FPRRD, pormal nang kinasuhan ng 3 counts of murder — ICC

by Info @News | September 23, 2025

Photo: International Criminal Court (ICC)

Pormal nang naghain ng three counts of murder ang International Criminal Court (ICC) laban kay dating Pangulong Rodrigo Duterte.

Iniugnay ng ICC si Duterte sa hindi bababa sa 78 biktima na pinatay o na-target noong panahon niya bilang alkalde at bilang presidente.

Sa unang count, nakapaloob ang patayan sa Davao City kung saan 19 ang biktima sa pagka-alkalde ni Duterte.

Kabilang naman sa ikalawang count ang pagpatay sa 14 na itinuturing na “high-value targets” sa kanyang termino bilang Pangulo sa pagitan ng taong 2016 at 2017.

Nasa ikatlong count nakapaloob ang murders at attempted murders sa mga barangay clearance operation kung saan 45 ang biktima mula 2016 hanggang 2018.

Sa “Document Containing the Charges”, sinabi ng ICC na si Duterte ay criminally responsible bilang isang indirect co-perpetrator, o sa pamamagitan ng pag-uutos, pag-uudyok, at pagtulong at pagsang-ayon sa isang "common plan" na isinasagawa ng mga awtoridad ng estado at mga miyembro ng tinatawag na Davao Death Squad.

Nakatakda sanang gawin ngayong Martes, Setyembre 23, ang confirmation of hearing charges laban kay Duterte pero ipinagpaliban ito matapos igiit ng kampo nito na wala siya sa tamang kalagayan para sumailalim sa trial.

Dating director ng WHO nanawagang mailaganap ang tobacco harm reduction sa Asia-Pacific

ni Chit Luna @News | September 20, 2025

Photo File: World Health Organization (WHO)

Nanawagan ang isang kilalang global health expert ng bagong estratehiya para sa tobacco harm reduction sa Asia-Pacific, ang rehiyon na may pinakamataas na bilang ng naninigarilyo sa buong mundo.

Sa webinar ng Asia Forum on Nicotine (AFN) noong Agosto 17 na may temang “The WHO FCTC, 20 years on,” sinabi ni Professor Tikki Pang, senior global health consultant ng Center for Healthcare Policy and Reform Studies sa Jakarta at dating Director ng Research Policy sa WHO, na kailangan ang mas ligtas na alternatibo para mabawasan ang pagkamatay.

"The fact is that Asia-Pacific, specifically Asia, has the highest number of global tobacco users. The number is staggering. It is 781 million people. That represents 63 percent of the global total of people who use tobacco," ayon kay Nancy Loucas, executive coordinator ng Coalition of Asia-Pacific Tobacco Harm Reduction Advocates (CAPHRA).

Binatikos ni Loucas ang agenda ng darating na WHO Framework Convention on Tobacco Control (FCTC) conference sa Nobyembre, na umano’y mali ang pag-dismiss ng harm reduction bilang isinusulong lang ng industriya.

"Despite the fact that Article 1 of the convention implicitly includes harm reduction as a component of tobacco control, there is a failure to acknowledge and support the use of safer alternative tobacco products as an important strategy and tool to end smoking," sabi ni Pang.

"Despite the overwhelming evidence of the safety, efficacy and cost-effectiveness of these products, and the fact that 130 million people are actually using these safer alternatives, the WHO, FCTC and the COP have adopted a very strong anti-tobacco harm reduction stance, actually stating that these products are as harmful as combustible cigarettes and calling on its member states to ban them and actually giving awards to countries which have done so,” kanyang dagdag.

Bawat taon, humigit-kumulang 8 milyong tao ang namamatay dahil sa smoking-related diseases, karamihan mula sa low- at middle-income countries. "The Asia-Pacific region bears a very significant burden of these harmful effects of smoking," aniya.

Sa halip na maghintay ng pagbabago mula sa WHO, iminungkahi ni Pang na bumuo ang mga tagapagtaguyod ng harm reduction ng malayang plataporma na nakabatay sa ebidensya, katulad ng International Federation of Pharmaceutical Manufacturers and Associations (IFPMA).

"In the years that I've become a supporter for tobacco harm reduction… I have been struck by the support the cause has received from many quarters," ani Pang.

"Reflecting on that, I sometimes wonder, we can't all be wrong. The second reflection comes from Alex Wodak in Australia, and I quote Alex, 'WHO's position on this issue is now as irrelevant as the position of governments in Eastern Europe and the Soviet Union in the 1980s on the future of central command economies. WHO's position will collapse at some point, but I don't know when,” kanyang sabi.

Eksperto: WHO, bigong tugunan ang paninigarilyo sa loob ng 2 dekada

ni Chit Luna @News | August 23, 2025

Photo File: World Health Organization (WHO)

Iginiit ng mga eksperto na hindi naging epektibo ang polisiya ng World Health Organization (WHO) sa pagkontrol ng tabako, dahil halos walang naging pagbabago sa bilang ng naninigarilyo kahit mahigit dalawang dekada na mula nang ipatupad ang Framework Convention on Tobacco Control (FCTC).

Sa 2025 Global Forum on Nicotine (GFN) sa Poland, sinabi ng mga panelist na ang mahigpit na pagbabawal ng WHO ay hindi tumutugma sa mga estratehiyang nakabatay sa ebidensya para sa harm reduction — na makatutulong sa mahigit isang bilyong naninigarilyo na huminto o lumipat sa mas ligtas na alternatibo.

Ang tobacco harm reduction ay tumutukoy sa mga hakbang na naglalayong bawasan ang panganib ng mga sakit dulot ng paninigarilyo sa pamamagitan ng paggamit ng mga produktong gaya ng heated tobacco, nicotine pouches, at e-cigarettes imbes na magpatuloy sa paggamit ng tradisyonal na sigarilyo.

Sa naturang sesyon na pinamagatang “Reflections on the Framework Convention on Tobacco Control at 20”, nagtipon-tipon ang mga eksperto mula sa larangan ng pampublikong kalusugan, oncology, at adbokasiya ng mamimili upang suriin ang naging implementasyon ng FCTC.

Binigyang-diin ng mga panelist na dapat maging pangunahing batayan ng modernong tobacco control ang agham, pagkakapantay-pantay, at karapatang pantao. Nanawagan silang iwanan ang malawakang pagbabawal at itaguyod ang mga patakarang praktikal, batay-sa-ebidensya, at nagbibigay-daan sa inobasyon habang gumagalang sa dignidad ng tao.

Kabilang sa mga nagsalita sina Propesor Tikki Pangestu, dating Director ng Research Policy & Cooperation sa WHO at kasalukuyang Visiting Professor sa Yong Loo Lin School of Medicine, National University of Singapore; Asa Saligupta, director ng ENDS Cigarette Smoke Thailand (ECST); Dr. Derek Yach, dating WHO cabinet director at executive director para sa noncommunicable diseases and mental health, na nanguna sa pagbabalangkas ng FCTC; Propesor David Khayat, Pranses na oncologist at co-author ng Paris Charter Against Cancer; at Jeannine Cameron, tagapagtatag ng JCIC International Consultancy.

Binigyang-diin pa ni Pangestu ang impluwensya ng WHO sa mga bansang mababa at katamtaman ang kita, na madalas ay walang sapat na kakayahang bumuo ng sariling polisiya. “The elephant in the room is the WHO,” aniya. “As long as that position doesn't change, many countries are going to continue with apathy”.

Pinuna naman ni Saligupta ang papel ng Bloomberg Philanthropies at ilang NGO sa paghuhubog ng mahigpit na patakaran kasang-ayon ng WHO. “They use ideology over evidence, they’re ignoring science and pushing prohibition,” aniya, kasabay ng babala na ang maling impormasyon at labis na regulasyon ay humahadlang sa mga naninigarilyo sa mga bansang gaya ng Thailand — kung saan ipinagbabawal pa rin ang vaping — na magkaroon ng mas ligtas na opsyon.

Samantala, kinilala ni Yach ang kahalagahan ng FCTC sa kasaysayan, ngunit binatikos ang hindi pantay-pantay na implementasyon nito at ang pag-iwas na isama ang harm reduction.

Nanawagan si Khayat para sa isang mas makataong, education-based na polisiya sa kalusugan, at tinutulan ang “quit or die” na pananaw bilang hindi makatotohanan para sa mga hirap sa pagkaadik sa nikotina.

Ipinahayag naman ni Cameron na ang makabuluhang pagbabago ay dapat magmula sa pambansang pamahalaan at hindi sa mga international na ahensya. “The WHO gets to decide nothing. It’s the national governments that must act,” aniya.

Sa Pilipinas, sinuportahan ni Dr. Lorenzo Mata, Jr., presidente ng Quit for Good, ang panawagan para sa reporma. “The WHO has fallen short of its target and failed to help more than a billion smokers globally,” ani Mata.

Dagdag pa niya: “Because of its prohibitionist ideology, the WHO has only alienated smokers and nicotine consumers, demonizing them for their habits. It is time for the WHO to adopt a more compassionate approach and acknowledge the rights of consumers to choose what is best for them.”