PCG, naiwasan ang mga barkong China, matagumpay na narating ang Ayungin Shoal

ni Angela Fernando - Trainee @News | November 12, 2023

Napasok nang ligtas ng Philippine Coast Guard (PCG) ang Ayungin Shoal nu'ng Biyernes matapos nilang matagumpay na maiwasan ang 15 barkong China Coast Guard at barkong militia.

Dalawang bangka na magsu-suplay sa BRP Sierra Madre ang binantayan ng PCG.

Isang barkong pandigma nu'ng World War II din ang naka-ground mula pa ng taong 1999 ang nagsisilbing simbolo ng pangangalakal ng 'Pinas sa West Philippine Sea.

Kinumpirma ni PCG Commandant Admiral Ronnie Gil Gavan na nagging maayos ang nangyaring misyon kahit na sinubok ng China na manggulo at harasin ang routine resupply sa BRP Sierra Madre.

Sa nasabing pangyayari, tinignan at sinuri din ng PCG-AFP ang apat na People Liberation Army Navy vessels, kasama na ang isang barkong ospital at bangkang misayl na nasa teritoryo ng Ayungin Shoal.

P29.3-B budget para sa mga barko ng PCG, oks sa NEDA

ni Angela Fernando - Trainee @News | November 10, 2023

Inaprubahan ng National Economic Development Authority Board ang Phase 3 ng Maritime Safety Capability Improvement Project ng Philippine Coast Guard na nagkakahalaga ng P29.3-bilyon nu'ng Nobyembre 9.

Popondohan ang proyektong limang bagong multi-role response vessels (MRRVs) sa official development assistance (ODA) loan mula sa pamahalaan ng Japan.

Ayon sa Balisacan, mapapabuti ng proyektong ito ang kakayahan ng PCG na harapin ang mga banta sa maritime jurisdiction ng bansa.

Kinumpirma rin ng Balisacan na maaaring gamitin ang mga barko para sa resupply missions na makakatulong sa kapakanan ng mga mamamayan.

Mga mangingisda, nagprotesta kontra China

ni Angela Fernando - Trainee @News | November 6, 2023

Naglayag ang isang grupo ng mga mangingisda sa San Salvador, Masinloc dala ang isang effigy na may katagang "Atin ang 'Pinas" bilang protesta sa ginawang paglabag ng China sa West Philippine Sea.

Nagdulot ng matinding gutom at galit sa mga mangingisda ang patuloy na panggigipit ng China, ayon sa asosasyon ng mga mangingisda ng Masinloc.

Ayon sa konsehal ng barangay at paparating na kapitan ng isla ng San Salvador na si Richard Pascual, umaasa ang kanilang mamamayan at ang isla sa karagatan.

Hindi naman kinalimutan ng mga mangingisdang magpasalamat sa lokal na pamahalaan, kay Presidente Bongbong Marcos, at sa PCG para sa patuloy na paglaban sa kanilang karapatan sa WPS.