Naguluhan lang po siya — Curlee Discaya

by Info @News | September 18, 2025

Photo File: Hontiveros at Curlee Discaya - House of Representatives

Iginiit ni Pacifico ‘Curlee’ Discaya na naguluhan lamang ang kanyang asawa na si Sarah Discaya matapos nitong itanggi ang unang sinabi nito na naglalaban-laban ang kanilang siyam na kumpanya matapos tanungin ni Sen. Risa Hontiveros kung naglalaban ang kanilang kumpanya sa bidding,

"Naguguluhan lang po siya nu’ng time na ‘yon pero sa records namin, hindi po naglalabanan at nag-divest na po kami sa mga kumpanyang iyon. Ako po, St. Gerrard lang ang aking company," ayon kay Discaya.

Romualdez, matagal ng nagko-contemplate mag-resign — Khonghun

by Info @News | September 17, 2025

Photo File: Martin Romualdez / Jay Khonghun - FB

Sinabi ni House Deputy Speaker Zambales Rep. Jay Khonghun na matagal nang pinag-iisipan ni House Speaker Martin Romualdez na magbitiw sa liderato.

“Speaker Romualdez is in a good mood. Okay naman siya at nakapag-usap na sila ni incoming Speaker Bojie Dy at tinatapos lang ang leadership meeting,” ayon kay Khonghun.

Idinagdag din niya na kumpyansa si Romualdez sa liderato ng napupusuan niyang papalit sa kanya na si Isabela Rep. Faustino “Bojie” Dy III. “[Romualdez] is supportive kay incoming Speaker Dy at talagang magkaibigan sila.

Nandun ‘yung confidence na talagang magtutuloy-tuloy ang adhikain ng leadership at ng insititusyon na tulungan ‘yung ating pamahalaan, especially [si Pres. Bongbong Marcos],” ayon kay Khonghun.

Idinagdag din niya na, “Nakita naman natin na naging magaling siyang congressman, governor, vice governor, at talagang nakita nating naging stable ang pinamahalaan niyang probinsya ng Isabela.”

DOJ, aapela laban sa pansamantalang laya kay Teves

by Info @News | September 14, 2025

Photo: Arnie Teves / NBI

Sinabi ng Department of Justice (DOJ) na iaapela nila ang desisyon ng Manila Regional Trial Court (RTC) Branch 12 para payagan ang hiling ni dating Negros Oriental Rep. Arnolfo ‘Arnie’ Teves, Jr. na makapagpiyansa sa kasong murder.

Binigyang-diin ng DOJ na maaaring magdulot ng panganib ang pansamantalang pagpapalaya sa dating kongresista dahil maliban sa murder ay nahaharap pa ito sa 10 counts of murder, 13 counts of frustrated murder at 4 counts of attempted murder kaugnay ng pagpaslang kay dating Negros Oriental Gov. Roel Degamo at siyam na iba pa.

Nakabinbin din ang kasong illegal possession of firearms and explosive at paglabag sa Terrorism Financing Prevention and Suppression Act.