Pahiwatig ng magandang future at matutupad na ang pangarap

ni Maestra Estrellia de Luna @Panaginip Gabay ng Buhay | July 13, 2024

Analisahin natin ang panaginip na ipinadala ni Riza ng Taguig.

Dear Maestra,

Madalas kong mapanaginipan ang gift box at bracelet. Ano ang gustong ipahiwatig ng mga panaginip ko?

Naghihintay,

Efren

---

Sa iyo, Efren,

Kung ang gift box sa panaginip mo ay naglalaman ng magaganda at mamahaling bagay ito ay senyales na magiging maganda ang future mo, at matutupad lahat ng pinapangarap mo. 

Kung ang gift box naman ay walang laman, at napagtripan ka lang bigyan ay babala ng kamalasan sa buhay, at magiging mailap ang magandang kapalaran sa iyo.

Samantala, ang bracelet ay may iba't iba ring kahulugan. Kung sa panaginip mo ay may nagbigay sa iyo ng bracelet, at siya mismo ang nagsuot nito sa braso mo, ito ay nangangahulugang maiinlab ka sa babaeng bago mong kakilala.

Kung ikaw naman mismo ang nagsuot ng bracelet sa braso mo, ito ay senyales na makakapag-asawa ka ng mayaman. Pero kung may asawa ka na, ito ay tanda na makakahawak ng malaking halaga ang asawa mo, at may tsansa pa siyang tumama sa lotto o manalo sa raffle draw.

Matapat na sumasaiyo,

Maestra Estrellia de Luna

Tanda na makakapangibang-bansa

ni Maestra Estrellia de Luna @Panaginip Gabay ng Buhay | July 12, 2024

Analisahin natin ang panaginip na ipinadala ni Riza ng Taguig.

Dear Maestra,

Napanaginipan ko na natanggap ako sa trabahong inaplayan ko. Tuwang-tuwa ako dahil akala ko hindi na ako matatanggap. Limang interview din ang pinagdaanan ko at lahat ‘yun ay mahihirap. 

Ano ang ibig sabihin ng panaginip ko?

Naghihintay,

Riza 

---

Sa iyo, Riza,

Ang ibig sabihin ng panaginip mo na natanggap ka sa trabahong inaplyan mo ay mabuting kapalaran. Susuwertehin ka na sa buhay, at sunud-sunod na magagandang kapalaran ang nakalaan sa iyo. 

Ang tuwang-tuwa ka dahil akala mo ay hindi ka makakapasa sa interview ay senyales ng kayamanan at magandang kalusugan. Yayaman at magkakapera ka na. Isa ka sa magiging tagapagmana ng namatay mong kamag-anak.

Samantala, ang limang beses kang dumaan sa interview ay nangangahulugan na makakapag-abroad ka. Riza, may posibilidad na makapangibang-bansa ka. 

Ang bilang na lima ay nagpapahiwatig na susuwertehin ka sa negosyong may kinalaman sa transportasyon, computer at mga modernong gadget tulad ng cellphone, tablet at iba pang electronic devices na uso ngayon.

Matapat na sumasaiyo,

Maestra Estrellia de Luna

Babala na malulugi ang negosyo

ni Estrellia de Luna @Panaginip Gabay ng Buhay | July 11, 2024

Analisahin natin ang panaginip na ipinadala ni Lorna ng Naic, Cavite.

Dear Maestra,

Napanaginipan ko na nagselos ako sa kapitbahay namin na palaging nakadungaw sa bintana lalo na kapag nakikita ang dyowa ko. Napansin ko rin na palagi siyang nagsusuot ng seksing mga damit para lang magpapansin sa dyowa ko.

Noong nakaraang gabi naman, napanaginipan ko na pinagseselosan ako ng bestfriend ko dahil tingin nang tingin sa akin ang dyowa niya kapag nagkaroon kami ng bonding moment kasama ang iba pa naming barkada.

Ano ang ibig sabihin ng panaginip ko?

Naghihintay,

Lorna

---

Sa iyo, Lorna,

Ang ibig sabihin ng panaginip mo na nagseselos ka sa kapitbahay n’yo dahil palagi siyang nakadungaw sa bintana at nagsusuot pa ng mga seksing damit para lang magpapansin sa dyowa mo ay kaguluhan at pagkabalisa sa buhay. Masasangkot ka sa gulo, hindi na magkakaroon ng katahimikan ang buhay mo, at makakaranas ka pa ng pagkabalisa at pag-aalala. 

Pero kung may negosyo ka na, ito ay babala na magkakaproblema ka sa pera dahil sa kapabayaan ng taong pinagkakatiwalaan mo, hanggang sa tuluyang malugi ang negosyo mo.

Samantala, ang ikaw naman ang pinagseselosan ng bestfriend mo dahil tingin nang tingin sa iyo ang dyowa niya tuwing may bonding moment kayo ng mga barkada mo ay senyales na magkakaroon ng hindi pagkakaunawaan ang barkada mo.

Matapat na sumasaiyo,

Maestra Estrellia de Luna