Discayas, ‘Janet Lim Napoles’ ng flood control scam — Ridon

by Info @News | September 14, 2025

Photo: Discaya at Janet Napoles - Senate PH, Circulated

Inihalintulad ni House Infrastructure Committee Co-Chairperson Rep. Terry Ridon ang mag-asawang Curlee at Sarah Discaya kay Janet Lim Napoles na napatunayang guilty sa pork barrel scam dahil sila umano mismo ang nagbibigay ng pera sa mga sangkot na kongresista base sa nilagdaan nilang sanaysay.

Kasabay ito ng paggiit niya na sarado na ang tsansa na maging ‘state witnesses’ ang mag-asawang Discaya dahil ang unang requirements umano rito ay dapat hindi ‘most guilty’ ang applicants.

Idinagdag din niya na pareho umano sa nangyari kay Napoles sa PDAF ang personal umanong pagbibigay ng mga Discaya ng pera sa mga kongresista.

Thailand trip ng SK sa Maynila, iimbestigahan — DILG

by Info @News | September 14, 2025

Photo: DILG, SK Federation Manila / FB

Sinabi ng Department of the Interior and Local Government (DILG) na iimbestigahan nila ang naging byahe sa Bangkok, Thailand ng mga Sangguniang Kabataan (SK) leaders sa Maynila na umani ng puna sa publiko matapos kumalat ang ngayo’y deleted ng social media post ni Manila SK Federation President Julianna Ibay.

“We will investigate what is behind this,” ayon kay DILG Sec. Jonvic Remulla.

Ayon sa mga netizen, isa lamang itong pagliliwaliw na gamit ang pondo ng publiko.

Una nang nilinaw ng SK Federation ng Maynila na hindi pagliliwaliw kundi isang training na may kasamang mga seminars at institutional learning and planning sessions kasama ang mga Thai-partner institution ang kanilang ginawa.

Idinagdag din nila na, “Participants are expected to submit Re-Entry Action Plans (REAP) as part of their commitment to apply the knowledge gained within their respective barangays”.

Gayunpaman, itinuro ni Remulla ang pagiging ‘careless’ ni Ibay sa pag-post ng mga larawan ng kanilang trip.

“It is as if she was flaunting on social media,” ayon kay Remulla.

House infra probe, layong protektahan si Zaldy Co — Tiangco

by Info @News | September 8, 2025

Photo: HOR / Senate of the Philippines

Binuo umano ang House Infrastructure Committee (InfraComm) upang protektahan si Ako Bicol Rep. Zaldy Co mula sa pananagutan sa umano'y kuwestiyonableng pagpasok ng badyet, ayon kay Navotas Rep. Toby Tiangco.

Sinabi ni Tiangco na ang pagtanggi ng komite na ipatawag si Co ay nagpapakita na ang tunay na layunin nito ay para protektahan ito sa halip na ibunyag ang katotohanan.

“Hindi naman lalabas ‘yung katotohanan kung ganito ang liderato. Ayaw nga nilang ipatawag si Zaldy Co, pinoproteksyunan nila si Zaldy Co. ‘Yung InfraComm, ang layunin lang nu'n, proteksyunan si Zaldy Co. So paano lalabas ang katotohanan? Hangga't hindi lumalabas ang katotohanan na kapani-paniwala sa tao, ano ang mangyayari d’yan? Lalong magagalit ang tao at ‘wag naman tayong manhid. Alam natin galit na iyong tao,” ani Tiangco sa panayam sa One Balita Pilipinas ng One PH.

Noong nakaraang linggo, sinabi ni Tiangco na ang mga partylist na nauugnay kay Co ay nakatanggap umano ng mahigit P4 bilyong halaga ng alokasyon mula sa Department of Public Works and Highways (DPWH), bukod pa sa P13 bilyon sa ilalim ng pangalan ni Co.

Nauna nang kinumpirma ng Kamara na si Rep. Co ay nasa United States, para umano magpagamot.