Lalaking 2 beses mabibigo sa pag-ibig

ni Maestro Honorio Ong @Kapalaran ayon sa Palad | Enero 26, 2024

KATANUNGAN

1. Hindi pa ako nagkaka-girlfriend, kaya nais ko malaman kung sino sa dalawang babaeng nililigawan ko ang magiging nobya ko? ‘Yung una ay si Ms. Leo, isinilang noong August 19, 2002 habang ‘yung pangalawa ay si Ms. Libra, isinilang noong September 30, 2004. Sino sa kanila ang magiging first girlfriend ko? Ang birthday ko ay September 16, 1999. 

2. Maestro, ngayong taon kaya ako susuwertehin sa pag-ibig?

KASAGUTAN

1. Ayon sa iyong mga datos, Jeric, dalawang kabiguan sa pag-ibig ang nakatakda sa iyong harapan na inilarawan ng dalawang bilog na hugis o island sa kaliwa at kanan mong Heart Line (Drawing A. at B. h-h arrow a. at b.).

2. Ibig sabihin, ang unang kabiguan ay mild lang ang sakit na mararamdaman mo. Kung saan, masasabing mabibigo ka pero hindi naman gaano katindi o kalakas ang impact ng kalungkutan. At ito ang nakatakdang mangyari sa 2 dalagang nililigawan mo. Ano pa’t safe nating sabihing magiging girlfriend mo sila, lalo na siyang may birthday na September 30, 2004, subalit dahil hindi mo naman siya tunay na katugma o ka-compatible, pagkatapos ng mga ilang buwan,  magugulat ka dahil biglang magbabago ang damdamin niya para sa iyo at ang dating mainit na suyuan ay mauuwi rin sa wala. Puwede rin nating sabihing panandalian lang, pero matapos ang isang buwan, maglalaho at matutunaw na rin ang nabuong ugnayan.

3. Gayunman, pagkatapos ng mga ilang buwang kalungkutan, madali ka namang makaka-recover, pagkalipas ng ilang buwan si Ms. Leo naman na isinilang noong August 19, 2002 ang magiging girlfriend mo, pero tulad ng naranasan mo kay Ms. Libra hindi rin magtatagal ang inyong relasyon na inirepresenta ng ikalawang maliit na bilog o island sa Heart Line (Drawing A. at B. h-h arrow b.) sa kaliwa at kanan mong palad.

MGA DAPAT GAWIN

1. Matapos mong mabigo kina Ms. Libra at Ms. Leo, sino ang susunod mong magiging girlfriend? Malinaw ang sagot d’yan, ayon sa iyong mga datos, Jeric, matapos kang mabigo sa dalawang nabanggit na babae, magkaka-girlfriend ka ng isang babaeng may zodiac sign na Cancer, kung saan ang inyong relasyon ay medyo magtatagal, pero hindi rin siya ang iguguhit ng kapalaran sa kaisa-isa at magandang mong Marriage Line (Drawing A. at B. 1-M arrow c.).

2. Bagkus ang sakto at pangmatagalan mong magiging girlfriend hanggang sa tuluyang mapangasawa na inilarawan ng kaisa-isa mong Marriage Line (Drawing A. at B. 1-M arrow c.) ay ang babaeng may zodiac sign na Taurus, na nakatakdang mangyari at maganap sa taong 2027, sa edad mong 28 pataas. Kung saan sa panahong iyon, makakapag-asawa ka na at tulad ng nasabi na, sa piling ng babaeng may zodiac sign na Taurus, makakabuo kayo ng isang maunlad, maligaya at panghabambuhay na pamilya.

Wa’ travel line, tanda na ‘di na dapat mag-apply sa abroad

ni Maestro Honorio Ong @Kapalaran ayon sa Palad | Enero 24, 2024

KATANUNGAN

1. Last year, nag-training ako bilang caregiver. Aalis na sana ako nang bigla akong nagkasakit, kaya hindi natuloy ang pag-alis ko patungong abroad. Nawawalan na tuloy ako ng pag-asa, at mag-iisang taon na rin akong walang trabaho.

2. Sa tingin n’yo, Maestro, makakaalis pa kaya ako rito? Matagal na kasi akong walang trabaho, hanggang sa naisip kong bumalik na lang sa dati kong pinapasukang amo bilang kasambahay, doon kasi libre pa ang lahat, kaya nakakapag-ipon pa ako, ‘yun nga lang ay stay-in ako roon.

3. Maestro, may Travel Line ba ang aking palad o wala lang talaga akong pag-asang makapag-abroad, kaya ibinabalik na lang ako sa dati kong trabaho? 

KASAGUTAN

1. Tama ang desisyon mong bumalik na lang sa dati mong amo, nangyaring ganu’n dahil sa kasalukuyan ay wala namang malinaw na Travel Line (Drawing A. at B. t-t arrow a.) sa kaliwa at kanan mong palad, kung kaya’t tama ang binabalak mong bumalik sa dati mong trabaho kaysa patambay-tambay ka lang ngayon at walang ginagawa.

2. At tulad ng nasabi na, bumalik ka sa dati mong trabaho, ang pinakamaganda mong dapat gawin ay habang nagtatrabaho ka, mag-ipon ka nang mag-ipon dahil sabi mo nga nakakapag-ipon ka naman du’n. At sa sandaling nakapag-ipon ka na, ang una mong dapat gawin ay magnegosyo, sapagkat mas nagtataglay ka ng malinaw at makapal na Business Line (Drawing A. at B. N-N arrow b.) sa kaliwa at kanan mong palad.

3. Ibig sabihin, higit kang aasenso sa pagnenegosyo ng mga produktong may kaugnayan sa butil, at basic needs na pang-araw-araw na pangangailangan ng mga tao, tulad ng bigas, asukal, kape, mantika, delata, at iba pang uri nito. Kaya tama na magnegosyo ka, kaysa ipagpilitan mo ang iyong sarili sa pangingibang-bansa na malabo namang mangyari sa kapalaran mo dahil nga wala pa namang nakikitang malinaw na Travel Line sa iyong palad, (t-t arrow 1.)

DAPAT GAWIN

1. Kaya nga ayon sa iyong mga datos, Daisy, huwag mo na munang asahan o isipin ang pangingibang-bansa. Sa halip, pumasyal ka na sa dati mong amo at muli kang bumalik sa dati mong trabaho.

2. Sa ganyang paraan sa pamamagitan ng muling pamamasukan bilang kasambahay at sa pag-iipon, darating din ang panahon na kapag may sapat ka ng puhunan, tuluy-tuloy nang lalago ang inyong kabuhayan hanggang sa yumaman ka, na magsisimulang mangyari sa taong 2036, sa edad mong 41 pataas, (Drawing A. at B. H-H arrow c.).

Pagnenegosyo, bagay sa bebot na libra at taong sais

ni Maestro Honorio Ong @Kapalaran ayon sa Palad | Enero 21, 2024

KATANUNGAN

1. Ang problema ko ay tungkol sa trabaho. Ang nangyari kasi sa pinapasukan ko, mula nang mapalitan ang aming manager, sinisiraan na ako ng bago naming manager sa may-ari ng kumpanya dahil matagal na ako rito, samantalang siya ay kadarating palang. Ang lamang niya sa akin ay kamag-anak niya ang may-ari. Madalas tuloy kaming magkasagutan at ang dati kong kasamahan na dati ring loyal sa akin, ngayon ay sa kanya na sumisipsip.

2. Kaya tinatamad na akong magtrabaho. Sa totoo lang, hindi na ako masaya rito, balak ko na sanang mag-resign at magpatayo na lang ng sarili kong business na bakery o bake shop.

3. Maestro, tama ba ang desisyon ko na mag-resign? More than six years na ako rito pero ‘di man lang ako umaasenso at wala rin akong naipon dahil ‘di rin naman kalakihan ang sinusuweldo ko. 

4. Kung sakaling magnegosyo na lang ako, may pag-asa kaya akong yumaman na siya talagang pangarap ko?

KASAGUTAN

1. Kung inaasar ka ng mga kasamahan mo r’yan sa opisina na pinaglilingkuran mo, at ang sabi mo pa ay madalas mong makabangga ang bago n’yong manager na kamag-anak pala ng may-ari, tama lang ang desisyon mo na mag-resign at magpatayo ng sarili mong negosyo na siya namang nais ipahiwatig at ipagawa sa iyo ng mas malinaw at makapal na Business Line (Drawing A. at B. N-N arrow a.) sa kaliwa at kanan mong palad, kung ikukumpara sa maganda rin naman pero hindi masyadong makapal na Fate Line or Career Line (Drawing A. at B. F-F arrow b.) sa kaliwa at kanan mong palad. Ito ay malinaw na tanda na higit ka ngang aasenso sa pagbubukas ng sarili mong business na may kaugnayan din sa kasalukuyan mong trabaho at larangan na may kaugnayan sa pagkain. 

2. Ang pag-aanalisang sa produkto o kalakal na pagkain ka aasenso ay madali namang kinumpirma ng zodiac sign mong Libra sa birth date na 6 kung saan, bagay na bagay nga sa isang “Venusian personality” na tulad mo, lalo na’t kung may pagka-chubby ka, ang mga gawaing may kaugnayan sa pagluluto, pagbe-bake at sa pagma-manage ng masasarap, makulay, matamis at masusustansiyang pagkain, tiyak na uunlad at aasenso ang itatayo mong bagong negosyo.

MGA DAPAT GAWIN

1. Kung ikaw ay isang babaeng maputi, mahaba ang buhok, bilugan ang mukha, sexy at maganda, tulad ng nasabi na, under ka ng tinatawag na “Venusian type of personality”. Dahil dito, susuwertehin ka sa negosyong may kaugnayan sa pagkain na nagkataon pang ika’y isang Libra na may birth date na 6 sa destiny number na 9.

2. Samantala, sa pagpapatayo ng sariling business, isaalang-alang mo ang kulay na pink o pula at iba pang kulay na hinango sa pula. Gayundin ang pagdidispley ng mga sariwang halaman at mga bulaklak sa paligid ng iyong bakery.

3. Sa ganyang paraan, ayon sa iyong mga datos, Jhie. Sa buwan ng Setyembre o Oktubre ay magsisimula ka na ng sarili mong business, humigit kumulang mga 6-7 years from now, aasenso na ang sarili mong negosyo at sa nasabing panahon, pagtuntong mo naman sa edad na 42 pataas, magsisimula ka na ring umunlad nang umunlad hanggang sa tuluyan mo na ring matupad ang pangarap mong yumaman, (Drawing A. at B. H-H