Kahulugan ng photo album at naalala ang yumaong kapatid

ni Estrellia de Luna @Panaginip gabay ng buhay | Pebrero 7, 2024

Analisahin natin ang panaginip na ipinadala ni Lorry Ann ng Pasay City. 

Dear Maestra,

Napanaginipan ko na kinuha ko ang photo album namin, at bigla ko tuloy naalala ‘yung namatay kong kapatid, namatay siya habang nakikipag-inuman sa kanyang mga barkada. Matapos nu’n ay agad din akong nakatulog, ngunit dahil sa litratong nakita ko, binangungot ako. Ano ang ibig sabihin ng panaginip ko ?

Naghihintay,

Lorry Ann

Sa iyo, Lorry Ann,

Ang ibig sabihin ng panaginip mo na kinuha mo ang family album n’yo, tiningnan mo ang mga litrato n’yo roon ay babala na masasangkot ka sa isang gulo dahil sa kagagawan ng mga kaibigan mo na may lihim na inggit sa iyo. Maging mapagmatyag ka sa iyong paligid, at huwag na huwag magtitiwala sa mga kaibigan.

Samantala ang binangungot ka dahil naalala mo ang kapatid mong namatay ay nangangahulugan na sunud-sunuran ka sa isang taong malaki ang naging utang na loob mo.

Hindi ka makapalag sa lahat ng inuutos niya. Dapat mo na siyang iwasan. Lumayo ka na sa kanya para hindi maging miserable ang buhay mo. Mamuhay ka ng may sariling paninindigan at huwag umasa sa impluwensya ng iba.

Matapat na sumasaiyo,

Maestra Estrellia de Luna

Sign na matutupad ang pangarap

ni Estrellia de Luna @Panaginip gabay ng buhay | Pebrero 5, 2024

Analisahin natin ang panaginip na ipinadala ni Siony ng Capiz.

Dear Maestra,

Napanaginipan ko na inabutan ako ng bestfriend ko ng puting papel at nakatiklop ito ng maayos. Nang buksan ko ito, agad kong nalanghap ang napakabangong amoy.

Nilagyan niya pala kasi ito ng pabango. 

Ano ang ibig sabihin ng panaginip ko?

Naghihintay,

Siony

Sa iyo, Siony,

Ang panaginip mo na inabutan ka ng puting papel na nakatiklop ng maayos, ito ay nangangahulugan ng kaligayahan at katuparan ng mga pangarap mo sa buhay, makakatulong mo ang kaibigan mong lalaki na matagal nang may pagtingin sa iyo.

Tutulungan ka niyang abutin ang iyong pangarap at susuportahan ka niya financially. Kung sakaling tatanggapin mo kanyang pag-ibig, tiyak na ikakasal kayo.

Samantala, ang nilagyan ng pabango ang puting papel ay nangangahulugan na magtatagumpay ka sa lahat ng pangarap mo sa buhay.

Matapat na sumasaiyo,

Maestra Estrellia de Luna

Sign na matatagpuan na ang dream girl

ni Estrellia de Luna @Panaginip gabay ng buhay | Pebrero 4, 2024

Analisahin natin ang panaginip na ipinadala ni Manolito ng Baguio.

Dear Maestra,

Napanaginipan ko na nakatayo ako sa ilalim ng oak tree. May peacock akong nakita, at humanga ako sa ganda ng mga pakpak nito. Dahil sa kalibangan, hindi na ako umuwi sa bahay namin. 

Ano ang ibig sabihin ng panaginip ko?

Naghihintay,

Manolito

Sa iyo, Manolito,

Ang panaginip mo na nakatayo ka sa ilalim ng oak tree ay depende kung ang oak tree ay mayabong maganda, matatag, matibay, malago at may sariwang dahon, ito ay nangangahulugan na uunlad ang iyong negosyo. Ito rin ay nagpapahiwatig na magiging maligaya ka sa piling ng iyong pamilya. Dadami ang iyong kaibigan na kasing dami ng mga berdeng dahon ng oak tree.

Ngunit, kung ang oak tree ay matanda, hindi na malago at tuyot na ang mga dahon, ito ay babala ng kalungkutan. May mga sagabal ka pang haharapin, at madami ka pang pagsubok na daranasin. 

Samantala, ang peacock na may magandang pakpak ay nangangahulugan na magiging matatag ang iyong kabuhayan. Igagalang at titingalain ka sa lipunang iyong ginagalawan. 

Kung bata at wala ka pang asawa, ito naman ay senyales na matatagpuan mo na ang iyong dream girl. Kabilang siya sa mayayamang angkan. Ngunit, alam mo kung ano pa ang nakagugulat? Magkaibigan na kayo sa kasalukuyan at natitiyak kong mauuwi sa kasalan ang iyong relasyon. Hahangaan at titingalain kayo sa lugar n’yo.

Matapat na sumasaiyo,

Maestra Estrellia de Luna