March 9.

Saad pa ng QC local government, “Mamamahagi ang lokal na pamahalaan ng food packs at essential kits para sa mga apektadong pamilya at sila ay isasailalim sa swab testing at mandatory 14-day quarantine.”

KyusiPass contact tracing app, required na sa QC

ni Mary Gutierrez Almirañez | March 8, 2021

Kailangan nang gamitin ng mga empleyado at konsumer ang KyusiPass contact tracing app tuwing pupunta sila sa mga establisimyento sa Quezon City.

Layunin nitong mapadali ang paghahanap sa mga naging close contact ng isang indibidwal na nagpositibo sa COVID-19, ayon sa pahayag ng pamahalaang lungsod noong Biyernes, ika-5 ng Marso.

Ayon kay Mayor Joy Belmonte, maaaring ma-access at makapagparehistro sa SafePass website, SafePass Facebook chatbot at text messages.

Aniya, “Digital copies of these logs should be readily available to the City Epidemiology and Disease Surveillance Unit (CESU) for any given time should contact tracing be necessary. We are very alarmed by the latest spike in cases and we will not allow this surge to continue. We do not want to experience the ordeal of having all our hospitals overwhelmed by patients, so we will employ all means to stop it.”

Dagdag pa niya, “For clarity, a lessee inside a larger establishment, like individual stores inside malls, should have its own contact tracing log.” Samantala, sa mga establisimyento namang gumagamit pa rin ng manual contract tracing form ay hinihikayat niyang pagamitin o pagdalahin ng kani-kanilang sariling panulat ang mga magsusulat sa form.

Kaugnay nito, ipinagbabawal pa rin sa lungsod ang pagbubukas ng mga indoor cinemas, video/interactive game arcades, theme parks/funfair, beerhouse, nightclubs, videoke/KTV bar, kids amusement center, daycare at playhouse.

Ipinaalala rin ng alkalde ang one seat apart sa mga pampublikong transportasyon at ang pagbabawal na maglamay sa bawat tahanan.

Sa ngayon ay mahigit 3,000 katao ng Barangay Disiplina Brigade Program ang lumahok sa Department of Public Order and Safety upang boluntaryong tumulong sa pagpapatupad ng mga ordinansang may kinalaman sa COVID-19.

P1,000 multa sa mga pasaway sa health protocol sa QC

ni Ronalyn Seminiano Reonico | March 6, 2021

Nagbabala ang Quezon City local government sa mga pasaway sa health protocols at pagmumultahin ng aabot sa P1,000 ang sinumang lalabag sa mga ipinatutupad na ordinansa upang mapigilan ang paglobo ng kaso ng COVID-19.

Saad ni QC Mayor Joy Belmonte, “Marami sa ating mga kababayan ang hindi sineseryoso ang ating mga ordinansa ukol sa ating health protocols. Now, we will give them a reason to take this very seriously as we won’t be lenient this time around.”

Kabilang umano sa mga pagmumultahin ay ang mga hindi nagsusuot ng face masks sa pampublikong lugar.

Ayon pa sa lokal na pamahalaan, “Ordinances SP-2957, S-2020 and SP-2985, S-2020 — which mandates the wearing of face masks in public places and directing all those below 15 years old to remain at home, respectively – both impose a fine of P300, P500 and P1,000, for the first, second and third offenses, respectively.”

Binalaan din ni Belmonte ang mga establisimyentong lumalabag sa health protocols kabilang na ang mga hotels na ginagamit bilang quarantine facilities para sa mga overseas Filipino workers (OFWs).

Aniya, “There were reports that some quarantine hotels allow patients to leave the quarantine premises even before they finish the required quarantine period.”

Ayon naman kay Dr. Rolly Cruz, head of the City Epidemiology and Disease Surveillance Unit (CESU), “If the need arises, the CESU can initiate the filing of cases against violators of quarantine, isolation, and other health protocols.”

Nagbibigay din ang pamahalaang lokal ng Ordinance Violation Receipt (OVR) sa mga lumabag sa health protocols upang mabigyan ng pagkakataong makapagbayad sa loob ng 5 araw.

Pinag-aaralan naman ng city government ang pagsuspinde ng police clearance, occupation permit, barangay clearance, at hawkers’ permit sa mga indibidwal at establisimyento na hindi magbabayad ng multa na nakasaad sa OVR.

Samantala, dahil sa patuloy na pagtaas ng kaso ng COVID-19, mananatiling nakasara ang indoor cinema, video/interactive game arcade, at theme park/funfair sa Quezon City.

Ayon pa sa lokal na pamahalaan, mananatiling sarado ang mga beerhouse, nightclub, videoke/KTV bar; at kids amusement center, daycare, at playhouse.