Mahigit 97% ng langis mula sa MTKR Terranova, narekober na

ni Angela Fernando @News | September 13, 2024

Umabot na sa 97.43% ng langis mula sa lumubog na Terranova motor tanker sa Limay, Bataan ang narekober na at 55,512 litrong kargang langis ang nawawala, ayon sa Philippine Coast Guard (PCG) nitong Biyernes.

Sinabi ng PCG na batay ito sa huling inspeksyon sa ground zero na isinagawa nu'ng Huwebes. Ayon sa ulat ng contracted salvor na Harbor Star, sinabi ng PCG na kabuuang 1,415,954 litro ng langis at 17,725 kilo ng solidong oily waste ang narekober mula sa lumubog na motor tanker.

Base sa Harbor Star, ang natitirang 55,512 litro, na katumbas ng 2.57% ng kabuuang kargang langis, ay nawala dahil sa iba't ibang salik tulad ng biodegradation, pagkakawala sa hangin, pagsipsip ng sorbent booms, at sludge na hindi na ma-pump mula sa mga tangke.

Samantala, sinabi pa ng PCG na isinagawa rin ng salvor ang final stripping operation upang matiyak na walang laman ang mga kargamentong oil tanks para sa nalalapit na salvage operation ng MTKR Terranova.

CCG, humarang sa survey ship ng 'Pinas patungong BDM

ni Angela Fernando - Trainee @News | April 15, 20244

Humarang ang isang barko ng Chinese Coast Guard (CCG) at sinundan ang barko ng National Mapping and Resource Information Authority (NAMRIA) na BRP Hydrographer Ventura at ang barko ng Philippine Coast Guard (PCG) na BRP Gabriela Silang habang ang mga barko ng 'Pinas ay patungong Bajo de Masinloc (BDM).

Patungo ang barko sa BDM o mas kilalang Scarborough Shoal upang magsagawa ng hydrographic survey sa lugar.

"China’s clearly sending a message maybe in the wake of the other things that have been happening including this trilateral summit that China is being especially aggressive and making the point that it believes in this 9-dash claim," saad ng international advocacy group SeaLight Director na si Ray Powell.

Nakumpirma namang ang barko ng CCG ay humarang sa mga barko ng 'Pinas na may 35 nautical miles mula sa baybayin ng Luzon o hangganan ng nine-dash line ng China, lokasyon na nasa loob ng exclusive economic zone (EEZ) ng bansa.

CCG, may delikadong maniobra vs vessel ng 'Pinas

ni Angela Fernando - Trainee @News | March 22, 2024

Nagpahayag ang Armed Forces of the Philippines (AFP) nitong Sabado na ang China Coast Guard (CCG) ay nagkaroon ng isang mapanganib na maniobra laban sa isang sasakyang pandagat ng 'Pinas na nasa resupplying mission patungong Ayungin Shoal.

Naglabas ang AFP ng ilang larawan at video ng nasabing insidente na nangyari nitong 6:00 ng umaga.

Ang mapanganib na maniobra ay ginawa ng sasakyang pandagat ng CCG na BN21551, ayon sa AFP.

Ang nasabi namang sasakyang pandagat ng bansa na Unaizah May 4 (UM4) ay ang parehong sasakyan na nasira sa pag-atake ng water canon ng CCG nu'ng Pebrero.