'Pag napatunayan daw guilty sa war on drugs…Duterte kay Trillanes: Kung makulong, eh di makulong

ni Ronalyn Seminiano Reonico | December 17, 2020

Handang makulong si Pangulong Rodrigo Duterte kung sakaling mapatunayan ng International Criminal Court's Office of the Prosecutor na may kriminalidad na naganap sa kanyang ipinatupad na war on drugs.

Pahayag ng pangulo, "Ba't mo ako takutin na magpreso? If it's my destiny magpreso ako, then magpreso ako. Kung may ginawa kami, sige. Kung makulong, eh, di makulong.”

Ito'y kaugnay ng naging pahayag ni former Senator Antonio Trillanes sa Twitter na, “Statement re: latest ICC report: “The time for reckoning is near for Mr. Duterte, his cohorts and enablers. They have to answer for the thousands of Filipino lives killed during his brutal war on drugs.

“Duterte may try to ignore the jurisdiction of ICC over him, but deep inside he knows that he cannot get away from this one. Having profiled Duterte, I am sure nanginginig na 'yan sa takot.”

Buwelta naman ni P-Duterte kay Trillanes, “Trillanes, alam mo, ‘pag nakita ko ‘yung pangalan mo, nakikita ko tae ng aso. Everytime I look at you, you’re shit of a dog.”

Aniya pa, “Tapos, sabi niya, tuturo rito, drug lord dito, drug lord doon. Pati ‘yung anak ko na maliit, dalagita. Ano’ng nangyari? Wala, ni isa. May napakulong ka ba, Trillanes? Sino, sino napakulong mo? Nandiyan pa rin sila.

“Ako, wala akong ipinakulong pero wala na sila. Ikaw, daldal, nandiyan pa sila. Ako, nagdadaldal, tapos wala na sila. Ewan ko kung saan pumunta ang mga p—ng inang ‘yan.”

Panawagan din ng pangulo sa publiko, “‘Wag kayong maniwala riyan sa opposition.

Walang ginawa ‘yan, gusto lang ‘yan bumalik kasi kung maaari lang ibigay ko na lang para hindi na sisirain ang Pilipino, hindi na tayo masira. Ibigay ko na lang.

“Tama ang sabi ni Bong [Go], 'If you want to appear white, you paint the other person black.' Pinturahan mo ng itim at ika’y puputi… ‘yan ang ginagawa nila. Pinipinturahan kami ng itim para bumango sila, maputi sila.”

P148 Bilyon sa 2020 national budget, di pa nagagamit

ni Thea Janica Teh | December 16, 2020

Inaprubahan ng House of Representatives ngayong Miyerkules ang pagpapalawig ng validity ng 2020 national budget at Bayanihan to Recover as One Act (Bayanihan 2) hanggang sa susunod na taon.

Sa plenary session, sumang-ayon ang mga mambabatas sa pagbabago ng Senado sa House Bill 6656 na palawigin ang validity ng national budget hanggang Disyembre 31, 2021.

Kaya naman, inaprubahan din ng mga ito ang House Bill 8063 na naglalayong magamit ang budget ng Bayanihan 2 hanggang June 30, 2021.

Nitong Disyembre 14, sinabihan ni Pangulong Rodrigo Duterte ang mga mambabatas na ayusin na ang pagpapalawig ng validity upang masiguro na hindi maaantala ang mga proyekto sa pagpuksa sa COVID-19.

Kung hindi man ito naaprubahan, ang natirang budget ay mapupunta na sa National Treasure.

Samantala, as of November 30, nasa P110 bilyon pa sa ilalim ng 2020 budget ang hindi pa nagagamit at P38 bilyon naman sa ilalim ng Bayanihan 2, ayon kay Sen. Sonny Angara.

‘Pinas, nakikipag-ugnayan na sa mga gumagawa ng COVID-19 vaccines

ni Ronalyn Seminiano Reonico | November 24, 2020

Nakikipag-ugnayan na ang Pilipinas sa ilang producers ng COVID-19 vaccines katulad ng Sinovac, AstraZeneca, at Pfizer, ayon sa vaccine czar na si Secretary Carlito Galvez, Jr. sa naganap na national speech ni Pangulong Rodrigo Duterte ngayong Lunes nang gabi.

Aniya, “Meron po tayong 17 na vaccines na ina-analyze and then, ito po ‘yung isinabmit po natin dati. Sa 17 po na ito, siyam po rito ang nasa c at lima ang magta-trial po rito sa Pilipinas kasama na po ang Sinovac, Janssen… Ang Janssen po, ‘yun po ‘yung Johnson & Johnson, and then Gamaleya, AstraZeneca at saka ito pong CanSino.”

Aniya pa, “Sa ngayon po, puwede na po tayong… nagne-negotiate na po tayo sa apat na malalaking kumpanya, kasama na po ang Sinovac from China, AstraZeneca, at saka po ‘yung Pfizer.

“Sa AstraZeneca po, puwede na po tayong magkaroon ng tinatawag na advanced commitment by November. Meron po tayong tinatawag na negotiation at ang kanilang quota po, malaki po na 20 million doses at ang AstraZeneca po, maganda po kasi non-profit po ang sa kanya at pinakamababa po ‘yung kanyang presyo, more or less five dollars lang po. At medyo maganda na po ang discussions.” Saad pa ni Galvez,

“Maganda rin po dahil g-to-g na rin po ang ginagawa nating transactions katulad po ng nangyari sa AstraZeneca, pumunta po rito ang kanilang minister, ang kanilang foreign minister at nakipag-usap po sa amin ni SFA, ni Secretary Locsin at saka ni SOH at handa po sila na kapag nag-roll out po ‘yung kanilang kumpanya sa British government, pupunta po rito ‘yung mga military at saka mga logistic personnel po nila para tulungan tayong mag-roll out din dito.”

Bukod sa AstraZeneca ay nakikipag-ugnayan na rin ang mga opisyal sa manufacturers ng Sinovac at Pfizer. Saad pa ni Galvez, “Just in case na makuha po natin ‘yung tatlong ito, makakabuo po tayo ng 60 million next year, so ibig sabihin, meron na po tayong magandang mga vaccine na nakita natin na safe, cost effective, at saka po… maganda ang kanilang performance.”