TikTok CEO, sumangguni kay Musk para sa administrasyong Trump

ni Angela Fernando @Overseas News | Nov. 24, 2024

Photo: Shou Zi-Chew ng TikTok, Donald Trump at Elon Musk - Bloomberg, Alex Brandon-AP

Sumangguni ang ByteDance na pag-aari ng TikTok Chief Executive Officer (CEO) na si Shou Zi Chew para sa input ng bilyonaryong si Elon Musk upang matugunan ang mga potensyal na tech policy sa ilalim ng magiging bagong administrasyon ng United States (US) sa pamumuno ng President-elect na si Donald Trump, ayon sa Wall Street Journal (WSJ).

Hindi naman sumagot sina Chew, Musk, at ang administrasyong Trump nang matanong ng Reuters para sa kanilang komento patungkol dito.

Samantala, nilinaw naman sa nasabing report na hindi napag-usapan ng parehas na executives ang mga maaaring hakbang para magpatuloy ang pagtakbo ng TikTok sa US.

Idinagdag din sa ulat na si Chew ay patuloy na ipinapaalam sa mga senior leaders ng ByteDance ang patungkol sa pag-uusap, na inaasahan ng mga executives na mahahanapan ng solusyon upang magpatuloy ang nasabing application.

Matatandaang unang nakipag-ugnayan sila Chew sa mga taong malalapit kay Trump pati kay Kamala Harris bago pa ang naganap na halalan para sa maingat na pagsisikap na magpatuloy ang kanilang social media platform sa bansa.

Unang kaso ng bird flu sa bata sa U.S. naitala sa California

ni Eli San Miguel @Overseas News | Nov. 23, 2024

Photo: Representation

Kinumpirma ng mga opisyal ng kalusugan nitong Biyernes, ang bird flu sa isang bata sa California, na siyang unang naiulat na kaso sa isang batang Amerikano.

Ayon sa Centers for Disease Control and Prevention, mayroon ang bata ng banayad na sintomas, binigyan ng antiviral na gamot, at nagpapagaling na sinabi ng mga opisyal ng estado, na pumapasok ang bata sa daycare at nakatira sa Alameda County, kabilang ang Oakland at mga kalapit na lugar, ngunit wala nang ibang detalye na ibinigay. ​​

Ayon sa CDC, nagdala ang impeksyon ng kabuuang bilang na 55, ng mga naiulat na kaso ng bird flu sa U.S. ngayong taon, kabilang na ang 29 sa California.

Karamihan sa mga ito ay mga manggagawa sa farm na nagpositibo na may banayad na sintomas.

Sinabi ng mga opisyal na iniimbestigahan nila kung paano nahawa ang bata. Walang ebidensya na kumalat ang bird flu mula sa bata patungo sa ibang tao.

600k nawalan ng kuryente sa US dahil sa bagyo

ni Eli San Miguel @Overseas News | Nov. 21, 2024

Photo: "Bomb cyclone" - Eastside Fire and Rescue / AP

Isang malakas na bagyo ang tumama sa estado ng Washington nitong Miyerkules, na nag-iwan ng daan-daang libong tao na walang kuryente, umabala sa pagbiyahe, at nagresulta sa hindi bababa sa dalawang pagkamatay.

Isang babae ang namatay noong Martes nang mabagsakan ng puno ang isang kampo ng mga walang bahay sa Lynnwood, hilaga ng Seattle.

Isa pang babae ang nasawi malapit sa Seattle nang mabagsakan ng puno ang kanyang bahay. Dalawang tao naman ang nasugatan nang mabagsakan ng puno ang kanilang trailer sa Maple Valley, timog-silangan ng Seattle.

Mayroon ang bagyo ng mga hangin na umaabot sa 50 mph (80 km/h) at mga bugso ng hangin na umabot ng 70 mph (110 kph).

Iniwan nito ang mahigit 600,000 na tahanan at negosyo na walang kuryente sa Washington, timog-kanlurang Oregon, at Hilagang California, ayon sa Poweroutage.us.

Tinatawag na "bomb cyclone" ang bagyo dahil sa mabilis nitong paglakas, at inaasahang mananatili sa Hilagang California sa mga susunod na araw.