Umabot sa sa Thailand... 7.7 lindol sa Myanmar, mga building gumuho

ni BRT @Overseas News | Mar. 29, 2025

File Photo: Magnitude 7.7 earthquake sa Myanmar na umabot sa Thailand - Lillian Suwanrumpha / AFP

Isang malakas na lindol ang yumanig sa central Myanmar kahapon, Marso 28.

Ayon sa United States Geological Survey (USGS), naitala ang magnitude 7.7 na lindol na may lalim na 10 km (6.2 miles) at nasundan pa ng mga malalakas na aftershock.

Na-trace ang epicenter ng pagyanig 17.2 kilometro mula sa Lungsod ng Mandalay, ang ikalawang malaking lugar sa Myanmar na may populasyon na 1.5 milyon.

Sa social media posts ng Mandalay, Myanmar, nag-collapse ang mga gusali at nagbagsakan ang mga debris sa ancient royal capital ng bansa.

Nasira rin sa pagyanig ang mga kalsada sa kabisera ng Naypyidaw, mga gusali, at nagdulot ng paglabas ng mga tao sa kalye sa kalapit na bansang Thailand.

Gumuho rin ang isang itinatayong gusali sa Bangkok, Thailand.

Wala pa namang opisyal na ulat ukol sa mga nasawi, nasugatan at laki ng pinsala.

Israel, lumala ang pag-atake sa Gaza sa gitna ng tigil-putukan

ni Angel Fernando @News | Jan. 16, 2025

Photo File: AFP / Circulated

Pinaigting pa ng Israel ang mga pag-atake sa Gaza ilang oras matapos ianunsyo ang kasunduan ng tigil-putukan at pagpapalaya ng mga bihag, ayon sa mga residente at opisyal sa Palestinian enclave.

Ang komplikadong kasunduang ito sa pagitan ng Israel at ng militanteng grupong Hamas, na may kontrol sa Gaza, ay inilabas nu'ng Miyerkules matapos ang ilang buwang pag-uusap ng Qatar, Egypt, at United States (US).

Layon ng nasabing kasunduan na tapusin ang 15-buwang matinding karahasan na sumira sa coastal territory at nagpalala ng tensyon sa Middle East.

Malakas na hangin, nagpalala sa LA wildfire

by Angela Fernando @Overseas News | Jan. 12, 2025

Photo: Los Angeles wildfire - Circulated

Nagpatuloy ang paglaban ng mga bumbero sa tumitinding sunog sa Palisades, Los Angeles, nitong Sabado habang pinalakas ang operasyon sa ere at lupa.

Gumamit ng tubig at fire retardant ang mga aircraft upang pigilan ang pagkalat ng apoy patungong silangan sa kabila ng banta ng malalakas na hangin na aabot sa 70 mph (110 kph).

Sa nakalipas na 24 oras, kumalat ang Palisades Fire sa karagdagang 1K acres (400 hectares), kung saan marami pang mga bahay ang natupok, ayon sa mga opisyal.

Anim na sunog ang sabay-sabay na sumiklab sa iba't ibang bahagi ng Los Angeles County simula pa nu'ng Martes, na nagresulta sa pagkamatay ng hindi bababa sa 16 katao hanggang Sabado ng gabi, ayon sa ulat ng Washington Post at iba pang media, batay sa Los Angeles County medical examiner’s office.

Hindi pa naman maabot ng Reuters ang coroner para sa karagdagang detalye. Ayon sa Cal Fire, nasa 12,000 istruktura na ang nasira o nawasak ng mga sunog. Tinatayang nasa 13 katao ang nawawala pa rin.

Sinabi ng opisyal na si Todd Hopkins, 11% pa lamang ng Palisades Fire ang nakokontrol ngunit umabot na ito sa mahigit 22,000 ektarya ang nasunog.

Inaasahan pang tataas ang bilang ng mga nasawi sa sandaling makapagsagawa na ng house-to-house search ang mga bumbero.