Ugali ni P-Du30, malaking problema ng 'Pinas — Lacson

ni Mary Gutierrez Almirañez | May 11, 2021

Maituturing na malaking problema ng bansa ang pagiging unpredictable ng ugali ni Pangulong Rodrigo Duterte, ayon sa panayam kay Senator Panfilo Lacson ngayong Martes, Mayo 11.

Aniya, "We may have a big problem here because we don’t know at what point he was joking, at what point he was serious. We don’t know any more when he is joking, when he was not."

Paliwanag pa ni Lacson, "That’s a problem because he said he was just joking during the campaign debate that he would ride a jet ski to the West Philippine Sea. After that, he said he actually ordered a secondhand jet ski. At what point was he joking? At what point was he serious? We don’t know anymore, so we have a big problem in our hands."

Sa ngayon ay hindi pa rin daw malinaw kung kailan nga ba nagbibiro si Pangulong Duterte at kung kailan ito seryoso sa mga sinasabi.

Matatandaan na ilang pahayag na rin nito ang nabigyan ng ibang kahulugan ng iba’t ibang kritiko dahil sa ugaling ito ng pangulo.

Jinping, protektor ni P-Du30 — Carpio

ni Mary Gutierrez Almirañez | May 10, 2021

Nakikita ni Pangulong Rodrigo Duterte si Chinese President Xi Jinping bilang ‘personal protector’ nito, ayon sa pananaw ni retired Supreme Court Senior Associate Justice Antonio Carpio ngayong araw, May 10.

Aniya, "I think that is what’s behind his mind, that President Xi Jinping is his personal protector against his own military if there is a coup d’etat, so he will side, whenever possible, with China against the Philippine interest and we see that every day."

Matatandaan naman nu’ng 2018 nang igiit ni Pangulong Duterte kay President Jinping na, "We will not allow you to be taken out from your office, and we will not allow the Philippines to go to the dogs."

Sa ngayon ay patuloy pa rin ang usapin hinggil sa West Philippine Sea (WPS) laban sa China. Nakatakda namang magkaroon ng debate sa pagitan nina Carpio at Spokesperson Harry Roque tungkol sa WPS, kung saan ang Philippine Bar Association (PBA) ang magiging host.

Dagdag pa ni Carpio, "The head of state like the President if he makes a statement adverse to his nation on an ongoing dispute, that statement binds his nation if accepted by the other country. So when President Duterte said that award is just a scrap of paper, I will throw it to the wastebasket, that can be deemed an abandonment and if China agrees… China will later say: 'You already abandoned it.'"

Kaugnay iyon sa sinabi ni Pangulong Duterte na isa lamang papel ang ‘arbitral victory’ ng ‘Pinas sa WPS at madaling ibasura ang sinulatang papel, na labis ikinabahala ng mga kritiko.

“When the President says that, it sends a signal to the service contractors: They are in danger if they go to the West Philippine Sea. It sends a signal to our fishermen: Their lives are in danger,” pag-aalala pa ni Carpio.

'Yung aprub daw ng FDA... VP Robredo, magpapabakuna na kontra COVID-19

ni Mary Gutierrez Almirañez | May 09, 2021

Nakahanda nang magpaturok kontra-COVID-19 si Vice-President Leni Robredo gamit ang bakunang may emergency use authorization (EUA) mula sa Food and Drug Administration (FDA), batay sa naging pahayag niya sa kanyang weekly radio program.

Aniya, “'Pag hindi natin tangkilikin ‘yung may EUA, parang walang saysay tuloy ang FDA. Kaya tayo may regulatory agencies kasi sila ang experts. Sila ang may capacity na mag-assess, may obligasyon na siguruhin ang makakapasok sa bansa ay dumaan sa rigorous na assessment."

Matatandaan namang nagpabakuna kamakailan si Pangulong Rodrigo Duterte gamit ang Sinopharm ng China, kahit na hindi pa iyon nagagawaran ng EUA.

Pagpaparinig pa ni VP Robredo, "Kung public official ako, nagpaturok ako, tapos ipinahayag ko in public, in a way ipino-promote mo ‘yung klase ng bakunang itinurok sa 'yo. Tapos, kung ang ipino-promote mo, walang EUA, mahirap ‘yun kasi parang mockery ‘yun ng existing regulatory agencies natin."

Sa ngayon, ang mga bakunang may EUA pa lamang ay ang Pfizer, AstraZeneca, Sputnik V, Sinovac, Johnson & Johnson, Bharat Biotech at Moderna.

Nilinaw pa ni VP Robredo na hinihintay na lamang niya ang kanyang ‘turn’ upang mabakunahan sa hanay ng mga may comorbidity.

"Alam ko naman na puwede na akong magpabakuna. Pero gusto ko lang siguruhin na wala akong maagawan na iba na dapat mas nauna sa 'kin," dagdag niya.