Sign na magiging isa sa pinakamayamang tao

ni Maestra Estrellia de Luna @Panaginip Gabay ng Buhay | September 4, 2024

Analisahin natin ang panaginip na ipinadala ni Efren ng Masbate.

Dear Maestra,

Napanaginipan ko na umakyat ako sa hagdan. Nang marating ako sa huling baitang, bigla akong nahilo. Nasira ang hagdan, at tuluyan akong nahulog.

Ano ang ibig sabihin ng panaginip ko?

Naghihintay,

Efren

---

Sa iyo, Efren,

Ang ibig sabihin ng panaginip mo na umakyat ka sa hagdan ay magiging maganda ang future mo. 

Kung may karelasyon ka, ito ay tanda na matutupad n’yo na ang inyong mga pangarap. 

Kung may negosyo ka naman, ito senyales na uunlad ito nang uunlad hanggang sa yumaman, at tingalain ka sa lugar n’yo. 

Samantala, ang bigla kang nahilo nang makarating ka sa huling baitang ay nagpapahiwatig na magiging isa ka sa pinakamayaman. Dahil sa sobrang yaman, maaadik ka sa bisyo, at darating sa puntong wawaldasin mo lang ang iyong kayamanan hanggang sa maubos ito, at bumalik ka muli sa dati mong kalagayan. 

Ang nasira ang hagdan, at nahulog ka ay nangangahulugan na tuluyan kang mawawalan ng pag-asa sa buhay, at mahihirapan kang abutin ang iyong mga pangarap. 

Matapat na sumasaiyo,

Maestra Estrellia de Luna

Kahulugan ng alahas at bisikleta

ni Maestra Estrellia de Luna @Panaginip Gabay ng Buhay | September 3, 2024

Analisahin natin ang panaginip na ipinadala ni David ng Eastern Samar.

Dear Maestra,

Madalas kong mapanaginipan ang alahas at bisikleta. Ano ang ibig sabihin ng mga panaginip ko?

Naghihintay,

David

---

Sa iyo, David,

Maganda ang ibig sabihin kung madalas kang managinip ng alahas. Kung sa panaginip mo may nagbigay sa iyo ng alahas, ito ay nangangahulugan na makakaramdam ka ng matinding pagnanasa sa isang babae. Maiinlab ka nang todo sa kanya, hanggang sa mauwi ito sa kasalan. ‘Wag kang mag-alala dahil magiging maligaya ang pagsasama n’yo.

Samantala, kung kampante kang nakasakay sa bisikleta, ito ay tanda na malalampasan mo ang papadating na problema sa iyong buhay.

Pero kung hirap na hirap ka sa pagpipidal ng bisikleta, ito ay babala na may magtatangkang sirain ang reputasyon mo. Hindi siya titigil hangga’t di ka niya napapabagsak. 

Matapat na sumasaiyo,

Maestra Estrellia de Luna

Kahulugan ng barrel, basin at basket

ni Maestra Estrellia de Luna @Panaginip Gabay ng Buhay | September 2, 2024

Analisahin natin ang panaginip na ipinadala ni Elvie ng Cavite.

Dear Maestra,

Ano ang ibig sabihin ng barrel, basin at basket sa panaginip?

Naghihintay,

Elvie

---

Sa iyo, Elvie,

Ang kahulugan ng barrel ay depende kung may laman ito o wala. Kung sa panaginip mo ay may laman ito, ibig sabihin ay matutupad mo na ang pinakamimithi mong pangarap sa buhay.

Pero kung wala itong laman, ito ay babala ng kabiguan. Mabibigo ka sa mga binabalak mong gawin.

Ang basin naman lalo na kung ito ay may pagkain, ito ay senyales na maiinlab ka sa bago mong kakilala, pero infatuation lang iyong mararamdaman, dahil lilipas din agad ito. 

Samantala, ang basket na walang laman ay halos kapareho lang din ng kahulugan ng barrel na walang laman. 

Subalit, ang basket na may laman, ito ay tanda na malalampasan mo na ang mga pagsubok sa iyong buhay.

Matapat na sumasaiyo,

Maestra Estrellia de Luna