Kahulugan ng dinalaw ang kapatid

ni Estrellia de Luna @Panaginip gabay ng buhay | Pebrero 14, 2024

Analisahin natin ang panaginip na ipinadala ni Lolit ng Tondo, Manila.

Dear Maestra,

Napanaginipan ko na dinalaw ko ‘yung kapatid ko. Nagdala ako ng cake bilang pasalubong sa kanya. Nadatnan ko na hirap na hirap siya sa pag-aalaga sa kanyang baby. Iyak nang iyak ang baby niya, kaya nilaru-laro ko ito, matapos ko itong mapatawa, hiniwa ko naman ang cake na dala ko at sabay namin itong pinagsaluhan. 

Ano ang ibig sabihin ng panaginip ko ?

Naghihintay,

Lolit

Sa iyo, Lolit,

Ang panaginip mo na dinalaw mo ang iyong kapatid, nagdala ka ng cake bilang pasalubong, at kinain n’yo, ito ay senyales na hindi mo agad masasagap ang suwerte.

Kailangan mo munang magtiyaga para maisakatuparan mo ang iyong pinapangarap. 

Ang umiyak na baby ay nangangahulugan na may paparating na problema sa iyong buhay. Makararanas ka ng kapighatian at mga pagsubok sa kasalukuyan. 

Samantala, ang napatawa mo ang baby ay nagpapahiwatig na marami kang tapat na kaibigan. Maasahan mo sila sa sandali ng kagipitan, at handa ka nilang tulungan.

Matapat na sumasaiyo,

Maestra Estrellia de Luna

Sign na mamamasyal at magliliwaliw kasama ang mahal sa buhay

ni Estrellia de Luna @Panaginip gabay ng buhay | Pebrero 11, 2024

Analisahin natin ang panaginip na ipinadala ni Jonathan ng Capiz.

Dear Maestra,

Napanaginipan ko na nagpunta ako sa gubat. May dala akong pana at ginamit ko ito habang pinapakawalan ko ang pana sa ere. Nagulat ako nang may bigla ring nagpalipad ng pana. Hindi lang pala ako nag-iisa sa gubat na iyon. May dala din siyang pana at kasama sa napana ay ang aking paa. 

Ano ang ibig sabihin ng panaginip ko?

Naghihintay,

Jonathan

Sa iyo, Jonathan,

Ang ibig sabihin ng panaginip mo na nagpunta ka sa gubat, ginamit mo ang pana mo ay palatandaan na may paparating na kasiyahan sa buhay mo. Mamamasyal at magliliwaliw ka kasama ang mga mahal mo sa buhay.

Samantantala, ang may ibang tao rin pala sa gubat at napana ang iyong paa ay nagpapahiwatig na may kaaway ka na naghahangad na pabagsakin ka. Hindi siya titigil hangga’t ‘di ka niya nagagapi. Maging maingat ka dahil nasa tabi-tabi lang ang iyong kaaway.

Matapat na sumasaiyo,

Maestra Estrellia de Luna

Kahulugan ng nakalbo at nabulag

ni Estrellia de Luna @Panaginip gabay ng buhay | Pebrero 10, 2024

Analisahin natin ang panaginip na ipinadala ni Jenny ng Cabanatuan, Nueva Ecija. 

Dear Maestra, 

Isa akong single at kasalukuyan ding mayroong breast cancer. 

Napanaginipan ko na nakalbo at nabulag ako dahil sa chemotherapy. Dumating ‘yung friend ko na matagal nang nanliligaw sa akin, at dinalaw niya ako sa hospital. 

Ano ang ibig sabihin ng panaginip ko? 

Naghihintay, 

Jenny

Sa iyo, Jenny, 

Ang ibig sabihin ng panaginip mo na nakalbo at nabulag ka dahil chemotherapy ay kakailanganin mo ang tulong ng matalik mong kaibigan. Hindi mo kayang lutasin ang problema mo. Tutulungan ka niya at patuloy mo pa rin siyang maaasahan sa mga sikreto mo.

Samantala, ang dinalaw ka sa hospital ng kaibigan mong matagal nang nanliligaw sa iyo ay nagpapahiwatig na hindi ka na makakapag-asawa. Wala kang magiging asawa’t anak na pagsisilbihan at aalagaan. 

Matapat na sumasaiyo, 

Maestra Estrellia de Luna