Kahulugan ng hinabol ng baka at bulldog

ni Estrellia de Luna @Panaginip Gabay ng Buhay | June 16, 2024

Analisahin natin ang panaginip na ipinadala ni Rudolf ng Batangas 

Dear Maestra,

Napanaginipan ko na pumunta ako sa pastulan ng baka, pero nang makita ako ng baka, agad niya akong hinabol. Kaya naman napilitan tuloy akong bumalik sa bahay upang maiwasan lamang ito. Kaya lang pagdating ko sa bahay, hinabol naman ako ng alaga kong bulldog, at kinagat ako.

Ano ang ibig sabihin ng panaginip ko?

Naghihintay,

Rudolf

---

Sa iyo, Rudolf,

Ang ibig sabihin ng panaginip mo na pumunta ka sa pastulan at hinabol ka ng baka ay babala na may paparating na gulo sa buhay mo. Masasangkot ka sa isang kaguluhan. Ngunit, huwag kang masyadong malungkot dahil hindi naman magtatagal ang kaguluhang nabanggit. Matatapos at masosolusyunan mo rin agad ito. 

Samantala, ang umuwi ka sa bahay upang makaiwas sa baka, pero pagdating mo sa bahay ay hinabol ka naman ng alaga mong bulldog ay paalala na kung sino pa ‘yung kaibigan mo na inaakala mong lihim na kaaway ay siya pa palang tapat, maaasahan at handa kang damayan sa lahat ng sandali.

Ang kinagat ka ng bulldog ay senyales na mali ang himala mo sa iyong mga kaibigan, ito rin ay paalala na ‘wag maging judgemental. 

Matapat na sumasaiyo,

Maestra Estrellia de Luna

Iba't ibang kahulugan ng train

ni Estrellia de Luna @Panaginip Gabay ng Buhay | June 15, 2024

Analisahin natin ang panaginip na ipinadala ni Norma ng Ilocos Sur.

Dear Maestra,

Madalas kong mapanaginipan ang train, at naglalakbay umano ako sa iba't ibang lugar. Ano ang ibig sabihin nito?

Naghihintay,

Norma

---

Sa iyo, Norma, 

Kung sa panaginip mo ay nakasakay ka sa train, ang ibig sabihin nito ay hindi ka na makakaalis sa kasalukuyan mong kalagayan sa buhay. Mananatili kang nakatali sa mga gawaing bahay kasama ang iyong asawa.

Kung ikaw naman ay single pa, maoobliga ka na maging breadwinner. Mawawalan ka na rin ng time maglibang at mamasyal. 

Subalit, kung sa panaginip mo ay nakita mo ang train, ngunit hindi ka sumakay, ito ay senyales na maglalakbay ka sa malayong lugar o kaya naman ay lilipat ka ng bagong tirahan.

Samantala, ang madalas kang managinip ng naglalakbay sa iba't ibang lugar ay pahiwatig na may panibago kang negosyong papasukin, at bibitawan mo na ang dati mong negosyo.

Pero, kung maganda at kalugud-lugod ang paglalakbay mo, ang panibagong negosyong ay magiging tagumpay.

Kung pangit at nakakainip ang paglalakbay mo, ito ay babala na ang negosyo mong papasukin ay hindi magiging maayos, at marami kang magiging problema rito.

Matapat na sumasaiyo,

Maestra Estrellia de Luna

Kahulugan ng ham at beans

ni Estrellia de Luna @Panaginip Gabay ng Buhay | June 14, 2024

Analisahin natin ang panaginip na ipinadala ni Lolit ng Candaba, Pampanga.

Dear Maestra,

Ano ang ibig sabihin ng panaginip ko na kumakain ako ng ham? Isa pa, madalas ko ring mapanaginipan ang beans.

Ano kaya ang ipinahihiwatig nito?

Naghihintay,

Lolit

---

Sa iyo, Lolit,

Hindi maganda ang ipinahihiwatig ng panaginip mo na kumakain ka ng ham, ito ay makakaranas ka ng kalungkutan ngunit huwag ka mag-alala dahil pansamantala lamang ito.

Gayunman, hindi rin maganda ang ipinahihiwatig ng beans. Kung kinakain mo ito sa iyong panaginip, ito ay babala na masasangkot ka sa gulo. Pero, kung ang beans naman ay nakatanim, ito ay paalala na madadamay ka sa gulo dahil sa mga kaibigan mo.

Matapat na sumasaiyo,

Maestra Estrellia de Luna