Pilipinas inilahad ang diskarte sa pagsugpo sa paninigarilyo

ni Chit Luna @Brand Zone | February 8, 2024

PANAMA CITY — Itinulak ng Pilipinas at New Zealand ang konsepto ng tobacco harm reduction (THR) sa isinasagawang Conference of the Parties (COP) ng Framework Convention on Tobacco Control (FCTC) ng World Health Organization bilang tugon sa problema sa paninigarilyo.

Ang mga delegado mula sa 183 na bansa ay nagtitipon sa Panama para sa 10th Conference of the Parties (COP 10) para isulong ang pagkontrol sa tabako at iwasan ang pagkamatay ng 8.7 milyong tao sa buong mundo bawat taon dahil sa paninigariloyo.

Sinabi ni Senior Deputy Executive Secretary Hubert Guevara, ang pinuno ng delegasyon ng Pilipinas sa 10th COP, na ang bansa ay nagtala ng pagbaba sa paninigarilyuo mula 23.8 porsiyento noong 2015 hanggang 19.5 porsyento noong 2021 bilang pagpapatupad nito ng FCTC treaty.

“This key achievement is the result of a collective and balanced approach, with whole-of-society and whole-of-government efforts, in advocating for and implementing effective policies and legislative measures,” sabi ni Guevara.

Sinabi ni Guevara na noong 2022, pinagtibay ng Pilipinas ang Republic Act No. 11900, o ang "Vaporized Nicotine and Non-Nicotine Products Regulation Act" para i-regulate ang vaporized nicotine at non-nicotine products (VNNPs) at novel tobacco products (NTPs).

Binigyang-diin ni Guevara ang kahalagahan ng angkop at multi-sectoral na diskarte sa pagpapatupad ng FCTC, pagkilala sa Artikulo 1(d) ng FCTC, iba't ibang pambansang konteksto at priyoridad at lokal na batas.

Ang Pilipinas, aniya, ay patuloy na makikibahagi sa konstruktibong pag-uusap at pakikipagtulungan sa mga kapwa partido sa COP 10 para malampasan ang iba't ibang hamon.

Samantala, ang pinuno ng delegasyon ng New Zealand ay nagpahayag din ng malakas na suporta para sa harm reduction at binanggit ang malaking pagbaba sa antas ng paninigarilyo sa 6.8 porsiyento mula sa 8.6 porsiyento noong nakaraang taon at 16.4 porsiyento noong 2011-2012, sa tulong ng harm reduction na nakabatay sa ebidensya.

Sinabi niya na ito ay bahagi ng layunin ng New Zealand na makamit ang smoke-free status kung saan mas mababa sa 5 porsyento ng populasyon ang naninigarilyo.

Nakamit ito ng New Zealand sa pamamagitan ng mga hakbang na inendorso ng FCTC kabilang ang regulasyon, mga inisyatiba na nakabatay sa komunidad at naka-target na suporta sa pagtigil sa paninigarilyo, dagdag niya.

Kabilang din dito ang pagpapatupad ng mga hakbang sa harm reduction, ayon sa pinuno ng delegasyon ng New Zealand.

Inilarawan ni Guevara ang RA 11900 sa Pilipinas bilang isang "landmark na batas" na naglalayong bawasan ang pinsalang dulot ng paninigarilyo, at nagtatatag ng komprehensibo at naiibang balangkas ng regulasyon para sa pag-aangkat, paggawa, pagbebenta, pag-iimpake, pamamahagi, paggamit at komunikasyon ng vaporized nicotine at mga produktong hindi nikotina, kasama ang iba pang mga nobelang produktong tabako.

Pinoprotektahan din ng batas na ito ang mga menor de edad sa pamamagitan ng paghihigpit sa pagbebenta, kabilang ang online na kalakalan, pamamahagi at marketing ng mga VNNPs o NTPs, at pagbabawal ng mga aktibidad na nauugnay sa produktong tabako sa loob ng 100 metro ng mga paaralan, palaruan, at pasilidad na madalas puntahan ng mga menor de edad, aniya.

Ang Pilipinas ay nagsabataas din ng mga legislative measures tulad ng Tobacco Regulation Act of 2003, Graphic Health Warning Law at Excise Tax Laws sa mga novel tobacco products.

Sinabi ni Guevara na ang excise tax sa tabako at vape products ay umabot ng halos $3 bilyon noong 2022, at ito ay tumulong sa pagpopondo ng mahahalagang serbisyo ng gobyerno kabilang ang mga programa sa pangkalusugan at recovery mula sa COVID-19, mga proyektong pang-imprastraktura tulad ng farm-to-market roads, paaralan, ospital at pasilidad ng kalusugan.

Sinabi niya na bilang pagsunod sa FCTC Article 6 mula 2012, ang Pilipinas ay patuloy na nagtaas ng excise tax rates sa mga sigarilyo at produktong tabako, na ginagawang mas mahal ang mga ito, at dahil dito ay bumababa ang pagkonsumo.

Ang Pilipinas ay nasa proseso din ng pagpapatibay ng bagong batas na "Anti-Agricultural Economic Sabotage Act" na nagdedeklara ng pagpupuslit ng tabako bilang economic sabotage at naglalayong bawasan ang ipinagbabawal na kalakalan ng tabako sa Pilipinas.

Samantala, sinabi ng pinuno ng delegasyon ng New Zealand na kasama sa diskarte nito ang paggawa ng isang hanay ng mga produktong pamalit sa nikotina na magagamit ng mga taong naninigarilyo, kabilang ang mga therapeutic na produkto tulad ng mga patch, gum at mga gamot na makakapagpahinto sa paninigarilyo.

Nagpasa din ang New Zealand ng mga batas para i-regulate ng vaping products. Kasama dito ang paghihigpit sa kung saan sila maaaring ibenta at kung sino ang maaaring magbenta ng mga ito.

Sinabi niya na sa kabila ng mababang antas ng paninigarilyo para sa lahat ng grupo ng mga taga-New Zealand, ang antas ng pang-araw-araw na paninigarilyo para sa mga Maori, mga mahihirap, m5ga nasa hustong gulang na may mga kapansanan at mga taong nakakaranas ng pagkabalisa sa isip at mga isyu sa adiksyon ay mas mataas kaysa sa iba.

Bilang karagdagan sa umiiral na mga diskarte sa pagkontrol sa tabako na nakabatay sa ebidensya, nakatuon din ang New Zealand sa pagbibigay sa mga tao ng mga praktikal na tool at suporta para matulungan silang lumayo sa pagninigarilyo, aniya.

Mga eksperto nagmungkahi ng magkaibang regulasyon sa sigarilyo at makabagong produkto

ni Chit Luna @Brand Zone | January 23, 2024

Dapat magkaroon ng makaibang regulasyon para sa sigarilyo at makabagong produkto tulad ng vape, heated tobacco at oral nicotine products na maaaring makatulong sa pagresolba ng pandaigdigang suliranin sa paninigarilyo, ayon sa mga dalubhasa.

Sinabi ni Prof. David Sweanor, tagapangulo ng advisory board ng Center for Health Law, Policy at Ethics sa University of Ottawa, na ang regulasyon sa vapes, heated tobacco, oral nicotine products at iba pang alternatibong walang usok ay hindi dapat maging kasing higpit kumpara sa mga tradisyunal na sigarilyo na ginagamitan ng apoy.

Ito ay dahil ang taunang pagsusuri ng Office for Health Improvement and Disparities sa UK, ay patuloy na nagpapakita na ang mga bagong produktong nikotina ay nagdadala ng mas mababang panganib kaysa sa paninigarilyo.

Si Prof. Sweanor ang unang abogado sa mundo na tumutok sa mga patakaran upang mabawasan ang pinsala mula sa paninigarilyo. Aniya, kung magkasing-higpit ang regulasyon na ipapataw sa sigarilyo at bagong produkto, mas kaunting mga tao ang maaaring magtangkang lumipat mula sa sigarilyo. Sinabi niya na ang ganitong regulasyon ay nagbibigay sa sigarilyo ng kalamangan sa merkado.

“Such regulations give the incumbent deadly products a marketplace advantage and reinforce misinformation about cigarettes being no more hazardous than smoke-free alternatives,” ayon kay Prof. Sweanor.

Sinabi ng mga eksperto na ang usok mula sa nasusunog na tabako, at hindi nikotina, ang nagdudulot ng mga pangunahing problema sa kalusugan na nauugnay sa sigarilyo.

Sa paglipat sa mga smoke-free alternatives tulad ng heated tobacco, vape o oral nicotine, ang pinsala ay lubhang nabawasan, sabi nila.

Ayon kay Prof. Sweanor, ang paglanghap ng usok ang nagdudulot ng pandaigdigang pandemya, at ang mga alternatibong walang usok ay mas mahusay na alternatibo sa sigarilyo.

“Empowering and facilitating the move to smoke-free products for people who smoke cigarettes would lead to one of the greatest advances in the history of global public health," dagdag niya.

Sumangayon si Dr. Jamie Hartmann-Boyce, senior research fellow sa Health Behaviors sa University of Oxford, na habang ang nikotina ay nakakahumaling, hindi ito nagdudulot ng pinsala mula sa paninigarilyo.

Aniya, ang ebidensiya ay nagpapakita na ang mga e-cigarette na may nikotina ay maaaring makatulong sa mga tao na huminto sa paninigarilyo, at sila ay hindi nakakapinsala tulad ng paninigarilyo.

Binatikos naman ni Prof. Peter Hajek, direktor ng Tobacco Dependence Research Unit sa Queen Mary University of London, ang World Health Organization (WHO) dahil sa mahigpit nitong paninindigan laban sa vaping. Ito ay humahadlang sa paglipat ng mga naninigarilyo sa mas ligtas na mga alternatibo, aniya.

Sinabi ni Prof. Hajek na ang posisyon ng WHO ay taliwas sa mga progresibong patakaran na pinagtibay ng mga bansa tulad ng Sweden, Norway, New Zealand at Japan, na nakarehistro ng pinakamalaking pagbaba sa antas ng paninigarilyo sa nakaraang dekada.

Aniya, ang paggamit ng sigarilyo ay nabawasan ng halos kalahati sa loob lamang ng ilang taon sa mga bansang ito.

Pinaalalahanan naman ni Prof. Sweanor ang ilang bansa na nagpataw ng mataas na buwis sa mga produktong nikotina. Ito ay tulad ng pagbibigay ng parehong parusa para sa pagmamaneho habang matino at habang lasing, dagdag niya.

"The bottom line is that we have known for decades that the reason people die from smoking is because of inhaling smoke, not from nicotine. We know that the countries that have had the biggest declines in cigarette smoking in recent times are countries that are essentially ignoring the advice of the World Health Organization—places that have allowed substitutes to replace cigarettes," sabi ni Prof. Sweanor.

Pinuna ng mga eksperto ang WHO Framework Convention on Tobacco Control (FCTC), ang pandaidigang tratado para sa pagkontrol ng tabako, dahil sa kawalan nito ng transparency at nanawagan para sa rebisyon nito para isama ang prinsipyo ng tobacco harm reduction (THR) na sumusuporta sa mga naninigarilyo na lumipat sa mas ligtas na mga alternatibo.

Ang mga kinatawan mula sa mga bansang lumagda sa WHO FCTC ay magpupulong sa Panama para sa ika-10 Conference of the Parties (COP) sa taong ito, matapos kanselahin ang pulong noong Nobyembre 2023, para talakayin ang mga pangunahing paksa tulad ng kung paano tratuhin ang “novel” o makabagong produktong nikotina.

Sinabi ni Dr. Riccardo Polosa, propesor ng Internal Medicine sa Unibersidad ng Catania at tagapagtatag ng Center of Excellence for the Acceleration of Harm Reduction (CoEHAR) sa Italy, na ang kasalukuyang mga patakaran sa pagkontrol ng tabako ay nangangailangan ng pagbabago.

Aniya, higit sa pagtataguyod ng mga aksyon tulad ng pagtaas ng mga buwis sa tabako and pagpapatupad ng mga pampublikong pagbabawal sa paninigarilyo, dapat ding isaalang-alang ng WHO ang tobacco harm reduction sa pamamagitan ng pagsulong ng mga makabagong produkto para sa mga nasa hustong gulang.

Ipinapatupad na ito ng mga bansang tulad ng Japan, Norway, Sweden, England at Iceland, aniya.

Sinabi naman ni Prof. Hajek na ang mga sakit na nauugnay sa paninigarilyo tulad ng sakit sa puso at sakit sa baga ay mawawala sa kalaunan kung ang mga naninigarilyo ay bibigyan ng pagkakataon na lumipat sa may mas maliit na panganib na mga produktong nikotina.

Pulis na sangkot sa pagkawala ni Catherine Camilon, sibak

ni Angela Fernando - Trainee @News | January 18, 2024

Tuluyang inalis sa serbisyo si Police Major Allan de Castro na sangkot umano sa pagkawala ng Pinay beauty queen na si Catherine Camilon, ayon sa Police Regional Office 4A (PRO 4A).

Kinumpirma ni PRO 4A chief Police Brigadier General Paul Kenneth Lucas nitong Huwebes na epektibo ang pagkakasibak sa trabaho kay de Castro nu'ng Enero 16.

Saad ni Lucas, "Today, I would like to announce the dismissal of Police Major Allan de Castro from the PNP service effective January 16, 2024, signed by me, following an extensive investigation conducted by our Regional Internal Affairs Service 4A."

Ayon kay Lucas, sinibak ang sinasabing suspek dahil sa "conduct unbecoming of a police officer," o dahil sa naging ugnayan nila ng beauty queen kahit siya'y pamilyado na.

Matatandaang nakaladkad si de Castro sa pagkawala ni Camilon matapos na lumabas sa imbestigasyon ng mga pulis na siya ang kakatagpuin ng beauty queen nang araw na mawala ito sa Batangas.

Mariin naman ang naging pagtanggi ni de Castro na may kinalaman siya sa pagkawala ni Camilon.