Selebrasyon ng Chinese New Year, mapayapa — PNP

ni Jasmin Joy Evangelista | February 2, 2022

Naging mapayapa umano ang selebrasyon ng Chinese New Year sa bansa matapos na ipagbawal ang festivities dahil sa banta ng COVID-19, ayon sa Philippine National Police (PNP).

“The Chinese New Year celebration was generally peaceful,” ANI PNP chief PGen. Dionardo Carlos sa isang pahayag.

“No one is exempted from our health protocol. Just like last January 1, we discouraged the gathering of people since the threat of COVID-19 is still everywhere,” dagdag niya.

Ayon kay Carlos, may ilang Chinese temples na sumunod sa kanilang New Year rituals pero hindi binuksan sa publiko.

Hindi rin umano magarbo ang selebrasyon ngayong taon kumpara sa mga nagdaang taon, ““the simple celebration still became meaningful because no untoward incident was recorded nationwide.”

Gayunman, sinabi ng PNP chief na patuloy ang pagmo-monitor ng kapulisan sa public establishments kahit pa ibinaba na sa alert level 2 ang ilang lugar, kabilang ang Metro Manila.

1,036 lugar sa bansa, naka-granular lockdown — PNP

ni Jasmin Joy Evangelista | January 31, 2022

Nasa 1,036 lugar sa bansa ang nasa ilalim ng granular lockdown, ayon sa Philippine National Police (PNP).

Sa monitoring bulletin ng PNP, 404 dito ay mino-monitor ng Police Regional Office (PRO) sa Cordillera, 252 sa region 1, 173 sa Calabarzon, at 152 sa Region 2.

Samantala, sa National Capital Region (NCR) na ngayon ay nasa ilalim ng Alert Level 2, mayroong 14 lugar na naka-granular lockdown.

Noong Huwebes, 853 lamang ang mga lugar na nasa ilalim ng granular lockdown sa buong bansa.

Nasa 33 cities at municipalities at 399 barangays ang mayroong ipinapatupad na granular lockdowns.

Karamihan sa mga barangay ay mula sa Region 1, at sinunand ng Cordillera na may 103.

Mayroon namang 1,320 households at 2,512 indibidwal na apektado ng naturang quarantine restriction.

Ang Cordillera ang may pinakamaraming bilang ng households at indibidwal na nasa ilalim ng granular lockdown na may 551 at 1,022.

Ang mga Local government units (LGUs) ang nagdedesisyon kung ipapatupad o ili-lift ang granular lockdown sa isang bahay, compound, street, o building base sa bilang ng reported COVID-19 patients.

PNP nagtalaga ng 14 bagong general

ni Jasmin Joy Evangelista | January 28, 2022

Itinalaga ni Philippine National Police (PNP) Chief Dionardo Carlos ang 14 PNP senior officials sa kanilang bagong ranggo nitong Miyerkules.

Na-promote sa 2-star rank ng police major general sina Ronaldo Olay, director for logistics; Valeriano de Leon, director for operations; at Rex Urbano, deputy inspector general of the Internal Affairs Service (IAS).

Na-promote naman sa one-star rank ng police brigadier general sina Roderick Augustus Alba, chief of public information office; Andre Dizon, senior executive assistant of the PNP chief; Lyndon Mencio, executive officer of Area Police Command-Western Mindanao; Dexter Rellora, executive officer of directorate for plans; Joel Limson, deputy regional director for administration of Police Regional Office 8 (Eastern Visayas); Baltazar Rivera, deputy regional director for administration of Police Regional Office 4B (Mimaropa); Joaquin Alva, secretary of the directorial staff; Ernesto Tendero Jr., chief of staff of Philippine National Police Academy; Ferdinand Navarro, regional director of IAS Region 11 (Davao); Pablo Labra II, deputy regional director for administration of Police Regional Office Bangsamoro Autonomous Region; at Bowenn Joey Masauding, executive officer of directorate for comptrollership.

Sa kabuuan ay mayroon nang 139 generals sa hanay ng PNP.

“You were promoted to a higher rank of great importance because of your dedication, consistency, persistence and commitment to public service,” ani Carlos sa mga newly promoted generals.

“May this significant breakthrough in your careers inspire you to become better public servants and police officers as we sustain the efforts of good governance and our tireless pursuit of excellence and integrity,” dagdag niya.