Kahulugan ng naligaw sa siyudad

ni Estrellia de Luna @Panaginip Gabay ng Buhay | July 5, 2024

Analisahin natin ang panaginip na ipinadala ni Bernard ng Masbate.

Dear Maestra,

Napanaginipan ko na pumunta ako sa isang siyudad, ngunit naligaw ako dahil first time ko lang nakarating doon. May nakita akong mga batang naglalaro, pero hindi naman ako makapagtanong sa kanila dahil alam kong mga bata pa sila, at sure akong hindi pa nila kabisado ang siyudad na iyon.

Ano ang ibig sabihin ng panaginip ko?

Naghihintay,

Bernard

---

Sa iyo, Bernard,

Ang panaginip mo na pumunta ka sa isang siyudad at naligaw ka dahil first time mo lang nakarating doon ay senyales na ang kasalukuyan mong pinaplano ay magkakaroon pa ng mga pagbabago.

Samantala, ang nakakita ka ng mga batang naglalaro, pero hindi mo naman sila matanong dahil alam mong ‘di nila kabisado ang siyudad na pinuntahan mo ay nangangahulugan na magtatagumpay ka sa negosyo kahit hirap na hirap ka na, ito rin ay nagpapahiwatig na liligaya ka sa buhay may asawa, at susuwertehin din ang inyong mga anak. 

Matapat na sumasaiyo,

Maestra Estrellia de Luna

Pahiwatig na malapit nang yumaman

ni Estrellia de Luna @Panaginip Gabay ng Buhay | July 4, 2024

Analisahin natin ang panaginip na ipinadala ni Efren ng Tayabas, Quezon.

Dear Maestra,

Napanaginipan ko na bumili ako ng maraming kastanyas. Pagdating ko sa bahay, kumuha ako ng uling upang maluto ko na ang kastanyas. 

Ano ang ibig sabihin ng panaginip ko?

Naghihintay,

Efren

---

Sa iyo, Efren,

Ang bumili ka ng maraming kastanyas, at agad mo itong niluto ay nagpapahiwatig na makakaranas ka ng magagandang bagay, at matatapos na rin sa wakas ang matinding pagsubok na iyong nararanasan. Mapapalitan na ito ng magagandang pangyayari sa susunod na kabanata ng iyong buhay.

Samantala, ang kumuha ka ng uling ay senyales na kikita ka ng malaki sa mga bagay na pinagkakaabalahan mo, at unti-unti ka na ring yayaman.

Matapat na sumasaiyo,

Maestra Estrellia de Luna

Iba’t ibang kahulugan ng aso at ahas

ni Estrellia de Luna @Panaginip Gabay ng Buhay | July 3, 2024

Analisahin natin ang panaginip na ipinadala ni Arlene ng Cebu.

Dear Maestra,

Madalas kong mapanaginipan ang aso at ahas. Ano ang ibig sabihin ng mga panaginip ko?

Naghihintay,

Arlene

---

Sa iyo, Arlene,

Depende sa aso ang ibig sabihin ng panaginip mo. Kung ang aso ay tumatahol, ito senyales na malalampasan mo ang pinakamalaking pagsubok sa iyong buhay. 

Kung ito ay friendly at kakawag-kawag ang buntot, ito ay nagpapahiwatig na magiging maligaya ka sa darating na mga araw. Sunud-sunod na magagandang pangyayari ang mararanasan mo.

Samantala, ang ahas naman ay sumisimbolo sa kaaway na nagnanais na pabagsakin ka. 

Kung sa panaginip mo napatay mo ang ahas, ito ay nangangahulugan na may kakayahang kang talunin ang iyong mga kaaway. 

Kung may karelasyon o kasama naman ang ahas, ito ay babala ng pagkakaroon ng karibal o kaagaw sa puso ng iyong minamahal. 

Ang ahas ay simbolo rin ng sexual desire, gusto mo nito pero mas nangunguna ang takot at pag-aalala mo. 

Matapat na sumasaiyo,

Maestra Estrellia de Luna